2 Tımothy 2:12 - Nǫ̀htsı̨ Nı̨htł'è

¹² Dats'ı̨ı̨ɂa kò weghǫ goınì nàtso ats'ı̨ı̨hwhǫ nı̨dè, wexè k'ahots'edè ha hǫt'e. Wek'èts'eezǫ-le ts'edı nı̨dè ededı̨ sı gok'èezǫ-le hadı ha.

2 Tımothy 2:12 ပူးပေါင်းရင်းမြစ်များ

Matthew 10:33

Hanìkò amìı dǫ nadąą̀ sek'èezǫ-le hadıı sìı, sı̨ sı Setà yak'e whedaa sìı wenadąą̀ eyı dǫ wek'èehsǫ-le dehsı̨ ha.

Matthew 26:35

Hanìkò Peter yets'ǫ̀ hadı, “Nexè ełaehwhı ha nǫǫ̀ kò, nek'èehsǫ-le dehsı̨ ha nıìle,” yèhdı. Wecheekeè hazǫǫ̀, ededı̨ sı, hagedı.

Matthew 26:75

Hanì et'ıì Peter, Zezì dàdı ı̨lèe sìı yenadì. “K'àbacho ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè. Peter xàèhtła gà sıì ededzeè t'à ı̨tsè.

Mark 10:33

hadı, “Jerusalem ts'ǫ̀ ts'eedè ha. Ekǫ Dǫ-wet'àaɂàa-deè sìı yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ tł'aàgehtè ha hǫt'e. Ełaàwı gha gısınìyahtı ha. Eyı tł'axǫǫ̀ dǫ eładı̨ı̨ tł'aàgıhtè ha.

Mark 8:38

Dıì dǫ hołı̨ı̨ k'ę̀ę̀ geedaa sìı amìı gonadąą̀ seghǫ į̀į̀zhaelı̨ xè seyatıì sı ghǫ į̀į̀zhaelı̨ nı̨dè wexè hoìla ha. Dǫ-wet'àaɂàa-deè edetà wets'ǫ enıìyah deè t'à yak'eet'ı̨į̀ goxè nììtła nı̨dè, yeghǫ į̀į̀zhaelı̨ ha hǫt'e.

Luke 12:9

Hanìkò amìı dǫ nadąą̀ sek'èezǫ-le hadıı sìı Nǫ̀htsı̨ weyak'eet'ı̨į̀ gınadąą̀ wek'èhoedzǫ ha-le.

Luke 22:29

Setà K'àowocho ehłı̨ ha seghàhòı̨ɂǫ k'ę̀ę̀ sı̨ sı k'àowocho aahłı̨ gha naxıghàhòehɂǫ hǫt'e.

Luke 22:30

K'àowocho whıhłı̨ nı̨dè seladà k'e shèahzhe ha eyıts'ǫ daèhchı̨cho k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha,” gots'ǫ̀ hadı.

Luke 9:26

Amìı dǫ nadąą̀ seghǫ į̀į̀zhaelı̨ xè seyatıì sı ghǫ į̀į̀zhaelı̨ nı̨dè wexè hoìla ha. Dǫ-wet'àaɂàa-deè edets'ǫ eyıts'ǫ edetà wets'ǫ enıìyah deè t'à yak'eet'ı̨į̀ gìdaat'ı̨ı̨ goxè nììtła nı̨dè, yeghǫ į̀į̀zhaelı̨ ha hǫt'e.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Rome 5:17

Eyıt'à dǫ ı̨łè hołı̨ı̨ hòèhtsı̨ ts'ıhɂǫ̀ dǫ hazǫǫ̀ ełaàgede ha ı̨lè. Nǫ̀htsı̨ eyı nahk'e t'asìı deè gogha hayį̀į̀là: Dǫ ı̨łè wet'ǫ̀ǫ̀ Nǫ̀htsı̨ edesǫnıwǫǫ̀ denahk'e goghàyeɂà ha eyıts'ǫ dǫ hazǫǫ̀ wexè geedaa sìı ehkw'ı geedaa k'ę̀ę̀ gııtà ha hǫt'e. Eyı dǫ sìı Zezì-Krı hǫt'e.

Rome 8:17

Eyıt'à Nǫ̀htsı̨ weza ats'ı̨ı̨t'e nı̨dè Nǫ̀htsı̨-Gotà ayìı edeza ghàyele ha sìı goxı̨ sı goghàyele ha hǫt'e. Zezì-Krı wexè Nǫ̀htsı̨ weza ats'ı̨ı̨t'e nı̨dè Weza xè t'asìı goghàyele ha hǫt'e. Zezì-Krı wexè dats'ı̨ı̨ɂa nı̨dè goxı̨ sı wexè enıìyah deè goghàhòt'à ha hǫt'e.

Phılıppı 1:28

Dǫ naxık'èch'a agedıı sìı gıts'àahjı̨-le, eyı weghàà gıdıhołè ha sìı gık'èezǫ ha, hanìkò naxı̨ edaxàahdè ha sìı gık'èezǫ ha, Nǫ̀htsı̨ ededı̨ at'ı̨ ne t'à.

1 Tımothy 5:8

Dǫ edèot'ı̨ ts'àgedı-le, xàè edèot'ı̨ gots'àgedı-le nı̨dè ayìı wegha ehkw'ı-ahodıı sìı k'ę̀ę̀ eda nıìle. Dǫ wegha ehkw'ı-ahodı-le nahk'e ekǫ-le hòèhtsı̨ hǫt'e.

Jude 1:4

Dǫ mǫ̀hdaa ekǫ-le dǫ hoghàgogeehtǫǫ sìı naxınaàhtǫ naxıta gı̨ı̨de hǫt'e. Hanıı dǫ sìı gısınìyaetı ha whaà gots'ǫ hanì dek'eèhtł'è hǫt'e. Dǫ hanıı Nǫ̀htsı̨ gıgha wedę sìı Nǫ̀htsı̨ wesǫnıwǫ eładı̨į̀ dǫ hoghàgogeehtǫ, hagedı, “Nǫ̀htsı̨ wedzeè sǫnıwǫ t'à hołı̨ı̨ k'ę̀ę̀ eghàlats'eeda kò wegha t'asanìle,” gedı. Hagedı t'à Zezì-Krı ededı̨ zǫ Gots'ǫ̀ K'àowodeè t'asìı wegha dìì-le elı̨ı̨ sìı wedę welè gedı.

John Wenazhıı 1:6

Wetà Nǫ̀htsı̨ gha eghàlats'eeda ha t'à, dǫ ı̨łè lats'ı̨ı̨t'e xè yahtıı ts'ı̨ı̨lı̨į̀ agǫ̀ǫ̀là. Zezì-Krı weghàsǫts'eedı eyıts'ǫ welǫ whìle ts'ǫ̀ k'àowocho nàtso welè! Amen.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.

John Wenazhıı 20:4

Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.

John Wenazhıı 20:6

Eyı t'akwełǫ̀ǫ̀ dǫ nagìdàa sìı degaı agı̨ı̨t'e eyıts'ǫ gıxè sìghà agǫ̀ht'e. K'achı̨ ełaàgııde ha nıìle, hanìkò Nǫ̀htsı̨ wets'ǫ yahtıı gı̨ı̨lı̨ ha eyıts'ǫ ı̨łè-lemì xo gots'ǫ̀ wexè k'àowo gı̨ı̨lı̨ ha.

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.

John Wenazhıı 3:8

Dànì eghàlaahdaa sìı wek'èehsǫ. Aàhkw'ǫ, naxınadąą̀ enìxàı̨tǫ ahłà eyıts'ǫ dǫ wı̨ı̨zìı enìyeechı ha dìì. Nàahtso-le naxık'èehsǫ, hanìkò seyatıì k'èahdì hǫt'e eyıts'ǫ sek'èahsǫ-le dahdı nıìle.

John Wenazhıı 5:10

Dǫ ı̨łè zǫ lagı̨ı̨t'e agìnelà, Gonǫ̀htsı̨ gha eghàlageeda gha yahtıı gı̨ı̨lı̨į̀ agìnelà, eyıts'ǫ dıı nèk'e k'àowocho gı̨ı̨lı̨ ha,” hagedıì gejı̨.