2 Peter 2:3 - Nǫ̀htsı̨ Nı̨htł'è

³ Eyı dǫ hoghàgogeehtǫǫ sìı t'asìı gha egedì-le t'à ededı̨ godı gèhtsı̨ı̨ sìı t'à naxıxè gogedo. Whaà gots'ǫ nàgeekwa ha gıgha hòɂǫ hǫt'e, hanìkò amìı godıhohtsı̨ ha sìı whetı̨ nıìle.

2 Peter 2:3 ပူးပေါင်းရင်းမြစ်များ

Luke 18:8

Ehkw'ı anaxèehsı̨, ekòet'ıì gogha ehkw'ı sıìnagodle ha hǫt'e. Hanìkò Dǫ-wet'àaɂàa-deè nììtła nı̨dè asį̀į̀ wegha dıı nèk'e dǫ Nǫ̀htsı̨ ghǫ gınì nàtso ha sǫnı?” Zezì gòhdı.

Luke 20:20

Pharısee gı̨ı̨lı̨ı̨ sìı Zezì xogııhdı ha gı̨ı̨wǫ t'à wenaàhtǫ nàeɂį̀ı̨-dǫǫ̀ gık'èè k'edè agı̨į̀là. Zezì ts'ǫ̀ ehkw'ı k'ehogeɂa laget'ı̨ kò weyatıì t'à gıìhchı ha gı̨ı̨wǫ, hanì-ı̨dè dèe-ts'ǫ̀-k'àowo ghàgıhtè ha.

Luke 22:47

Įłaà edecheekeè ts'ǫ̀ gode et'ıì dǫ łǫ nìı̨de, wecheekeè hoònǫ-daats'ǫ̀-nàke gots'ǫ ı̨łè, Zhıdàà wìyeh, gonakweè naetłe. Zezì gà nììtła gà yı̨ı̨ts'į̀.

John 2:16

Dǫ k'àba lanıı gıghǫ nàèdìı sìı gots'ǫ̀ hadı, “Dıı hazǫǫ̀ xàahwha! Setà wekǫ̀ nàedìı k'è goahtsı̨ ha nıìle,” gòhdı.

Rome 16:18

Hanıı dǫ sìı gots'ǫ̀ K'àowo Zezì-Krı gha eghàlageeda nıìle, hanìkò edek'ę̀ę̀ zǫ eghàlageedà aget'ı̨. Nezı̨į̀ gogede xè dǫ ghǫ nezı̨į̀ agedı t'à, nàhotì-le dǫ gha ehkw'ı agedıı sìı goghǫyageeɂà aget'ı̨ hǫt'e.

2 Corınth 2:17

Dǫ łǫ gıxèht'eè eghàlats'eeda nıìle, Nǫ̀htsı̨ yatıì t'à dǫ ts'ǫ̀ gots'ede k'èxa gots'àɂeedì t'à sǫǫ̀mba ts'ehtsı̨ nıìle. Hanì nıìle, Nǫ̀htsı̨ dǫ ts'ǫ̀ goı̨hɂà ats'ı̨ı̨t'e t'à, Zezì-Krı wedahxà Nǫ̀htsı̨ wenadąą̀ ehkw'ı dǫ gıts'ǫ̀ gots'ede hǫt'e.

1 Thessalonıca 2:5

Ekìı yatı nezı̨ı̨ t'à naxıts'ǫ̀ gots'ı̨ı̨de whìle. Ets'edì-le t'à naxısǫǫ̀mbaà gha naxıghǫyats'eeɂà ha hots'ehdzà-le ı̨lè. Dànì eghàlats'ı̨ı̨dàa sìı Nǫ̀htsı̨ gok'èezǫ hǫt'e.

1 Thessalonıca 5:3

Ekìıyeè k'e dǫ dıı hagedı ha, “Ts'èwhı̨į̀ hòɂǫ, goxè t'asagode ha nıìle,” hagedı nı̨dè hǫtsaa gıdıhołè ha. Ts'èko webebìa gòhłè ha nìkw'o t'à hǫtsaa eya-ełè lanì hǫtsaa gıdıhołè ha, eyı ch'à kwı̨geehdè ha nıìle.

1 Tımothy 3:3

Yeèhdee-dǫǫ̀ elı̨ ha-le, wınì nàìtło ha-le, hanìkò dǫ ts'ǫ̀ wedzeè nezı̨ ha, dǫ ts'ǫ̀ nàyaehtı ha-le, eyıts'ǫ sǫǫ̀mba gha edì ha-le.

1 Tımothy 3:8

Eyı lanì k'aodèe ts'àgedıı gı̨ı̨lı̨ı̨ sìı ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Eyı dǫ hanıı sìı gıdzeè ehkw'ı ha hǫt'e, jìetì geedè ha-le, eyıts'ǫ t'asìı ghǫ egedì-le ha-le xè dǫ ghǫyageeɂà ha nıìle.

1 Tımothy 6:5

Eyıts'ǫ dǫ gınì hołı̨ı̨ xè t'aats'ǫǫ̀ ełek'èch'a eghàlageedaà agohɂı̨. Dǫ haget'ı̨ı̨ sìı nàowo ehkw'ıı gıghǫ wedıhòłı̨, eyıts'ǫ Nǫ̀htsı̨ gha ts'eeda nı̨dè wet'à sǫǫ̀mba łǫ gots'ǫ at'į̀ gı̨ı̨wǫ.

Tıtus 1:11

Hagedı-le agedle ha hǫt'e. Hagììdlà-le nı̨dè, ełèot'ı̨ ełek'èch'a geedaà agogele ha, ayìı hoghàgogeehtǫǫ sìı hanì hoghàgogeehtǫ ha-le ı̨lè. Haget'ı̨ t'à sǫǫ̀mba łǫ gıts'ǫ̀ ade ha gı̨ı̨wǫ.

Tıtus 1:7

K'àowo elı̨ı̨ sìı Nǫ̀htsı̨ wılaà weghǫ̀t'ǫ ne t'à, t'asìı wejıı wı̨ı̨zìı hohtsı̨ ha-le. Wekwì nàtso xè xàhodì ha-le, yeèhdee-dǫǫ̀ elı̨ ha-le, wınì nàìtło xè wenàhǫǫht'è ha-le, eyıts'ǫ hots'ì t'à t'asìı ghǫ edì ha-le.

1 Peter 2:8

eyıts'ǫ dıı hanì dek'eèhtł'è: “Eyı kwe wet'à dǫ dagıìtà eyıts'ǫ wet'à dèè k'e nàgeetł'ì hǫt'e,” hanì dek'eèhtł'è. Godı nezı̨ı̨ k'ę̀ę̀ geeda-le ts'ıhɂǫ̀ dagıìtà. Gıts'ǫ̀ hagot'ı̨ı̨ sìı hanì gıgha hòɂǫǫ̀ adlà hǫt'e.

1 Peter 5:2

Nǫ̀htsı̨ wesahzǫ̀ą nezı̨į̀ gık'èahdì. Eyı la naxıghǫ̀t'ǫ ne t'à, k'àowo nezı̨ı̨ aahłı̨. Hanì naxıgha hòɂǫ zǫ t'à gıxoahdı-le, hanìkò Nǫ̀htsı̨ wınì k'ę̀ę̀ naxıdzeè t'à gıxoahdı. Sǫǫ̀mba ghǫ hòtł'ò aahwhǫ-le, hanìkò dǫ ts'àahdı gha ts'atà dahkw'e.

2 Peter 1:16

Gots'ǫ̀ K'àowo Zezì-Krı dıı nèk'e ts'ǫ̀ ajà eyıts'ǫ dànì nàtso wehòhɂǫ ghǫ naxıxè gots'adoo sìı ekìı godı dǫ yèhtsı̨ t'à ats'edı nıìle, hanìkò dànì enıìyah deè elı̨ı̨ sìı goxı̨ godaà t'à wets'aɂı̨ hǫt'e.

2 Peter 2:1

Hanìkò ı̨nę̀ę sìı dǫ gıta nakwenàoɂǫǫ hogets'ì gogede gòı̨lè, eyı xèht'eè naxıta dǫ mǫ̀hdaa hogets'ì t'à hoghànaxegeehtǫ ha. Dǫ naàhtǫ Nǫ̀htsı̨ ghǫ ekǫ-le hoghànaxegeehtǫ ha, gots'ǫ̀ K'àowo t'asìı wegha dìì-le ededı̨ nàgoèhdìı sìı k'ahowo nıìle gedı ha. Haget'ı̨ t'à ı̨whąą̀ edegha hoìla hogehtsı̨ hǫt'e.

2 Peter 2:9

Hanì hòɂǫ nı̨dè gots'ǫ̀ K'àowo dǫ Nǫ̀htsı̨ wınì k'ę̀ę̀ geedaa sìı dànì hoìla ch'à edaxàgohtè ha sìı yek'èezǫ hǫt'e, hanìkò amìı ehkw'ı geeda-le sìı nàgoehkwa hǫt'e eyıts'ǫ gısınìyaetıı dzęę̀ gha gok'èdì.

Jude 1:11

Gıxè hoìla nechà ha! Adǫ̀ weza Caın wenàowołı̨ı̨ k'ę̀ę̀ geède hǫt'e. Įnę̀ę gots'ǫ Balaam ekǫ-le hòèhtsı̨ lanì sǫǫ̀mba gha nàhogehdè, eyıts'ǫ Korah Nǫ̀htsı̨ k'èch'a hòèhtsı̨ lanì gıdıhołè ha hǫt'e.

Jude 1:15

eyıts'ǫ dǫ hazǫǫ̀ gosınìyaehtı ha. Nǫ̀htsı̨ dǫ hazǫǫ̀ yınì k'ę̀ę̀ geeda-le xè hołı̨ı̨ hogehtsı̨ı̨ sìı eyı k'èxa gosınìyaehtı ha, eyıts'ǫ yatıjıı hazǫǫ̀ t'à Nǫ̀htsı̨ k'èch'a xàyagehtı k'èxa gosınìyaehtı ha,” dek'eèhtł'è.

Jude 1:16

Eyı dǫ sìı t'aats'ǫǫ̀ sǫagedı xè dǫ k'e nìdahogeeɂàa dǫǫ̀ agı̨ı̨t'e, eyıts'ǫ edınìłı̨ı̨ k'ę̀ę̀ k'ehogeɂa. Edeghǫ xàdahogedì eyıts'ǫ edegha sìghà hogehtsı̨ zǫ gha dǫ ts'ǫ̀ nezı̨į̀ agedı.

Jude 1:4

Dǫ mǫ̀hdaa ekǫ-le dǫ hoghàgogeehtǫǫ sìı naxınaàhtǫ naxıta gı̨ı̨de hǫt'e. Hanıı dǫ sìı gısınìyaetı ha whaà gots'ǫ hanì dek'eèhtł'è hǫt'e. Dǫ hanıı Nǫ̀htsı̨ gıgha wedę sìı Nǫ̀htsı̨ wesǫnıwǫ eładı̨į̀ dǫ hoghàgogeehtǫ, hagedı, “Nǫ̀htsı̨ wedzeè sǫnıwǫ t'à hołı̨ı̨ k'ę̀ę̀ eghàlats'eeda kò wegha t'asanìle,” gedı. Hagedı t'à Zezì-Krı ededı̨ zǫ Gots'ǫ̀ K'àowodeè t'asìı wegha dìì-le elı̨ı̨ sìı wedę welè gedı.

Jude 1:7

Eyı xèht'eè kǫ̀ta Sodom eyıts'ǫ kǫ̀ta Gomorah eyıts'ǫ gımǫǫ̀ kǫ̀ta yàgòlaa sìı ekǫ gots'ǫ dǫ hołı̨ı̨ hazǫǫ̀ xàɂaa k'ę̀ę̀ ełek'alagedè ı̨lè. Gıgodıì ghàà dǫ hołı̨ı̨ hohtsı̨ı̨ sìı wets'ǫ̀ dàgode ha wek'èts'eezǫ. Dǫ hanıı sìı welǫ whìle ts'ǫ̀ kǫ̀ nàtsoo t'à dagı̨ı̨ɂa ha hǫt'e.