2 Peter 2:19 - Nǫ̀htsı̨ Nı̨htł'è

¹⁹ “T'asìı naxıts'ǫ̀ k'ahowo ha nıìle,” gògedı kò ededı̨ hołı̨ı̨ nàowoò gıts'ǫ̀ k'ahowo. T'asìı dǫ daèt'èe sìı yegha k'àowo elı̨ hǫt'e.

2 Peter 2:19 ပူးပေါင်းရင်းမြစ်များ

John 8:34

Zezì gots'ǫ̀ hadı, “Ehkw'ı anaxèehsı̨, amìı hołı̨ı̨ hohtsı̨ı̨ sìı hołı̨ı̨ yets'ǫ̀ k'àowo hǫt'e.

Zezì Wecheekeèdeè 19:16

Dǫ ı̨nìłı̨ı̨ wets'ǫ̀-èlı̨ı̨ sìı gok'e nıìko eyıts'ǫ sıì gokwǫ̀ǫyaà-gǫǫ̀là t'à hazǫǫ̀ godaèht'è, ı̨ht'edę eyıts'ǫ gıdoò at'ı̨ xè xàtı̨mǫgeède.

Galatıa 5:1

Zezì-Krı t'asìı wı̨ı̨zìı t'à dagoetł'ı̨ ha-le nıwǫ t'à edaxàgoı̨la hǫt'e. Eyıt'à naxınì nàtsoò aahłe, k'achı̨ dıı nek'e ts'ǫ t'asìı wı̨ı̨zìı naxıts'ǫ̀ k'àowo welè-le, eyı wet'à edegha hoìla hoahtsı̨-le.

Galatıa 5:13

Sèot'ı̨ı̨, nàowo hanıı naxıts'ǫ̀ k'àowo ha-le gha Nǫ̀htsı̨ naxıkayaı̨htı hǫt'e. Hòt'a eyı nàowo tł'a dahkw'e-le aahjà t'à naxınìłı̨ı̨ k'ę̀ę̀ aahdaà adeahłe-le. Į̀le, ełeghǫnıahtǫ xè ełets'àahdı k'ę̀ę̀ aahda.

2 Tımothy 2:26

ehkw'ı nànıgedè agede ha, wehłı̨ı̨ gok'èchıìtła ch'à eyıts'ǫ wenàowoò k'ę̀ę̀ geeda ch'à kwı̨geehdè ha.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

1 Peter 2:16

Dǫ Moses wenàowoò tł'a geèhkw'e-le lanì nàahdè, hanìkò dıı haahwhǫ-le, “Hòt'a Moses wenàowoò tł'a ts'eèhkw'e-le t'à hołı̨ı̨ hots'ehtsı̨ ha dìì-le,” dahwhǫ-le. Į̀le, Nǫ̀htsı̨ wecheekeè lanì nàahdè ha hǫt'e.

2 Peter 1:4

Gots'ǫ̀ hanì naɂa ts'ıhɂǫ̀ t'asìı deè godawhelaà ayį̀į̀làa sìı ghǫ edeyatıì goghàı̨ɂǫ hǫt'e. Eyı ts'ıhɂǫ̀ Nǫ̀htsı̨ xè aaht'ı̨į̀ aahjà eyıts'ǫ dıı nèk'e dǫ gınàowołı̨ı̨ k'ę̀ę̀ aahda ch'à edaxàwhahde hǫt'e.

2 Peter 2:20

Gots'ǫ̀ K'àowo Zezì-Krı Edaxàgolee sìı gık'èezǫǫ̀ agejà t'à dıı nèk'e hołı̨ı̨ nàowoò ch'à edaxàgı̨ı̨de tł'axǫǫ̀, k'achı̨ hołı̨ı̨ nàowoò k'alagedè agejà nı̨dè, nǫǫde ts'ǫ̀ t'akwełǫ̀ǫ̀ nahk'e gıxè deɂǫ̀ǫ̀ hoìla agode ha hǫt'e.