2 Peter 3:10 - Nǫ̀htsı̨ Nı̨htł'è

¹⁰ Hanìkò gots'ǫ̀ K'àowo nǫ̀ǫtłaa dzęę̀ k'e nı̨dè dǫ gıxaelı ha-le, eeɂį̀ı̨-dǫǫ̀ enìxàezhì lagode ha. Ekìıyeè k'e nı̨dè hòtł'ò nàgoekw'ǫ xè yat'a hazǫǫ̀ whìle agode ha, whǫ̀ dawhelaa hazǫǫ̀, dıı nèè eyıts'ǫ t'asìı hazǫǫ̀ wek'e whelaa sìı kǫ̀ t'à wedıhołè ha.

2 Peter 3:10 ပူးပေါင်းရင်းမြစ်များ

Matthew 24:35

Yak'e eyıts'ǫ dèè whìle agode ha hǫt'e, hanìkò seyatıì wı̨ı̨zìı sìı whìle ade ha nıìle.

Mark 13:31

Yak'e eyıts'ǫ dèè whìle agode ha hǫt'e, hanìkò seyatıì wı̨ı̨zìı sìı whìle ade ha nıìle.

Luke 12:39

Eyıt'à dıı wedaànıahdè: Edahxǫ dǫ wekǫ̀ enìxàgı̨ı̨zhì ts'ııdì. Dǫ wekǫ̀ gòɂǫǫ sìı ayìı sadzeè k'e eeɂį̀ı̨-dǫǫ̀ yekǫ̀ enìxàezhì ha yek'èezǫ nı̨dè wekǫ̀ enìxàgeezhì ch'à kexoehdı ha ı̨lè.

Rome 8:20

T'asìı hazǫǫ̀ hòèlı̨ı̨ sìı xè gots'eèdıì agòjà. Ededı̨ hanì ha gı̨ı̨wǫ-le, eyıts'ǫ hanì edets'ǫ̀ eghàlagı̨ı̨dà-le, hanìkò Nǫ̀htsı̨ sìı hanì gıxè hòɂǫǫ̀ ayį̀į̀là.

1 Corınth 1:8

Nǫǫde dzęę̀ ts'ǫ̀ naxınì nàtsoò anaxį̀į̀hwhǫ ha, hanì-ı̨dè gots'ǫ̀ K'àowo nììtłaa dzęę̀ k'e nı̨dè t'asìı wı̨ı̨zìı naxık'e nìdahoet'à ha-le.

1 Corınth 5:5

eyı dǫ sìı wehłı̨ı̨ tł'aàweahtè, hanì-ı̨dè wenàowołı̨ı̨ sìı wedıhołè ha, eyıts'ǫ gots'ǫ̀ K'àowo nììtłaa dzęę̀ k'e nı̨dè wedą̀ązhį̀ı̨ edaxàeda ha.

1 Thessalonıca 5:2

Eeɂį̀ı̨-dǫǫ̀ to dǫ naàhtǫ dǫ kǫ̀ goyaetła lanì gots'ǫ̀ K'àowo hǫtsaa nììtła ha hotıì wek'èahsǫ hǫt'e.

1 Thessalonıca 5:4

Hanìkò sèot'ı̨ı̨, naxı̨ sìı eyı gha naxıxè togoòtł'ò nıìle, eyıt'à eyı dzęę̀ k'e sìı eeɂį̀ı̨-dǫǫ̀ naxınaàhtǫ naxıkǫ̀ goyaetła lanì naxıtł'ahk'e agode ha nıìle.

2 Peter 3:11

T'asìı hazǫǫ̀ hanì wedıhołè ha t'à dànì aahda ha sìı edeghǫ nànıahdè welì. Nǫ̀htsı̨ wınì k'ę̀ę̀ degaı k'ę̀ę̀ aahda.

2 Peter 3:12

Nǫ̀htsı̨ nììtłaa dzęę̀ k'e whaà-le-t'ıì weghǫ nèhòkw'ı ha wek'èahsǫ xè wek'enaahɂı̨ hǫt'e. Eyı dzęę̀ k'e nı̨dè yat'a hazǫǫ̀ gok'eek'ǫ̀ ha, eyıts'ǫ t'asìı hazǫǫ̀ kǫ̀ nàtsoo t'à wedıhołè ha.

2 Peter 3:7

Nǫ̀htsı̨ weyatıì et'ıì t'à yak'e eyıts'ǫ dıı nèk'e gok'eek'ǫ̀ gha wek'èhodì hǫt'e. T'asìı hazǫǫ̀ wesınìyaetıı dzęę̀ k'e ts'ǫ̀ wek'èhodì, eyıts'ǫ ekìıyeè k'e nı̨dè dǫ hazǫǫ̀ Nǫ̀htsı̨ k'èch'a geedaa sìı gıdıhołè ha.

Jude 1:6

Eyıts'ǫ yak'eet'ı̨į̀ mǫ̀hdaa gıts'ǫ̀ dàgòjàa sìı eyı sı wenaahdì. Dànì k'ahogedè ha gıghàhòt'ǫǫ sìı gıghàehdı ı̨lè. Eyı yak'eet'ı̨łı̨ı̨ sìı welǫ whìle ts'ǫ̀ satsǫ̀tł'ıì gık'e whela xè Nǫ̀htsı̨ togoòtł'òo yìı gok'èdì, eyıts'ǫ nǫǫde dzęę̀ k'e Nǫ̀htsı̨ gosınìyaehtı ha hǫt'e.

John Wenazhıı 16:15

Gots'ǫ̀ K'àowo dıı hadı, “Kexoahdı! Eeɂį̀ı̨-dǫǫ̀ lanì hǫtsaa naxıts'ǫ̀ nèehtła ha. Amìı ts'ıgoedìı xè edegoht'ǫǫ̀ edegà whehłaa sìı wexè sìghà ha hǫt'e. Hanì-ı̨dè goht'ǫ dę edeghǫ į̀į̀zhaelı̨ ha-le,” hadı.

John Wenazhıı 20:11

Eyı tł'axǫǫ̀ daèhchı̨cho degoo eyıts'ǫ amìı yek'e whedaa sìı wègoèht'į̀. Dèè eyıts'ǫ yat'a wech'à kwı̨geèhdeè lagejà, gıgha gòɂǫ-le t'à.

John Wenazhıı 21:1

Eyı tł'axǫǫ̀ yak'e wegòò eyıts'ǫ dèè wegòò wègoèht'į̀. T'akwełǫ̀ǫ̀ gots'ǫ yak'e eyıts'ǫ dèè sı whìle ajà, eyıts'ǫ tıcho sı whìle ajà.

John Wenazhıı 3:3

Eyıt'à ayìı naxıghǫ̀t'ǫǫ eyıts'ǫ ayìı aàhkw'oo sìı wenaahdì. Eyı yatı wek'èaht'e xè edek'eahłı̨. Ts'ıahdè-le nı̨dè eeɂį̀ı̨-dǫǫ̀ lanì naxınaàhtǫ naxıts'àhtła ha. Ayìı sadzeè k'e naxıts'àhtła ha sìı wek'èahsǫ ha nıìle.

John Wenazhıı 6:14

Enı̨htł'èyeè deyìınats'eèwa lanì yat'a whìle ajà, shìh hazǫǫ̀ eyıts'ǫ dı whelaa sı hazǫǫ̀ wedıhòłı̨.