2 Peter 2:13 - Nǫ̀htsı̨ Nı̨htł'è

¹³ Dànì dǫ ts'ǫ̀ hoìla ghàlagı̨ı̨dà k'ę̀ę̀ gıts'ǫ̀ hoìla adle ha. Dzę kò hołı̨ı̨ k'ę̀ę̀ sìgoèt'ı̨ hogehtsı̨ı̨ gıgha nezı̨. Eyı hanıı dǫ naxıta aget'ı̨ t'à į̀į̀zhaahłı̨ ha naxıghàlageeda. Naxıxè nàsı̨ ghǫ shègezhe kò edehołı̨į̀ k'ę̀ę̀ k'ehogeɂa gıgha nezı̨.

2 Peter 2:13 ပူးပေါင်းရင်းမြစ်များ

Rome 13:13

Dzęh dǫ geeda lanì ehkw'ı ts'eeda ha hǫt'e. Ts'edǫ xè ts'ıɂǫ̀-hots'eeɂà welè-le, gozhį̀į̀ t'à hołı̨ı̨ k'alats'edèe welè-le, ełets'ǫ̀ nàyats'ehtı welè-le, eyıts'ǫ ełeghǫ ts'ohots'eedı welè-le.

Ephesus 5:27

Gìdaat'ı̨ xè edets'ǫ̀ agole ha nıwǫ. Tsǫ̀ wı̨ı̨zìı gık'e wheɂǫ-le xè t'asìı wı̨ı̨zìı t'à gıxoeɂa ha-le. Degaı gı̨ı̨lı̨ı̨ xè t'asìı wı̨ı̨zìı t'à dǫ gok'e nìdahoeɂà ha-le.

Phılıppı 3:19

Dǫ hanì geedaa sìı gıdıhołè ha hǫt'e. Gıbò gınǫ̀htsı̨ elı̨ lanì, eyıts'ǫ hołı̨ı̨ hogehtsı̨ ghǫ xàdahogedì. Dıı nèk'e t'asìı whelaa zǫ ghǫ nànıgedè.

2 Tımothy 4:14

Alexander satsǫ̀-eghàlaedaa-dǫǫ̀ sets'ǫ̀ hoìla deè hòèhtsı̨. Gots'ǫ̀ K'àowo eyı k'èxa hoìla yeghàhòɂà ha.

James 5:5

Dıı nèk'e dǫ ahxee k'ę̀ę̀ aahda, eyıts'ǫ t'asìı hazǫǫ̀ edegha zǫ wet'à-aaht'ı̨. Tıts'aàdìı ełaàgıìhwhıı gha łek'à agehɂı̨ lanì gosınìyaetıı dzęę̀ gha dǫ ahxee edèwhahtsı̨.

1 Peter 4:4

Gıxè hołı̨ı̨ nàowoò hazǫǫ̀ k'alaahdè ha dahwhǫ-le sìı gınıedì-le, eyıt'à yatıjıı t'à naxık'adageedè.

2 Peter 2:15

Nàowo ehkw'ıı ts'ǫǫ̀ nıwà agejà, Beyor weza Balaam wenàowoò k'ę̀ę̀ geedaà agejà. Eyı dǫ sìı hołı̨ı̨ ghàlaeda k'èxa sǫǫ̀mba ehtsı̨ı̨ wegha nezı̨.

John Wenazhıı 18:6

Dànì dǫ ts'ǫ̀ eghàlaı̨dàa sìı hanì wets'ǫ̀ eghàlaahda. Dànì eghàlaı̨dà k'èxa nàke laàtłǫǫ wets'ǫ̀ eghǫlaahda. Welıbò gots'ǫ nàekeè wegha deyaahtł'ì.