2 Peter 3:5 - Nǫ̀htsı̨ Nı̨htł'è

⁵ Hanìkò Nǫ̀htsı̨ edeyatıì t'à yak'e whehtsı̨ eyıts'ǫ tı yìı gots'ǫ dèè ı̨dòo ayį̀į̀là eyıts'ǫ tı t'à dèè xè hòɂǫǫ̀ ayį̀į̀là, eyı sìı gınadì ha gı̨ı̨wǫ-le.

2 Peter 3:5 ပူးပေါင်းရင်းမြစ်များ

Dànì Kèhoį̀wo 1:6

Nǫ̀htsı̨ “Dèè k'e tı eyıts'ǫ ı̨dòo yat'a tı į̀łak'aà awede,” hadı.

Dànì Kèhoį̀wo 1:9

Eyıts'ǫ Nǫ̀htsı̨ hadı, “Tı dèè k'e whetł'ıı sìı ełets'ǫ̀ awede, eyıts'ǫ dèè whegǫǫ wègaat'ı̨į̀ awede,” hadı. Eyıt'à hagòjà.

Rome 1:28

Eyıts'ǫ Nǫ̀htsı̨ wek'èts'eezǫǫ xè wek'èats'ı̨ı̨t'ee sìı gıgha wet'àaɂà-le t'à, Nǫ̀htsı̨ sìı gınàowołı̨ı̨ k'ę̀ę̀ geeda ts'ǫ̀ geèlı̨į̀ agǫ̀ǫ̀là, eyıts'ǫ t'asìı dǫ gha wets'àet'ǫǫ sìı gıghàlaeda t'à goghàèhdı.

Colosse 1:17

Ededı̨ sìı t'asìı hazǫǫ̀ hòèlı̨ kwe gots'ǫ hǫt'e, eyıts'ǫ wets'ıhɂǫ̀ t'asìı hazǫǫ̀ yàłııtǫ̀ hǫt'e.

Hebrew 11:3

Gogha ehkw'ı-ahodı t'à Nǫ̀htsı̨ edeyatıì t'à dèè, yat'a eyıts'ǫ t'asìı hazǫǫ̀ whehtsı̨ wek'èts'eezǫ hǫt'e. Hanì t'à t'asìı wègaat'ı̨ı̨ sìı t'asìı wègaat'ı̨ı̨ t'à hòèlı̨ nıìle.