2 Thessalonıca 1:3 - Nǫ̀htsı̨ Nı̨htł'è

³ Sèot'ı̨ı̨, denahk'e hòtł'ò naxıgha ehkw'ı-ahodıì aahde xè naxıdzeè t'à deɂǫ̀ǫ̀ ełeghǫnıahtǫ t'à t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ ha hǫt'e.

2 Thessalonıca 1:3 ပူးပေါင်းရင်းမြစ်များ

Luke 15:32

Goınà xè sǫts'ı̨ı̨wǫ ha t'ıį̀t'e. Nechı wewhìle ı̨lè, hanìkò dıì edaà anajà. Dıkǫehtła ı̨lè, hanìkò dıì wenagòt'ǫ,’ yèhdı,” Zezì hadıì goxè godo.

Luke 17:5

Wecheekeèdeè Zezì ts'ǫ̀ hagedı, “Denahk'e goınì nàtsoò agoı̨le,” gıìhdı.

John 15:2

Ts'ı wekw'ıhchı̨į̀ k'e jìecho dehshe-le sìı hazǫǫ̀ xàyeht'à hǫt'e, hanìkò wekw'ıhchı̨į̀ k'e jìecho dehshee sìı yek'e xagot'à, hanì-ı̨dè jìecho denahk'e łǫ dehshe gha ayehɂı̨.

Rome 1:8

T'akwełǫ̀ǫ̀ dıı haehsı̨ ha dehwhǫ: dıı nèk'e dǫ hazǫǫ̀ ts'ǫ̀ dǫ naxıgha ehkw'ı-ahodı ghǫ gogede t'à Zezì-Krı wedahxà naxıgha Senǫ̀htsı̨ masì weehwhǫ hǫt'e.

1 Corınth 1:4

Nǫ̀htsı̨-Gotà, Zezì-Krı wets'ıhɂǫ̀ naxıts'ǫ̀ sǫnıwǫ t'à, t'aats'ǫǫ̀ naxıgha masì weehwhǫ.

2 Corınth 10:15

Eyıts'ǫ dǫ eyıì-le naxıta eghàlagı̨ı̨dà ghǫ xàdahots'edì nı̨dè deɂǫ̀ǫ̀ ats'edı nıìle. K'èdaà naxınì nàtsoò ade ha ts'ı̨ı̨wǫ, hanì-ı̨dè naxıta eghàlats'eedaa sìı denahk'e nechà ade ha.

Ephesus 5:20

T'aats'ǫǫ̀ Zezì-Krı wıızì t'à Nǫ̀htsı̨-Gotà t'asìı hazǫǫ̀ gha masì weahwhǫ.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

Phılıppı 1:9

Dıı hanì naxıgha yahtı: deɂǫ̀ǫ̀ ełeghǫnıahtǫǫ̀ aahde ha, deɂǫ̀ǫ̀ goahsǫǫ̀ aahde ha eyıts'ǫ dànì ełeghǫnıahtǫ ha sìı deɂǫ̀ǫ̀ wek'èhoahsǫ aahde ha.

1 Thessalonıca 3:12

Goxı̨ dànì sıì naxıghǫnets'eètǫ k'ę̀ę̀ gots'ǫ̀ K'àowo deɂǫ̀ǫ̀ ełeghǫnıahtǫ eyıts'ǫ dǫ hazǫǫ̀ deɂǫ̀ǫ̀ gıghǫnıahtǫ anaxııle.

1 Thessalonıca 3:6

Hanìkò dıìhk'ǫ̀ą Tımothy naxıta gots'ǫ nǫ̀ǫtła, dànì ełeghǫnıahtǫ xè ı̨łaà naxıgha ehkw'ı-ahodıı sìı ghǫ godı nezı̨ı̨ gots'ǫ̀ naı̨ɂǫ. T'aats'ǫǫ̀ hoı̨zı̨ k'ę̀ę̀ gonaahdì, eyıts'ǫ dànì naxıts'eɂį̀ ha ts'ı̨ı̨wǫ k'ę̀ę̀ goahɂį̀ ha dahwhǫ, gòhdı.

1 Thessalonıca 3:9

Naxıts'ıhɂǫ̀ Nǫ̀htsı̨ wenadąą̀ sıì goınà t'à Nǫ̀htsı̨ sıì masì wets'ı̨ı̨hwhǫ hǫt'e.

1 Thessalonıca 4:1

Sèot'ı̨ı̨, nǫǫde t'à ı̨łaà t'asìı ghǫ naxıts'ǫ̀ eehtł'è ha dehwhǫ. Dànì Nǫ̀htsı̨ wınì k'ę̀ę̀ ts'eedaa sìı weghǫ hoghànaxets'eèhtǫ ı̨lè t'à dıì hanì aahda hǫt'e. Gots'ǫ̀ K'àowo Zezì weyatıì dahxà k'èdaà hanì aahda naxìts'edı, naxıghǫnàdats'eetì.

2 Thessalonıca 2:1

Sèot'ı̨ı̨, gots'ǫ̀ K'àowo nììtła ha eyıts'ǫ wexè łą̀ą nèts'ııdè ha sìı eyı ghǫ naxıts'ǫ̀ gots'ede ha ts'ı̨ı̨wǫ.

2 Thessalonıca 2:13

Hanìkò sèot'ı̨ı̨, naxı̨ gots'ǫ̀ K'àowo naxıghǫneètǫǫ sìı kèhǫǫ̀wo gots'ǫ edaxànaxeeze ha naxį̀į̀hchì hǫt'e t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Yedàyeh Nezı̨ı̨ sìı Nǫ̀htsı̨ wets'ǫ dǫ degaı aahłı̨į̀ anaxį̀į̀là t'à eyıts'ǫ naxıgha ehkw'ı-ahodı t'à edaxànaxı̨ı̨la hǫt'e.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

2 Peter 1:13

Įłaà sezhį̀į̀ eda ts'ǫ̀ eyı wenaahdì anaxehłe ha sìı segha ehkw'ı hǫt'e.

2 Peter 3:18

Gots'ǫ̀ K'àowo Zezì-Krı Edaxàgolee elı̨ı̨ sìı denahk'e nezı̨į̀ wek'èahsǫ xè denahk'e wesǫnıwǫ xè aahda. Dıì gots'ǫ welǫ whìle ts'ǫ̀ ededı̨ weghàsǫts'eedı ha hǫt'e! Amen.