2 Peter 2:21 - Nǫ̀htsı̨ Nı̨htł'è

²¹ Ehkw'ı ts'eedaa nàowoò k'èhogeezǫ-le nı̨dè denahk'e gıgha nezı̨ ha ı̨lè. Hanìkò gık'èezǫ kò Nǫ̀htsı̨ nàowoò gıts'ǫ̀ adlàa sìı wedę agį̀į̀là t'à denahk'e gıxè hoìla agode ha.

2 Peter 2:21 ပူးပေါင်းရင်းမြစ်များ

Matthew 21:32

John-Baptıst dànì ehkw'ı ts'eedaa t'à naxıts'ǫ̀ goı̨de ı̨lè, hanìkò naxıgha ehkw'ı adı-le. Ekò sǫǫ̀mba-nàgehtsį̀ı̨-dǫǫ̀ eyıts'ǫ ts'èkojıı gıgha ehkw'ı-ahodı hǫt'e. Eyı naxıdaà hanàhòwo, hanìkò edek'eahłı̨-le xè ehkw'ı adı weahwhǫ-le.

Luke 12:47

“Eyı dǫ, wets'ǫ k'àowo dànıwǫ yek'èezǫ kò yınì k'ę̀ę̀ eghàlaeda-le xè yegha ts'atà wheda-le nı̨dè hòtł'ò nàweekwa ha hǫt'e.

John 15:22

Jǫ ahjà-le xè gıts'ǫ̀ goıhde-le nı̨dè gıhołı̨į̀ gık'e whela ha-le ı̨lè. Hanìkò dıì, seyatıì k'ègeezǫ t'à ‘hołı̨ı̨ hots'èhtsı̨-le,’ gedı ha dìì.

John 9:41

Zezì hadı, “Naxıdaà goìle nı̨dè naxıhołı̨į̀ whìle ha ı̨lè, hanìkò gogha xègaat'ı̨ dahdı t'à naxıhołı̨į̀ ı̨łaà naxık'e whela hǫt'e,” gòhdı.

Rome 7:12

Moses wenàowoò hazǫǫ̀ degaı hǫt'e eyıts'ǫ nàowodeè sı degaı, ehkw'ı xè nezı̨ hǫt'e, wek'èts'eezǫ.

Galatıa 6:2

Naxıgha hoìla nı̨dè ełets'àahdı. Haaht'ı̨ nı̨dè Zezì-Krı wenàowoò k'ę̀ę̀ deghàà aahda hǫt'e.

1 Thessalonıca 4:2

Gots'ǫ̀ K'àowo Zezì wedahxà yatı hoghànaxets'eèhtǫǫ sìı wek'èahsǫ hǫt'e.

1 Tımothy 6:14

Gots'ǫ̀ K'àowo Zezì-Krı nììtłaa dzęę̀ gots'ǫ̀, yatı wek'ę̀ę̀ ı̨da ha neghàehɂǫǫ sìı hotıì wek'èędì.

Hebrew 10:26

Nàowo ehkw'ıı wek'èts'eezǫǫ̀ agòìdlà kò k'èdaà hołı̨ı̨ hots'ehtsı̨ ha ts'ı̨ı̨wǫ nı̨dè, gohołı̨į̀ k'èxa t'asìı Nǫ̀htsı̨ ghàts'eɂà ha sìı gǫ̀hłı̨-le agode ha,

James 4:17

Amìı ehkw'ı eghàlaeda ha yek'èezǫ kò yek'ę̀ę̀ eghàlaeda-le nı̨dè hołı̨ı̨ hoehtsı̨ hǫt'e.

2 Peter 3:2

Įnę̀ę sìı nakwenàoɂǫǫ degaı yatı goghàgı̨ı̨ɂǫǫ sìı wenaahdì ha naxeehwhǫ, eyıts'ǫ gots'ǫ̀ K'àowo Edaxàgolee elı̨ı̨ sìı wecheekeèdeè gıt'ǫ̀ǫ̀ nàowo nezı̨ı̨ naxıghàı̨ɂǫ hǫt'e, eyı sìı wenaahdì ha naxeehwhǫ.

Jude 1:3

Seàgı̨ą, dànì Nǫ̀htsı̨ edaxàgoı̨laa sìı weghǫ naxıts'ǫ̀ eehtł'è ha sıì haehwhǫ ı̨lè, hanìkò dıì nàowo ehkw'ıı k'èahdì ghǫ naxıts'ǫ̀ eehtł'è ha naxıgha wet'àaɂà hǫt'e. Nàowo ehkw'ıı sìı Nǫ̀htsı̨ wets'ǫ dǫ t'aats'ǫǫ̀ gıxè wheɂǫ gha goghàyı̨ı̨ɂǫ hǫt'e.