2 Peter 3:3 - Nǫ̀htsı̨ Nı̨htł'è

³ Nǫǫde dzęę̀ ts'ǫ̀ whaà-le nı̨dè, eghageedlòo-dǫǫ̀ edınìłı̨ı̨ k'ę̀ę̀ geedaa sìı naxıta agede ha, eyı sìı hotıì wenıahdì ha hǫt'e.

2 Peter 3:3 ပူးပေါင်းရင်းမြစ်များ

John 12:48

Dǫ segı̨ı̨hwhǫ-le xè seyatıì gıgha ehkw'ı-ahodı-le sìı gıgha dǫ sınìyahtıı gǫ̀hłı̨ hǫt'e. Yatı nezı̨ı̨ t'à goıhdee sìı wedę agį̀į̀là t'à, nǫǫde dzęę̀ k'e nı̨dè hoìla agedle ha.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

2 Tımothy 3:1

Hanìkò dıı wedaànıahdè: Nǫǫde dzęę̀ ts'ǫ̀ hawe nı̨dè dıı nèk'e hoejı̨ı̨ łǫ k'ehokw'o ha.

Hebrew 1:2

hanìkò dıì nǫǫde dzęę̀ ts'ǫ̀ hawee sìı Edeza t'à gots'ǫ̀ goı̨de. T'asìı hazǫǫ̀ Edeza tł'aà whelaà ayele ha yį̀į̀hchì hǫt'e, eyıts'ǫ wet'ǫ̀ǫ̀ dèè, yat'a eyıts'ǫ t'asìı hazǫǫ̀ whehtsı̨ hǫt'e.

2 Peter 1:20

Nǫ̀htsı̨ Nı̨htł'è sìı nakwenàoɂǫǫ edınì k'ę̀ę̀ dek'enègı̨ı̨tł'è nıìle, eyı wenıahdì ha naxıgha sıì wet'àaɂà hǫt'e.

2 Peter 2:10

Dǫ edınìłı̨ı̨ k'ę̀ę̀ geeda xè gıts'ǫ̀ k'aodèe nègelı̨-le sìı hotıì gıxè hagode ha. Hanıı dǫ sìı gıkwì nàtso xè xàhogedì t'à, yat'a ı̨nì nàtsoo k'adageedè gha edègeejı̨-le.

1 John 2:18

Sèot'ı̨ı̨, nǫǫde dzęę̀ k'e nàts'edè hǫt'e. Chrıst k'èch'a elı̨ı̨ sìı nììtła ha weghǫ aàhkw'o ı̨lè sǫnı. Dıì kò dǫ łǫ Chrıst k'èch'a gı̨ı̨lı̨ı̨ sìı hòt'a dıı nèk'e nègı̨ı̨de hǫt'e. Eyı weghàà nǫǫde dzęę̀ k'e ts'eèhkw'e wek'èts'eezǫ.

Jude 1:16

Eyı dǫ sìı t'aats'ǫǫ̀ sǫagedı xè dǫ k'e nìdahogeeɂàa dǫǫ̀ agı̨ı̨t'e, eyıts'ǫ edınìłı̨ı̨ k'ę̀ę̀ k'ehogeɂa. Edeghǫ xàdahogedì eyıts'ǫ edegha sìghà hogehtsı̨ zǫ gha dǫ ts'ǫ̀ nezı̨į̀ agedı.

Jude 1:18

Dıı hanaxègedı ı̨lè, “Nǫǫde dzęę̀ ts'ǫ̀ whaà-le nı̨dè, eghageedlòo-dǫǫ̀ edınìłı̨ı̨ k'ę̀ę̀ geedaa sìı naxıta agede ha,” gedı ı̨lè.