2 Peter 2:2 - Nǫ̀htsı̨ Nı̨htł'è

² Dǫ łǫ edenàowołı̨ı̨ k'ę̀ę̀ eghàlageedaà agede ha, eyıt'à dǫ eyıì-le nàowo ehkw'ıı ghǫ nezı̨į̀ xàyagehtı ha-le.

2 Peter 2:2 ပူးပေါင်းရင်းမြစ်များ

Dànì Kèhoį̀wo 19:5

Lot ts'ǫ̀ yagìzeh hagedı, “Dıı toò eyı dǫ nets'ǫ̀ nègı̨ı̨dee sìı gılaedì? Gots'ǫ̀ xàgııdè agı̨ı̨le, gık'alats'edè ha t'à,” hagedı.

Matthew 22:16

Gıcheekeè eyıts'ǫ Herodıan gı̨ı̨lı̨ı̨ mǫ̀hdaa Zezì ts'ǫ̀ gogeèhɂà. Zezì ts'ǫ̀ hagedı, “K'àowo, ehkw'ı zǫ goı̨de wek'èts'eezǫ, eyıts'ǫ Nǫ̀htsı̨ Wenàowoò ghǫ ehkw'ı dǫ hoghàı̨htǫ. Dǫ dàhòt'ı̨ı̨ agı̨ı̨t'ee sìı negha wet'àaɂà-le t'à, dǫ ayìı geèhkw'ǫ ha gı̨ı̨wǫǫ sìı k'ę̀ę̀ goı̨de nıìle.

Matthew 24:24

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Dǫ ghǫdageehnè ha dìì-le nı̨dè Nǫ̀htsı̨ dǫ gòį̀hchìı sìı eyı kò goghǫdageehnè ha.

Matthew 7:14

Ekò enìı̨tǫ neghoa sìı tı̨lı neghoa ts'ǫ̀ nııɂà hǫt'e. Dǫ łǫ-lea zǫ eyı tı̨lı k'e aget'ı̨ı̨ sìı welǫ whìle ts'ǫ̀ geeda ha.

Mark 12:14

Zezì gà nègı̨ı̨de ekò gıts'ǫ̀ hadı, “K'àowo, ehkw'ı zǫ goı̨de wek'èts'eezǫ. Dǫ dàhòt'ı̨ı̨ agı̨ı̨t'ee sìı negha wet'àaɂà-le t'à, dǫ ayìı geèhkw'ǫ ha gı̨ı̨wǫǫ sìı k'ę̀ę̀ goı̨de nıìle, hanìkò Nǫ̀htsı̨ Wenàowoò ghǫ ehkw'ı dǫ hoghàı̨htǫ. K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?

Mark 13:22

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Nǫ̀htsı̨ dǫ gòį̀hchìı sìı ghǫdageehnè ha dìì-le nı̨dè eyı dǫ kò ghǫyageeɂà ha hǫt'e.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

Zezì Wecheekeèdeè 13:10

“Nı̨ sìı wehłı̨ı̨ weza anet'e, t'asìı hazǫǫ̀ ehkw'ı ne sìı k'èch'a anet'e! T'asìıłı̨ı̨ hazǫǫ̀ xàɂaa eyıts'ǫ hots'ets'ìı nàowoò hanıı zǫ k'èı̨zǫ. Dàht'e-ı̨dè Nǫ̀htsı̨ wenàowoò k'èch'a eghàlaı̨da ghǫ naąt'e ha?

Zezì Wecheekeèdeè 14:2

Hanìkò Israel got'ı̨į̀ mǫ̀hdaa gıgha ehkw'ı-ahodı ha gı̨ı̨wǫ-le sìı dǫ eyıì-le xàɂaa Nǫ̀htsı̨ wecheekeè ts'ǫ̀ gınì nezı̨-le agogį̀į̀là.

Zezì Wecheekeèdeè 16:17

Eyı t'eekoa Paul eyıts'ǫ goxı̨ gok'èè k'etło xè hadıì yaìzeh, “Dıı dǫ sìı Nǫ̀htsı̨ wenahk'e gǫ̀hłı̨-le wecheekeè agı̨ı̨t'e. Dànì edaxàts'eedè ha sìı naxıts'ǫ̀ hagedı ha,” hadıì yaìzeh.

Zezì Wecheekeèdeè 18:26

Apollos ełègehdèe-kǫ̀ edèdaedı-le xè dǫ ts'ǫ̀ goı̨de. Prıscılla eyıts'ǫ Aquıla gıìkw'o tł'axǫǫ̀ edekǫ̀ ts'ǫ̀ gok'èehtłaà agı̨į̀là. Nǫ̀htsı̨ wegodıì t'à deghàà gıts'ǫ̀ xàyaı̨htı.

Zezì Wecheekeèdeè 19:9

Hanìkò dǫ mǫ̀hdaa Paul k'èch'a agı̨ı̨wǫ, gıgha ehkw'ı-ahodı ha gı̨ı̨wǫ-le eyıts'ǫ eyı nàowo k'èch'a dǫ ts'ǫ̀ gogede. Eyıt'à Paul Israel got'ı̨į̀ gots'ǫǫ̀ xàèhtła. Nǫ̀htsı̨ wecheekeè edexè goòwa. Eyı tł'axǫǫ̀ dzę taàt'eè Tyrannus wekǫ̀ gocho goyìı dǫ ts'ǫ̀ gode.

Zezì Wecheekeèdeè 22:4

Dǫ Zezì wenàowoò k'ę̀ę̀ agı̨ı̨wǫǫ sìı dagìıhɂa eyıts'ǫ mǫ̀hdaa ełaàgìıhdè ı̨lè. Dǫzhìı eyıts'ǫ ts'èko dǫ-danìı̨laa-kǫ̀ ts'ǫ̀ agèhłà ı̨lè.

Zezì Wecheekeèdeè 24:14

Hanìkò naxıts'ǫ̀ dıı haehsı̨ ha: gocho Gınǫ̀htsı̨-ghàsǫehdıı-dǫǫ̀ aht'e, eyıts'ǫ Zezì wenàowoò k'ę̀ę̀ edaa dǫǫ̀ aht'e, eyı nàowo sìı ekǫ-le hǫt'e gedı. Moses wenàowoò k'ę̀ę̀ t'asìı hazǫǫ̀ dǫ hoghàgogeehtǫǫ sìı segha ehkw'ı ne, eyıts'ǫ t'asìı hazǫǫ̀ nakwenàoɂǫǫ dek'enègı̨ı̨tł'èe sìı eyı sı segha ehkw'ı-ahodı hǫt'e.

Rome 2:24

Nǫ̀htsı̨ Nı̨htł'è k'e dıı hanì dek'eèhtł'è: “Naxıts'ıhɂǫ̀ dǫ eyıì-le xàɂaa Nǫ̀htsı̨ wıızì tsį̀gehwhı hǫt'e,” dek'eèhtł'è.

1 Tımothy 5:14

Eyıt'à ts'èko gıghoò łǫ-le et'ıì gıdǫǫ̀ ełaı̨dèe sìı honìgııdè kò dehwhǫ hǫt'e. Gıza gǫ̀hłı̨ xè edekǫ̀ k'ègedì kò eyı denahk'e gıgha nezı̨ hǫt'e. Hanì-ı̨dè wehłı̨ı̨ goızì jıı ehtsı̨ ha gıghàhòɂà ha-le.

Tıtus 2:5

Nàowołı̨ı̨ ch'à edek'ègedì ha, hołı̨ı̨ dę geeda ha, edekǫ̀ gha hòtł'ò eghàlageeda ha, dǫ ts'ǫ̀ gıdzeè nezı̨ ha, eyıts'ǫ ededǫǫ̀ k'èagı̨ı̨t'e ha, hoghàgogııhtǫ. Hanì geeda nı̨dè gıts'ıhɂǫ̀ dǫ wı̨ı̨zìı Nǫ̀htsı̨ yatıì k'èch'a gode ha-le.

Tıtus 2:8

Nezı̨į̀ nànıts'ewo k'ę̀ę̀ gots'ede nı̨dè dǫ gok'èch'a adı ha dìì. Haąt'ı̨ nı̨dè dǫ nek'èch'a agı̨ı̨wǫǫ sìı edeghǫ į̀į̀zhagelı̨ ha, goghǫ t'asìı nezı̨-le hagedı ha dìì t'à.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

2 Peter 2:12

Hanìkò eyı dǫ t'asìı nıgeedì-le ghǫ ekǫ-le gogede t'à Nǫ̀htsı̨ k'èch'a agedı. Tıts'aàdìı wets'àhoejı̨ı̨ lagı̨ı̨t'e eyıts'ǫ tıts'aàdìı k'ę̀ę̀ k'ehogeɂa. Gık'èchıìtła xè ełaàgede zǫ gha gıgǫ̀hłı̨ lagı̨ı̨t'e, eyıts'ǫ tıts'aàdìı lanì gıdıhołè ha.

2 Peter 2:15

Nàowo ehkw'ıı ts'ǫǫ̀ nıwà agejà, Beyor weza Balaam wenàowoò k'ę̀ę̀ geedaà agejà. Eyı dǫ sìı hołı̨ı̨ ghàlaeda k'èxa sǫǫ̀mba ehtsı̨ı̨ wegha nezı̨.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.

2 Peter 2:21

Ehkw'ı ts'eedaa nàowoò k'èhogeezǫ-le nı̨dè denahk'e gıgha nezı̨ ha ı̨lè. Hanìkò gık'èezǫ kò Nǫ̀htsı̨ nàowoò gıts'ǫ̀ adlàa sìı wedę agį̀į̀là t'à denahk'e gıxè hoìla agode ha.

2 Peter 2:7

Hanìkò Lot ehkw'ı edaa sìı Nǫ̀htsı̨ edaxàyį̀ı̨htı̨, dǫ wemǫǫ̀ hołı̨ı̨ nàowoò k'ę̀ę̀ geeda ts'ıhɂǫ̀ sıì wegha dìì ı̨lè.

Jude 1:10

Hanìkò eyı dǫ ekǫ-le aget'ı̨ı̨ sìı t'asìı nıgeedì-le kò gık'èch'a gogede. Tıts'aàdìı nànıwo-le lagı̨ı̨t'e dànì edexègeedì ghàà t'asìı nıgeedì, eyı hazǫǫ̀ ts'ıhɂǫ̀ gıdıhołè ha hǫt'e.

Jude 1:15

eyıts'ǫ dǫ hazǫǫ̀ gosınìyaehtı ha. Nǫ̀htsı̨ dǫ hazǫǫ̀ yınì k'ę̀ę̀ geeda-le xè hołı̨ı̨ hogehtsı̨ı̨ sìı eyı k'èxa gosınìyaehtı ha, eyıts'ǫ yatıjıı hazǫǫ̀ t'à Nǫ̀htsı̨ k'èch'a xàyagehtı k'èxa gosınìyaehtı ha,” dek'eèhtł'è.

Jude 1:4

Dǫ mǫ̀hdaa ekǫ-le dǫ hoghàgogeehtǫǫ sìı naxınaàhtǫ naxıta gı̨ı̨de hǫt'e. Hanıı dǫ sìı gısınìyaetı ha whaà gots'ǫ hanì dek'eèhtł'è hǫt'e. Dǫ hanıı Nǫ̀htsı̨ gıgha wedę sìı Nǫ̀htsı̨ wesǫnıwǫ eładı̨į̀ dǫ hoghàgogeehtǫ, hagedı, “Nǫ̀htsı̨ wedzeè sǫnıwǫ t'à hołı̨ı̨ k'ę̀ę̀ eghàlats'eeda kò wegha t'asanìle,” gedı. Hagedı t'à Zezì-Krı ededı̨ zǫ Gots'ǫ̀ K'àowodeè t'asìı wegha dìì-le elı̨ı̨ sìı wedę welè gedı.

Jude 1:7

Eyı xèht'eè kǫ̀ta Sodom eyıts'ǫ kǫ̀ta Gomorah eyıts'ǫ gımǫǫ̀ kǫ̀ta yàgòlaa sìı ekǫ gots'ǫ dǫ hołı̨ı̨ hazǫǫ̀ xàɂaa k'ę̀ę̀ ełek'alagedè ı̨lè. Gıgodıì ghàà dǫ hołı̨ı̨ hohtsı̨ı̨ sìı wets'ǫ̀ dàgode ha wek'èts'eezǫ. Dǫ hanıı sìı welǫ whìle ts'ǫ̀ kǫ̀ nàtsoo t'à dagı̨ı̨ɂa ha hǫt'e.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 13:14

Tıts'aàdìı wekwì łǫ̀hdı̨ wedahxà hanì enıìyah deè hòèhtsı̨ t'à dıı nèk'e dǫ goghǫyaàɂǫ. Weyatıì k'e tıts'aàdìı nechàa behcho t'à gego hanìkò xàı̨dàa sìı kwe t'à wek'ę̀ę̀ wègaat'ı̨ı̨ nàı̨hɂaà agı̨į̀là. Eyıt'à tıts'aàdìı wekwì łǫ̀hdı̨ ghàsǫgeedıì agǫ̀ǫ̀là.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.