2 Peter 3:15 - Nǫ̀htsı̨ Nı̨htł'è

¹⁵ Gots'ǫ̀ K'àowo ts'èwhı̨į̀ godanaèhɂı̨ t'à ı̨łaà dǫ łǫ edaxàgole ha nıwǫ, eyı wedaànıahdè. Gòet'ı̨ Paul weghǫnets'eètǫǫ sìı ededı̨ sı Nǫ̀htsı̨ dahxà hanì naxıts'ǫ̀ gǫǫzǫǫ̀ ı̨ı̨tł'è ı̨lè.

2 Peter 3:15 ပူးပေါင်းရင်းမြစ်များ

Luke 21:15

Yatı wet'à goahde ha sìı eyıts'ǫ wet'à gots'ı̨ı̨zǫǫ sìı naxıts'ǫ̀-èlı̨ ahłe ha. Eyıt'à dǫ naxık'èch'a gı̨ı̨lı̨ı̨ sìı naxık'èch'a xàyagehtı-le agede ha.

Zezì Wecheekeèdeè 15:25

Eyıt'à dǫ mǫ̀hdaa gıts'į̀hchì gà goàgı̨ą nàke Barnabas eyıts'ǫ Paul, gıxè naxıts'ǫ̀ agets'ele ha.

Zezì Wecheekeèdeè 7:10

Wegha hoìla hazǫǫ̀ ch'à edaxàyį̀ı̨htı̨. Joseph sıì gǫǫzǫǫ̀ ayį̀į̀là eyıts'ǫ Egypt gha k'àowocho yeghǫneètǫǫ̀ ayį̀į̀là. Egypt nèk'e k'àowodeè yèhtsı̨ eyıts'ǫ k'àowocho wekǫ̀ gocho hazǫǫ̀ yets'ǫ̀ k'àowo ayį̀į̀là.

Zezì Wecheekeèdeè 9:17

Eyıt'à Ananıas eyı kǫ̀ ts'ǫ̀ èhtła gà ekǫ goyaèhtła. Saul wekwìt'a dawhehdì gà hayèhdı, “Sèot'ı̨ Saul, tı̨lı k'e jǫ ts'ǫ̀ naı̨tłe ekò gots'ǫ̀ K'àowo Zezì nets'ǫ̀ wègoèht'į̀ ı̨lèe sìı nets'ǫ̀ sı̨ı̨hɂà. Nedaà xègaat'ı̨ anade ha eyıts'ǫ Yedàyeh Nezı̨ı̨ nek'e ade ha nets'ǫ̀ sı̨ı̨hɂà,” yèhdı.

Rome 2:4

Nǫ̀htsı̨ naxıts'ǫ̀ wedzeè nezı̨ı̨, eyıts'ǫ naxıxè ts'èwhı̨į̀ nıwǫǫ sìı naxıgha wet'àaɂà-le nì? Nǫ̀htsı̨ hanì naxıts'ǫ̀ wedzeè nezı̨ı̨ sìı wek'èahsǫ-le nì? Edek'eahłı̨ ha naxı̨ı̨hwhǫ t'à naxıts'ǫ̀ wedzeè nezı̨ hǫt'e.

1 Corınth 12:8

Dǫ ı̨łè Yedàyeh Nezı̨ı̨ wedahxà yatı gǫǫzǫ t'à gode, eyıts'ǫ dǫ ı̨łè Yedàyeh Nezı̨ı̨ dahxà t'asìı k'èezǫ wegodıì t'à gode,

1 Corınth 2:13

Eyı weghǫ gots'ede nı̨dè dıı nèk'e gots'ǫ wet'à gogı̨ı̨zǫǫ t'à gots'ede nıìle, hanìkò Yedàyeh Nezı̨ı̨ yatı hoghàgoèhtǫ t'à gots'ede hǫt'e. Yedàyeh Nezı̨ı̨ weyatıì ehkw'ı t'à Nǫ̀htsı̨ ts'ǫǫ̀hk'e t'asìı ghǫ gots'ede hǫt'e.

1 Corınth 3:10

Nǫ̀htsı̨ sets'ǫ̀ wedzeè sǫnıwǫ t'à la seghàı̨ɂǫ: dǫ la k'èezǫǫ lanì eghàlaehda t'à yìetł'aà nìıhtǫ, eyıts'ǫ dǫ eyıì-le yek'e kǫ̀ gòhtsı̨. Hanìkò dǫ gıtaàt'eè dànì kǫ̀ gogehtsı̨ı̨ sìı hotıì gıxoehdı ha hǫt'e.

Ephesus 3:3

Eyı t'asìı deɂı̨į̀ wheɂǫ t'à wenıts'eedì-le sìı Nǫ̀htsı̨ wek'èehsǫǫ̀ asį̀į̀là. Eyı weghǫ hòt'a yatı łǫ-lea t'à naxıts'ǫ̀ ııhtł'è ı̨lè.

1 Tımothy 1:16

Eyı ts'ıhɂǫ̀ Nǫ̀htsı̨ sets'ǫ̀ wedzeè eteèɂı̨ ı̨lè. Sı̨ hołı̨ı̨-hohtsı̨ı̨-dǫǫ̀ aht'e ı̨lè kò, set'à, dǫ hazǫǫ̀ ts'ǫ̀ wedzeè nezı̨ı̨ xè ts'èwhı̨į̀ godanaèhɂı̨ı̨ sìı wek'èedzǫǫ̀ adììdlà. Sexè ts'èwhı̨į̀ nıwǫ t'à, dǫ gıgha ehkw'ı-ahodıı sìı, eyıts'ǫ welǫ whìle ts'ǫ̀ geeda agììdlàa sìı Nǫ̀htsı̨ dǫ xè sıì ts'èwhı̨į̀ nıwǫ gık'èezǫǫ̀ agǫ̀ǫ̀là.

James 1:5

Naxıta dǫ ı̨łè wınì gǫǫzǫ ha nıwǫ nı̨dè Nǫ̀htsı̨ ts'ǫ̀ yawehtı. Hanì-ı̨dè Nǫ̀htsı̨ yınì gǫı̨zǫǫ̀ ayele ha. Ayìı wets'eekèe sìı weɂǫ̀ǫ̀ goghàyele ha hǫt'e, eyıts'ǫ “Ayìıha sı̨ı̨kè?” gòhdı nàgoehɂǫ ha nıìle.

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

1 Peter 3:20

T'akwe whaà Noah elàcho whehtsı̨ ekò ekìıyeè k'e Nǫ̀htsı̨ k'èagı̨ı̨t'e-le ı̨lè. Ekò k'e Nǫ̀htsı̨ ts'èwhı̨į̀ godanaèhɂı̨ ı̨lè, hanìkò eyı elàcho wet'à dǫ łǫ-lea zǫ edaxàwhede; dǫ ek'èdı̨ zǫ tı t'à ełaàgı̨ı̨dè-le ı̨lè.

2 Peter 3:2

Įnę̀ę sìı nakwenàoɂǫǫ degaı yatı goghàgı̨ı̨ɂǫǫ sìı wenaahdì ha naxeehwhǫ, eyıts'ǫ gots'ǫ̀ K'àowo Edaxàgolee elı̨ı̨ sìı wecheekeèdeè gıt'ǫ̀ǫ̀ nàowo nezı̨ı̨ naxıghàı̨ɂǫ hǫt'e, eyı sìı wenaahdì ha naxeehwhǫ.

2 Peter 3:9

Gots'ǫ̀ K'àowo edeyatıì goghàı̨ɂǫǫ sìı yek'ę̀ę̀ eghàlaeda ha whį̀at'ı̨ nıìle, hanìkò dǫ mǫ̀hdaa whį̀at'ı̨ gı̨ı̨wǫ. Nǫ̀htsı̨ sìı ts'èwhı̨į̀ naxıdanaèhɂı̨ hǫt'e, dǫ wı̨ı̨zìı wedıhołè ha nıwǫ-le, dǫ hazǫǫ̀ edek'egı̨ı̨lı̨ ha goı̨hwhǫ hǫt'e.