2 Tımothy 1:16 - Nǫ̀htsı̨ Nı̨htł'è

¹⁶ Onesıphorus eyıts'ǫ wekǫ̀ dǫ nàdèe sìı gots'ǫ̀ K'àowo gots'ǫ̀ wedzeè eteèɂı̨ welè, t'aats'ǫǫ̀ sınà asį̀į̀hwhǫ ı̨lè t'à, eyıts'ǫ sedaàtǫ kò seghǫ į̀į̀zhaelı̨-le ı̨lè.

2 Tımothy 1:16 ပူးပေါင်းရင်းမြစ်များ

Matthew 25:17

Eyı xèht'eè wecheekeè nàke-lemì satsǫ̀ą dekwoo weghǫ̀zhaa sìı yet'à nàke-lemì satsǫ̀ą dekwoo deɂǫ̀atłǫ whehtsı̨.

Matthew 5:7

Amìı wedzeè eteèɂı̨ı̨ gı̨ı̨lı̨ı̨ sìı gıxè sìghà hǫt'e; Nǫ̀htsı̨ etegoèhɂı̨ ha.

Zezì Wecheekeèdeè 21:33

Eghǫǫ-dǫǫ̀-gha-k'àowo weyatıì k'e Paul nıgıìchì eyıts'ǫ satsǫ̀tł'ıì nàke t'à dageèzhà. Eyı tł'axǫǫ̀ dǫ dagoehke, “Dıı dǫ amìı hǫt'e eyıts'ǫ ayìı t'à ekǫ-le hòèhtsı̨?” gòhdı.

Zezì Wecheekeèdeè 28:20

Eyı hanì nàhòwo t'à naxıkàwhıhɂà hǫt'e, eyıts'ǫ naxıts'ǫ̀ gohde ha dehwhǫ t'à. Israel got'ı̨į̀ dǫ ı̨łè gıkanıèɂàa sìı eyı wets'ıhɂǫ̀ dıı satsǫ̀tł'ıì sek'e whela hǫt'e,” Paul gòhdı.

1 Corınth 16:18

Sedzeè t'à sınà hogèhtsı̨, eyıts'ǫ naxı̨ sı hanaxegį̀į̀là. Dǫ hanıı sìı nezı̨į̀ gıts'ǫ̀ k'ehots'eɂa ha hǫt'e.

Ephesus 6:20

Eyı godı nezı̨ı̨ k'èxa sedaàtǫ xè satsǫ̀tł'ıì sek'e whela. Dejı̨-le xè dànì gots'ǫ̀ K'àowo godı nezı̨ı̨ weghǫ gohde ha sı̨ı̨hwhǫ k'ę̀ę̀ gohde ha segha yaahtı.

2 Tımothy 1:12

Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.

2 Tımothy 1:17

Į̀le, hanì k'ehoɂa-le ı̨lè. Kǫ̀godeè Rome nììtła ekò segòhɂǫ gots'ǫ̀ hazǫǫ̀ ts'ǫ̀ sekak'eet'į̀ ı̨lè.

2 Tımothy 1:18

Nǫǫde dzęę̀ k'e nı̨dè Nǫ̀htsı̨ eteyeèɂı̨ welè. Kǫ̀ta Ephesus nàhdè ekò t'asìı nezı̨ı̨ łǫ t'à sets'àı̨dì ı̨lèe sìı hazǫǫ̀ wek'èı̨zǫ hǫt'e.

2 Tımothy 1:8

Eyıt'à gots'ǫ̀ K'àowo weghǫ dǫ ts'ǫ̀ goı̨de ha į̀į̀zhanelı̨-le, eyıts'ǫ sı̨ wegha dǫ-danìı̨laa-kǫ̀ whıhda t'à seghǫ į̀į̀zhanelı̨-le. Hanìkò godı nezı̨ı̨ gha sexè daneeɂa ha welì. Nǫ̀htsı̨ sìı eyı gha nàts'etsoò agohɂı̨ hǫt'e.

2 Tımothy 4:19

Prıscılla eyıts'ǫ Aquıla, eyıts'ǫ Onesıphorus wekǫ̀ dǫ hazǫǫ̀ nàdèe sìı segha “Naxıxè sìghà welè” gìı̨dı.

Phılemon 1:20

Sèot'ı̨ı̨, gots'ǫ̀ K'àowo wets'ıhɂǫ̀ t'asìı net'àhoehwhı ha dehwhǫ. Eyıt'à Zezì-Krı wets'ıhɂǫ̀ sedzeè t'à sınà ası̨ı̨le.

Phılemon 1:7

Sıì dǫ gıghǫneètǫ t'à k'ǫǫnì sınà hǫt'e. Sèot'ı̨ı̨, Nǫ̀htsı̨ wets'ǫ dǫ gıdzeè t'à gınà agìnelà, eyı ts'ıhɂǫ̀ sınì nàtsoò asèneelà hǫt'e.

Hebrew 10:34

Dǫ gıdanìı̨laa sìı etegıahɂı̨ ı̨lè, eyıts'ǫ t'asìı naxıghǫ gį̀į̀hchì kò ı̨łaà naxınà ı̨lè, eyı wenahk'e t'asìı nezı̨ı̨ sìı, welǫ whìle ts'ǫ̀ naxıghaelı̨ ha wek'èahsǫ t'à.

Hebrew 6:10

Nǫ̀htsı̨ sìı ekǫ-le gots'ǫ̀ eghàlaeda nıìle; dànì wegha eghàlaahdaa eyıts'ǫ dànì weghǫnıahtǫǫ sìı yenadì ha hǫt'e. Wets'ǫ dǫ gıts'àahdı ı̨lè eyıts'ǫ dıı dzęę̀ ts'ǫ̀ ı̨łaà gıts'àahdı t'à weghǫnıahtǫǫ sìı yek'èezǫ hǫt'e.