2 Peter 2:5 - Nǫ̀htsı̨ Nı̨htł'è

⁵ Eyıts'ǫ ı̨nę̀ę whaà hołı̨ı̨-hogehtsı̨ı̨-dǫǫ̀ dıı nèk'e nàgı̨ı̨dèe sìı Nǫ̀htsı̨ etegoòɂı̨-le t'à, dèè te teètł'ıı t'à ełaàgı̨ı̨dè agǫ̀ǫ̀là ı̨lè. Noah nàowo ehkw'ıı ghǫ goı̨dee sìı ededı̨ zǫ edaxàyèhtı̨ eyıts'ǫ wexè dǫ łǫ̀hdı̨ edaxàgoı̨la.

2 Peter 2:5 ပူးပေါင်းရင်းမြစ်များ

Dànì Kèhoį̀wo 6:17

Dèè wete teetł'ì agohłe ha. T'asìı hazǫǫ̀ yat'a zhıı nàdèe sìı, t'asìı hazǫǫ̀ ejìı sìı wedıhohtsı̨ ha. Dıı nèk'e t'asìı hazǫǫ̀ ełaàde ha.

Dànì Kèhoį̀wo 6:9

Dıı Noah wegodıì hǫt'e: Ekìıyeè k'e Noah dǫ ehkw'ı eda ı̨lè. Dǫ gota nàı̨dèe sìı goxèht'eè ı̨ı̨dà-le, Nǫ̀htsı̨ k'ę̀ę̀ ı̨ı̨dà ı̨lè.

Hebrew 11:7

Nǫ̀htsı̨ dàgode ha sìı ghǫ nadąą̀ Noah ts'ǫ̀ goı̨de ekò Noah wegha ehkw'ı-ahodı ı̨lè. Nǫ̀htsı̨ k'èch'a welè sǫ̀ǫ̀ nıwǫ t'à edets'èkeè eyıts'ǫ edeza edaxàgole ha elàcho whehtsı̨. Noah wegha ehkw'ı-ahodı t'à, dıı nèk'e dǫ ełaàgede gha gısınìyaetı ha wek'èhoedzǫ ayį̀į̀là eyıts'ǫ wegha ehkw'ı-ahodı t'à ehkw'ı eda k'ę̀ę̀ Nǫ̀htsı̨ yı̨ı̨htà.

2 Peter 3:6

Whaà hoògǫ tł'axǫǫ̀ eyı tı dèè goteètł'ı ı̨lèe t'à t'asìı hazǫǫ̀ wedıhòłı̨.