2 Tımothy 2:11 - Nǫ̀htsı̨ Nı̨htł'è

¹¹ Dıı yatı sìı hotıì ehkw'ı hǫt'e: Wexè ełaàts'ı̨ı̨dè nı̨dè wexè ts'eeda ha hǫt'e.

2 Tımothy 2:11 ပူးပေါင်းရင်းမြစ်များ

John 14:19

Hòt'a whaà-le-t'ıì dıı nèk'e dǫ hazǫǫ̀ k'achı̨ segeɂį̀ ha-le, hanìkò naxı̨ seahɂį̀ ha. Sı̨ ehda t'à naxı̨ sı aahda ha.

Rome 6:5

Wexè ełaàts'ede k'ę̀ę̀ goıtà nı̨dè, wexèht'eè nats'ìdà k'ę̀ę̀ goıtà ha hǫt'e.

Rome 6:8

Eyıt'à Zezì-Krı wexè ełaàts'ı̨ı̨dè nı̨dè wexè ts'eeda ha sìı gogha ehkw'ı-ahodı hǫt'e.

2 Corınth 13:4

Nàtso-le k'ę̀ę̀ dechı̨et'aa k'e wedıìtsò t'ıį̀t'e, hanìkò dıì Nǫ̀htsı̨ dahxà nàtso eda hǫt'e. Eyı lanì goxı̨ sı wexè nàts'etso-le lats'ı̨ı̨t'e, hanìkò Nǫ̀htsı̨ dahxà naxıgha eghàlats'eeda gha nàts'etsoò ts'eeda hǫt'e.

2 Corınth 4:10

Zezì dànì gogha dàı̨ɂàa xè ełaı̨woo sìı t'aats'ǫǫ̀ gozhį̀į̀ yìı edexè k'ets'eɂa hǫt'e, eyı ts'ıhɂǫ̀ Zezì gozhį̀į̀ yìı edaa sìı wek'èedzǫǫ̀ ade ha.

1 Thessalonıca 4:17

Eyı tł'axǫǫ̀ goxı̨ ı̨łaà dıı nèk'e ts'eedaa sìı ı̨dòo k'oh yìı ts'ǫ̀ nets'ıìdè ha, ekǫ gıxè eyıts'ǫ gots'ǫ̀ K'àowo wexè ı̨dòo yat'a gınìhdǫǫ̀ ts'eedè ha. Eyıts'ǫ welǫ whìle ts'ǫ̀ gots'ǫ̀ K'àowo wexè ats'ı̨ı̨t'e ha hǫt'e.

1 Thessalonıca 5:10

Zezì gogha ełaı̨wo hǫt'e, eyıt'à ts'eedaa, ełaàts'edee, ehk'ę̀ę̀ t'aats'ǫǫ̀ wexè ts'eeda ha agǫ̀ǫ̀là hǫt'e.

1 Tımothy 1:15

Dıı yatı sìı hotıì ehkw'ı hǫt'e, dǫ hotıì edegha gìhchı ha hǫt'e: Zezì-Krı hołı̨ı̨-hogehtsı̨ı̨-dǫǫ̀ edaxàgole ha, dıı nèk'e ts'ǫ̀ ajà. Sı̨ sìı gıta gots'ǫ denahk'e hołı̨ı̨-hohtsı̨ı̨-dǫǫ̀ aht'e ı̨lè.

1 Tımothy 3:1

Dıı yatı sìı hotıì ehkw'ı hǫt'e: Dǫ gıgha ehkw'ı-ahodıı gha k'àowo wehłè dǫ hòtł'ò hanıwǫ nı̨dè, la wet'àaɂàa-deè ghǫ hòtł'ò anıwǫ hǫt'e.

Tıtus 3:8

Eyı yatı neghàı̨ɂǫǫ sìı hotıì ehkw'ı hǫt'e. Eyı yatı hazǫǫ̀ t'à gıts'ǫ̀ goı̨de ha dehwhǫ. Hanì-ı̨dè amìı Nǫ̀htsı̨ gıgha ehkw'ı adıı sìı edexogııhdı xè ayìı nezı̨ı̨ sìı zǫ ghàlageeda ha. Eyı yatı hazǫǫ̀ dǫ gık'ę̀ę̀ geeda gha sìı nezı̨ hǫt'e, eyıts'ǫ dǫ hazǫǫ̀ gha wet'àaɂà hǫt'e.