2 Peter 3:11 - Nǫ̀htsı̨ Nı̨htł'è

¹¹ T'asìı hazǫǫ̀ hanì wedıhołè ha t'à dànì aahda ha sìı edeghǫ nànıahdè welì. Nǫ̀htsı̨ wınì k'ę̀ę̀ degaı k'ę̀ę̀ aahda.

2 Peter 3:11 ပူးပေါင်းရင်းမြစ်များ

Matthew 8:27

Zezì wecheekeè gıgha enıìyah t'à ełets'ǫ̀ hagedı, “Dıı amìı ne? Nı̨hts'ı eyıts'ǫ taatı̨į̀ kò gık'į̀ı̨t'e,” gedı.

Rome 13:11

Dıı nèk'e dıì dàgot'ı̨ı̨ sìı wek'èahsǫ ne t'à hanì ełets'ǫ̀ eghàlaahda. Hòt'a ts'ıahwhı lanì ha nìhǫǫwo. Gots'ǫ̀ K'àowo edaxàgole ha ts'ǫ̀ whaà-le agòjà. T'akwełǫ̀ǫ̀ gogha ehkw'ı-ahodı gots'ǫ sìı dıì hòt'a denahk'e wets'ǫ̀ whaà-le agòjà.

Rome 13:12

To k'àhdzǫ wetehoòwo t'e, whaà-le-t'ıì goxè dzęh agode ha. Eyıt'à to dǫ t'asìı wejıı k'alagedèe sìı wedę ats'ııle, dzęh eghàlats'eeda gha edexè sınìhots'ììɂà ha hǫt'e.

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

Phılıppı 1:27

Naxıts'àwhıhtła, naxıts'àwhıhtła-le, ehk'ę̀ę̀, Zezì-Krı wegodıì nezı̨ı̨ k'ę̀ę̀ hotıì ehkw'ı aahda. Hanì-ı̨dè naxıts'àhtła, hanì-le-ı̨dè naxıghǫ eèhkw'o zǫ t'à, naxınì ı̨łè zǫ lanì wek'èehsǫ ha. Dǫ ı̨łè zǫ laaht'e xè godı nezı̨ı̨ gha naxınì nàtso aahwhǫ.

Phılıppı 3:20

Hanìkò goxı̨ sìı yak'e gha dǫ ats'ı̨ı̨t'e. Amìı Edaxàgolee elı̨ı̨ sìı yak'e gots'ǫ jǫ ts'ǫ̀ anade ha ı̨whąą̀ ts'ı̨ı̨wǫ. Eyı sìı gots'ǫ̀ K'àowo Zezì-Krı hǫt'e.

1 Thessalonıca 1:5

Godı nezı̨ı̨ naxıts'ǫ̀ nèts'ı̨ı̨ɂǫ ekò, yatı zǫ naxıghàts'ı̨ı̨ɂǫ nıìle. Hanìkò Yedàyeh Nezı̨ı̨ ts'ıhɂǫ̀ naxıta enıìyah nàhòwo t'à, eyı godı nezı̨ı̨ hotıì ehkw'ı hǫt'e wek'èahsǫ anaxį̀į̀là. Naxıts'àts'edı ha t'à dànì naxıta nàts'ı̨ı̨dèe sìı wek'èahsǫ hǫt'e.

1 Tımothy 3:16

Nǫ̀htsı̨ Zezì weghǫ ayìı k'èts'eezǫǫ̀ agǫ̀ǫ̀làa sìı sıì enıìyah dìì: Dǫ k'ę̀ę̀ wègoèht'į̀ı̨, Yedàyeh Nezı̨ı̨ ehkw'ı eghàlaı̨dà yeghǫ hadı, yak'eet'ı̨į̀ ts'ǫ̀ wègoèht'į̀ı̨, wegodıì dǫ hazǫǫ̀ xàɂaa ts'ǫ̀ nègı̨ı̨ɂǫǫ, hazǫǫ̀ nèk'e wegodıì dǫ gıgha ehkw'ı-ahodı, eyıts'ǫ enıìyah xè ı̨dòo yak'e ts'ǫ̀ nıwıìtı̨.

1 Tımothy 4:12

Cheko anet'e t'à dǫ negı̨ı̨hwhǫ-le kò gıts'ǫnıɂà-le, hanìkò ı̨łaà dǫ nezı̨ı̨ k'ę̀ę̀ ı̨da. Eyıt'à dàı̨dıì goı̨dee, dànì k'ehoı̨ɂaa, dànì dǫ ghǫneę̀tǫǫ, dànì negha ehkw'ı-ahodıı xè degaı k'ę̀ę̀ ı̨da nı̨dè, dǫ nexègeɂı̨ ha dìì-le hǫt'e.

1 Tımothy 6:11

Hanìkò Tımothy, nı̨ sìı Nǫ̀htsı̨ wets'ǫ dǫ anet'e, eyı hołı̨ı̨ nàowoò hazǫǫ̀ ch'à edek'ènedì. Nàowo ehkw'ıı zǫ neewǫ, Nǫ̀htsı̨ wınì k'ę̀ę̀ ı̨da, wets'ǫ̀ nınì nàtso anehwhǫ, dǫ ghǫneę̀tǫ, negha hoìla kò enaąt'è-le, eyıts'ǫ dǫ ts'ǫ̀ nedzeè nezı̨ welè.

1 Tımothy 6:3

Dǫ ekǫ-le hoghàgoehtǫǫ xè gots'ǫ̀ K'àowo Zezì weyatıì ehkw'ıı sìı k'ę̀ę̀ anıwǫ-le, eyıts'ǫ Nǫ̀htsı̨ nàowoò k'èch'a dǫ hoghàehtǫǫ sìı,

1 Tımothy 6:6

Hanìkò Nǫ̀htsı̨ wınì k'ę̀ę̀ ts'eeda nı̨dè, eyıts'ǫ masì ts'ı̨ı̨wǫ nı̨dè t'asìı nechàa ts'eehnè hǫt'e.

Hebrew 13:5

Sǫǫ̀mba ghaahwhı ch'à edek'èahdì, eyıts'ǫ ayìı naxıts'ǫ sìı wet'à naxınà welè. Nǫ̀htsı̨ dıı hadı t'à, “Naxıts'ǫǫ̀ ahde hǫı̨lı̨ ha nıìle, ɂǫ̀naxeehdè hǫı̨lı̨ ha nıìle,” hadı, dek'eèhtł'è.

James 1:24

Edeghàı̨dà tł'axǫǫ̀ dànì wègaat'ı̨ı̨ sìı ekòet'ıì yenadì-le.

James 3:13

Naxıta dǫ gǫǫzǫ xè t'asìı nıedì edeewǫ nı̨dè ehkw'ı eda t'à wègaat'ı̨į̀ ayııle, eyıts'ǫ gǫǫzǫ t'à k'èeweèt'ı̨ k'ę̀ę̀ dǫ ts'ǫ̀ nezı̨į̀ eghàlaıdà.

1 Peter 1:15

Amìı naxıkayaı̨htıı sìı degaı hǫt'e, eyıt'à wexèht'eè degaı aaht'e ha hǫt'e.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

2 Peter 1:3

Nǫ̀htsı̨ nàtso wehòhɂǫ t'à, wet'à ts'eeda gha eyıts'ǫ wınì k'ę̀ę̀ ts'eeda gha t'asìı hazǫǫ̀ goghàı̨la hǫt'e. Nǫ̀htsı̨ gots'ǫ̀ wedzeè nezı̨ı̨ xè enıìyah wehòhɂǫ t'à gokayaı̨htıı sìı wek'èts'eezǫǫ̀ ats'ejà.

2 Peter 1:6

eyıts'ǫ Nǫ̀htsı̨ k'èahsǫǫ sìı wexè hołı̨ı̨ ch'à edek'èahdì, eyı wexè naxınì nàtsoò aahłe, eyıts'ǫ naxınì nàtsoo sìı wexè Nǫ̀htsı̨ wınì k'ę̀ę̀ aahda,

2 Peter 3:10

Hanìkò gots'ǫ̀ K'àowo nǫ̀ǫtłaa dzęę̀ k'e nı̨dè dǫ gıxaelı ha-le, eeɂį̀ı̨-dǫǫ̀ enìxàezhì lagode ha. Ekìıyeè k'e nı̨dè hòtł'ò nàgoekw'ǫ xè yat'a hazǫǫ̀ whìle agode ha, whǫ̀ dawhelaa hazǫǫ̀, dıı nèè eyıts'ǫ t'asìı hazǫǫ̀ wek'e whelaa sìı kǫ̀ t'à wedıhołè ha.

2 Peter 3:12

Nǫ̀htsı̨ nììtłaa dzęę̀ k'e whaà-le-t'ıì weghǫ nèhòkw'ı ha wek'èahsǫ xè wek'enaahɂı̨ hǫt'e. Eyı dzęę̀ k'e nı̨dè yat'a hazǫǫ̀ gok'eek'ǫ̀ ha, eyıts'ǫ t'asìı hazǫǫ̀ kǫ̀ nàtsoo t'à wedıhołè ha.