2 Peter 2:14 - Nǫ̀htsı̨ Nı̨htł'è

¹⁴ T'aats'ǫǫ̀ gınìłı̨ı̨ t'à ts'èko ghàgeeda, hołı̨ı̨ hogehtsı̨ı̨ gıgha hòt'a-le, dǫ gınì nàtso-le sìı ts'ıɂǫ̀ geele, egedì-le gha nàgeghò. Dǫ hanıı sìı Nǫ̀htsı̨ hòtł'ò nàgoehkwa ha hǫt'e.

2 Peter 2:14 ပူးပေါင်းရင်းမြစ်များ

Matthew 12:34

Naxı̨ sìı wehłı̨ı̨ weza laaht'e! Hołı̨ı̨-hoahtsı̨ı̨-dǫǫ̀ aaht'e t'à t'asìı nezı̨ı̨ ghǫ goahde ha dìì. Dǫ gıdzeè yìı ayìı whelaa weghàà gogede hǫt'e.

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Matthew 5:28

Hanìkò sı̨ dıı hanaxèehsı̨: Amìı ekǫ-le nànıwo t'à ts'èko ghàeda nı̨dè hòt'a edınì t'à yexè hołı̨ı̨ hòèhtsı̨ hǫt'e.

Mark 13:22

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Nǫ̀htsı̨ dǫ gòį̀hchìı sìı ghǫdageehnè ha dìì-le nı̨dè eyı dǫ kò ghǫyageeɂà ha hǫt'e.

John 5:44

Dǫ naxıghǫ nezı̨į̀ agedı ha dahwhǫ, hanìkò Nǫ̀htsı̨ naxıghǫ nezı̨į̀ adı gha hots'ǫnıahɂà-le. Hanì-ı̨dè dànì naxıgha ehkw'ı-ahodı lì?

Rome 16:18

Hanıı dǫ sìı gots'ǫ̀ K'àowo Zezì-Krı gha eghàlageeda nıìle, hanìkò edek'ę̀ę̀ zǫ eghàlageedà aget'ı̨. Nezı̨į̀ gogede xè dǫ ghǫ nezı̨į̀ agedı t'à, nàhotì-le dǫ gha ehkw'ı agedıı sìı goghǫyageeɂà aget'ı̨ hǫt'e.

1 Corınth 11:19

Naxıta dǫ ełek'ę̀ę̀ nànıgedè ha-le t'ıį̀t'e, hanì-ı̨dè amìı Nǫ̀htsı̨ wınì k'ę̀ę̀ geedaa sìı wek'èhoedzǫ ha.

Ephesus 2:3

Goxı̨ sı hołı̨ı̨ k'ę̀ę̀ ts'eedaà ekò gıxèts'ı̨ht'e ı̨lè. Hołı̨ı̨ ghats'eewı eyıts'ǫ gonìłı̨ı̨ t'à dàts'ı̨ı̨wǫǫ sìı k'èats'ı̨ı̨t'e ı̨lè. Dǫ hazǫǫ̀ gıxèht'eè gonìłı̨ı̨ k'èxa nàgoehkwa ha gogha hòɂǫ ı̨lè.

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

Colosse 2:18

Dǫ k'èeweèt'ı̨ edegeetsı̨ eyıts'ǫ yak'eet'ı̨į̀ ts'ǫ̀ yagehtıı sìı Nǫ̀htsı̨ t'asìı nezı̨ı̨ naxıghàɂà ch'à anaxegııle sǫ̀ǫ̀. Eyı dǫ hanıı sìı gınazhıı xègoèht'į̀ ghǫ naxıts'ǫ̀ gogede ghageewı, hanìkò Nǫ̀htsı̨ ts'ǫ̀ gınì nàtso-le t'à dǫ nahk'e ts'ı̨ı̨lı̨ gı̨ı̨wǫ xè xàdahogedì.

James 1:8

Wınì nàke dǫǫ̀ elı̨ hǫt'e, eyıt'à t'asìı hazǫǫ̀ ghàlaeda gha wınì nàtso-le hǫt'e.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.

2 Peter 2:3

Eyı dǫ hoghàgogeehtǫǫ sìı t'asìı gha egedì-le t'à ededı̨ godı gèhtsı̨ı̨ sìı t'à naxıxè gogedo. Whaà gots'ǫ nàgeekwa ha gıgha hòɂǫ hǫt'e, hanìkò amìı godıhohtsı̨ ha sìı whetı̨ nıìle.

2 Peter 3:16

Paul, wenı̨htł'è k'e eyı hazǫǫ̀ ełèht'eè enı̨ı̨tł'è ı̨lè. T'asìı mǫ̀hdaa ghǫ ı̨ı̨tł'èe sìı dǫ gınıedì ha gıgha dezhì. Dǫ mǫ̀hdaa t'asìı nıgeedì-le xè hòtł'ò gıgha ehkw'ı-ahodı-le t'à weyatıì ekǫ-le agehɂı̨, Nǫ̀htsı̨ Nı̨htł'è eyıì-le sı hagehɂı̨ lanì. Haget'ı̨ t'à gıdıhołè ha hǫt'e.

1 John 2:16

Dıı nàowo sìı dıı nèk'e gots'ǫ hǫt'e: hołı̨ı̨-hogehtsı̨ı̨-dǫǫ̀ ekǫ-le ts'ǫ̀ hòtł'ò kànegı̨ı̨ɂaa, t'asìı ghàgeedaa sìı ghageewı, t'asìı gıts'ǫ eyıts'ǫ ayìı ghàlagı̨ı̨dàa sìı ghǫ xàdahogedì. Eyı hanıı nàowo sìı Nǫ̀htsı̨-Gotà wenàowoò nıìle, dıı nèè gots'ǫ hǫt'e.

Jude 1:11

Gıxè hoìla nechà ha! Adǫ̀ weza Caın wenàowołı̨ı̨ k'ę̀ę̀ geède hǫt'e. Įnę̀ę gots'ǫ Balaam ekǫ-le hòèhtsı̨ lanì sǫǫ̀mba gha nàhogehdè, eyıts'ǫ Korah Nǫ̀htsı̨ k'èch'a hòèhtsı̨ lanì gıdıhołè ha hǫt'e.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.