2 Tımothy 2:13 - Nǫ̀htsı̨ Nı̨htł'è

¹³ Wets'ǫ̀ goyatıì nàts'eezhì sǫnı kò ededı̨ edeyatıì nàezhì ha nıìle, edınì k'èch'a ade ha hòɂǫ nıìle t'à.

2 Tımothy 2:13 ပူးပေါင်းရင်းမြစ်များ

Matthew 24:35

Yak'e eyıts'ǫ dèè whìle agode ha hǫt'e, hanìkò seyatıì wı̨ı̨zìı sìı whìle ade ha nıìle.

Rome 3:3

Ekò Israel got'ı̨į̀ mǫ̀hdaa gıgha ehkw'ı-ahodı-le ts'ıhɂǫ̀ Nǫ̀htsı̨ ayìı dàyele ha gòhdıı sìı edeyatıì k'èdì ha-le nì?

Rome 9:6

Nǫ̀htsı̨ weyatıì k'ę̀ę̀ agòjà-le ts'ı̨ı̨wǫ nı̨dè ehkw'ı ats'ı̨ı̨wǫ nıìle. Israel wets'ıhɂǫ̀ǫ-dǫǫ̀ gı̨ı̨lı̨ı̨ sìı hazǫǫ̀ Israel got'ı̨į̀ gha gııtà nıìle.

1 Corınth 1:9

Nǫ̀htsı̨-Gotà, Edeza Zezì-Krı wexè ı̨łè laaht'e ha naxıkayaı̨htıı sìı t'aats'ǫǫ̀ gots'ǫ̀ edeyatıì k'èdì hǫt'e.

1 Thessalonıca 5:24

Amìı naxıkayaı̨htıı sìı hotıì edeyatıì k'èdì hǫt'e, eyıts'ǫ yek'ę̀ę̀ eghàlaeda ha hǫt'e.

2 Thessalonıca 3:3

Hanìkò gots'ǫ̀ K'àowo hotıì edeyatıì k'èdì hǫt'e, naxıdzeè nàtsoò anaxııle xè, wehłı̨ı̨ ch'à naxık'èdì ha hǫt'e.

Tıtus 1:2

Nǫ̀htsı̨ hots'ì-le sìı, dıı dèè hòèlı̨ kwe gots'ǫ welǫ whìle ts'ǫ̀ ts'eeda agodle gha edeyatıì goghàı̨ɂǫ ı̨lè. Eyıt'à gogha ehkw'ı-ahodı xè nàowo ehkw'ıı k'èts'eezǫ ha dìì-le.

Hebrew 6:18

Nǫ̀htsı̨ sìı t'asìı nàke ładı̨į̀ adle ha-le t'à yatı whehtsı̨ hǫt'e, eyı weghàà Nǫ̀htsı̨ hots'ì ha honàedı nıìle wek'èts'eezǫ. Goxı̨ hoìla ch'à edaxàgoeze gha Nǫ̀htsı̨ ts'ǫ̀ kwı̨ts'eèhdee sìı eyı ghǫ goınì nàtso welì.