2 Peter 2:12 - Nǫ̀htsı̨ Nı̨htł'è

¹² Hanìkò eyı dǫ t'asìı nıgeedì-le ghǫ ekǫ-le gogede t'à Nǫ̀htsı̨ k'èch'a agedı. Tıts'aàdìı wets'àhoejı̨ı̨ lagı̨ı̨t'e eyıts'ǫ tıts'aàdìı k'ę̀ę̀ k'ehogeɂa. Gık'èchıìtła xè ełaàgede zǫ gha gıgǫ̀hłı̨ lagı̨ı̨t'e, eyıts'ǫ tıts'aàdìı lanì gıdıhołè ha.

2 Peter 2:12 ပူးပေါင်းရင်းမြစ်များ

Mark 7:22

ets'edì-le, hołı̨ı̨ k'ę̀ę̀ k'ehots'eɂaa, ełeghǫyats'eeɂàa, t'asìıjıı ghǫ nànıts'edèe, ełeghǫ ts'ohots'eedıı, ełıızì jıı ts'ehtsı̨ı̨, xàhots'edìı, eyıts'ǫ ezhı̨ne k'ę̀ę̀ k'ehots'eɂaa.

John 8:21

K'achı̨ Zezì gots'ǫ̀ hadı, “T'asį̀ı̨ ahde ha eyıts'ǫ sekak'eaht'į̀ ha. Hanìkò naxıhołı̨į̀ xè ełaahde ha hǫt'e. Edı̨į̀ ts'ǫ̀ aht'ı̨ı̨ sìı ekǫ aahde ha dìì,” Zezì gòhdı.

Galatıa 6:8

Dǫ wınìłı̨ı̨ k'ę̀ę̀ eghàlaeda nı̨dè wınìłı̨ı̨ ts'ıhɂǫ̀ wedıhołè ha. Ekò dǫ Yedàyeh Nezı̨ı̨ dànıwǫ k'ę̀ę̀ eghàlaeda nı̨dè Yedàyeh Nezı̨ı̨ ts'ıhɂǫ̀ welǫ whìle ts'ǫ̀ eda ha hǫt'e.

Colosse 2:22

Eyı nàowo sìı dıı nèk'e gots'ǫ dǫnì k'ę̀ę̀ hòèlı̨, eyıts'ǫ dǫ gınàowoò k'ę̀ę̀ hoghàgogeehtǫ t'à hazǫǫ̀ wet'àaɂà-le hǫt'e.

2 Peter 1:4

Gots'ǫ̀ hanì naɂa ts'ıhɂǫ̀ t'asìı deè godawhelaà ayį̀į̀làa sìı ghǫ edeyatıì goghàı̨ɂǫ hǫt'e. Eyı ts'ıhɂǫ̀ Nǫ̀htsı̨ xè aaht'ı̨į̀ aahjà eyıts'ǫ dıı nèk'e dǫ gınàowołı̨ı̨ k'ę̀ę̀ aahda ch'à edaxàwhahde hǫt'e.

2 Peter 2:19

“T'asìı naxıts'ǫ̀ k'ahowo ha nıìle,” gògedı kò ededı̨ hołı̨ı̨ nàowoò gıts'ǫ̀ k'ahowo. T'asìı dǫ daèt'èe sìı yegha k'àowo elı̨ hǫt'e.

Jude 1:10

Hanìkò eyı dǫ ekǫ-le aget'ı̨ı̨ sìı t'asìı nıgeedì-le kò gık'èch'a gogede. Tıts'aàdìı nànıwo-le lagı̨ı̨t'e dànì edexègeedì ghàà t'asìı nıgeedì, eyı hazǫǫ̀ ts'ıhɂǫ̀ gıdıhołè ha hǫt'e.