2 Peter 3:2 - Nǫ̀htsı̨ Nı̨htł'è

² Įnę̀ę sìı nakwenàoɂǫǫ degaı yatı goghàgı̨ı̨ɂǫǫ sìı wenaahdì ha naxeehwhǫ, eyıts'ǫ gots'ǫ̀ K'àowo Edaxàgolee elı̨ı̨ sìı wecheekeèdeè gıt'ǫ̀ǫ̀ nàowo nezı̨ı̨ naxıghàı̨ɂǫ hǫt'e, eyı sìı wenaahdì ha naxeehwhǫ.

2 Peter 3:2 ပူးပေါင်းရင်းမြစ်များ

Luke 1:70

(T'akwe whaà wets'ǫ nakwenàoɂǫǫ degaı t'à gots'ǫ̀ dıı hadı ı̨lè,) ‘Dǫ hazǫǫ̀ gots'ǫ̀ xànegı̨ı̨ɂaa eyıts'ǫ dǫ godzagı̨ı̨hwhǫǫ sìı gıch'à edaxàgole ha.

Luke 24:27

Zezì hagòhdı tł'axǫǫ̀ Moses wenı̨htł'è eyıts'ǫ nakwenàoɂǫǫ gını̨htł'è k'e dànì weghǫ t'asìı hazǫǫ̀ dek'eèhtł'èe sìı gots'ǫ̀ yek'ayaı̨htı.

Luke 24:44

Zezì edecheekeè ts'ǫ̀ hadı, “Įłaà naxıxè wheda ekò eyı weghǫ naxıts'ǫ̀ goıhde ı̨lè: Moses wenı̨htł'è k'e, nakwenàoɂǫǫ gını̨htł'è k'e eyıts'ǫ ts'ejı̨ı̨ enı̨htł'è k'e t'asìı hazǫǫ̀ seghǫ dek'eèhtł'èe sìı wek'ę̀ę̀ agode ha, naxèehsı̨ ı̨lè,” gòhdı.

Zezì Wecheekeèdeè 10:43

Nakwenàoɂǫǫ hazǫǫ̀ weghǫ dıı hagedı ı̨lè, ‘T'aa gıgha ehkw'ı-ahodıı sìı wıızì dahxà gıhołı̨į̀ gıghǫ nahoezhe ha,’ dek'eèhtł'è,” Peter gòhdı.

Zezì Wecheekeèdeè 28:23

Eyıt'à ı̨łè dzęę̀ k'e Paul xè ełegeèhdì ha gedı. Eyı dzęę̀ k'e dǫ łǫ Paul wekǫ̀ nègı̨ı̨de. K'omǫǫ̀dǫǫ̀ ts'ǫ, xèhts'ǫ̀ gots'ǫ̀ Paul gots'ǫ̀ goı̨de. Nǫ̀htsı̨ wenàowoò ghǫ hoghàgoehtǫ xè deghàà godaedı. Moses wenı̨htł'è eyıts'ǫ nakwenàoɂǫǫ gını̨htł'è k'e Zezì ghǫ dek'eèhtł'èe sìı gıgha ehkw'ı-ahodı agole ha goèhdzà.

Zezì Wecheekeèdeè 3:18

Hanìkò Nǫ̀htsı̨ sìı nakwenàoɂǫǫ hazǫǫ̀ t'à nadąą̀ gots'ǫ̀ goı̨de ı̨lè. Chrıst daı̨ɂa ha, hadı ı̨lè, hanì yek'ę̀ę̀ eghàlaı̨dà.

Zezì Wecheekeèdeè 3:21

Nǫ̀htsı̨ t'asìı hazǫǫ̀ ehkw'ı hòɂǫǫ̀ ayele gots'ǫ̀, Chrıst yak'e wheda ha hǫt'e. T'akwe whaà nakwenàoɂǫǫ degaı gı̨ı̨lı̨ı̨ sìı Nǫ̀htsı̨ gha gogı̨ı̨de t'à Nǫ̀htsı̨ edeyatıì k'ę̀ę̀ hohtsı̨ ha hadı ı̨lè.

Galatıa 6:2

Naxıgha hoìla nı̨dè ełets'àahdı. Haaht'ı̨ nı̨dè Zezì-Krı wenàowoò k'ę̀ę̀ deghàà aahda hǫt'e.

Ephesus 2:20

Goxı̨ hazǫǫ̀ yìetł'aà whetǫǫ k'e kǫ̀ hòèlı̨ı̨ lanì Nǫ̀htsı̨ wecheekeèdeè eyıts'ǫ nakwenàoɂǫǫ gıyatıì k'e nàts'eèhza lats'ı̨ı̨t'e, eyıts'ǫ Zezì-Krı ededı̨ sìı kwe denahk'e wet'àaɂàa elı̨, wet'à yìetł'aà whetǫǫ k'e kǫ̀ hòèlı̨ı̨ sìı nàtsoò yııtǫ̀.

Ephesus 3:5

Eyı sìı dǫ gokwe gı̨ı̨dàa sìı gık'èezǫǫ̀ agììdlà-le ı̨lè, hanìkò dıì Nǫ̀htsı̨ wecheekeèdeè degaı eyıts'ǫ nakwenàoɂǫǫ degaı gı̨ı̨lı̨ı̨ sìı Yedàyeh Nezı̨ı̨ t'à gık'èezǫǫ̀ agejà.

1 Tımothy 6:14

Gots'ǫ̀ K'àowo Zezì-Krı nììtłaa dzęę̀ gots'ǫ̀, yatı wek'ę̀ę̀ ı̨da ha neghàehɂǫǫ sìı hotıì wek'èędì.

2 Peter 2:21

Ehkw'ı ts'eedaa nàowoò k'èhogeezǫ-le nı̨dè denahk'e gıgha nezı̨ ha ı̨lè. Hanìkò gık'èezǫ kò Nǫ̀htsı̨ nàowoò gıts'ǫ̀ adlàa sìı wedę agį̀į̀là t'à denahk'e gıxè hoìla agode ha.

2 Peter 3:15

Gots'ǫ̀ K'àowo ts'èwhı̨į̀ godanaèhɂı̨ t'à ı̨łaà dǫ łǫ edaxàgole ha nıwǫ, eyı wedaànıahdè. Gòet'ı̨ Paul weghǫnets'eètǫǫ sìı ededı̨ sı Nǫ̀htsı̨ dahxà hanì naxıts'ǫ̀ gǫǫzǫǫ̀ ı̨ı̨tł'è ı̨lè.

2 Peter 3:16

Paul, wenı̨htł'è k'e eyı hazǫǫ̀ ełèht'eè enı̨ı̨tł'è ı̨lè. T'asìı mǫ̀hdaa ghǫ ı̨ı̨tł'èe sìı dǫ gınıedì ha gıgha dezhì. Dǫ mǫ̀hdaa t'asìı nıgeedì-le xè hòtł'ò gıgha ehkw'ı-ahodı-le t'à weyatıì ekǫ-le agehɂı̨, Nǫ̀htsı̨ Nı̨htł'è eyıì-le sı hagehɂı̨ lanì. Haget'ı̨ t'à gıdıhołè ha hǫt'e.

1 John 4:6

Goxı̨ sìı Nǫ̀htsı̨ wets'ǫ ats'ı̨ı̨t'e, eyıt'à dǫ Nǫ̀htsı̨ k'ègeezǫǫ sìı gogeèhkw'ǫ hǫt'e, hanìkò amìı Nǫ̀htsı̨ gots'ǫ agı̨ı̨t'e-le sìı gogeèhkw'ǫ nıìle. Eyı weghàà Įnì ehkw'ı gode gıts'ǫ̀-èlı̨, hanì-le-ı̨dè ı̨nì hots'ì gode gıts'ǫ̀-èlı̨ wek'èts'eezǫ hǫt'e.

Jude 1:17

Hanìkò seàgı̨ą, gots'ǫ̀ K'àowo Zezì-Krı wecheekeèdeè dànì nadąą̀ gogı̨ı̨dee sìı wenaahdì.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.