2 Peter 1:12 - Nǫ̀htsı̨ Nı̨htł'è

¹² Eyı hazǫǫ̀ hòt'a wek'èahsǫ xè nàowo ehkw'ıı ghǫ naxınì nàtso kò t'aats'ǫǫ̀ wenaahdì anaxehłe ha hǫt'e.

2 Peter 1:12 ပူးပေါင်းရင်းမြစ်များ

Zezì Wecheekeèdeè 16:5

Eyıt'à Nǫ̀htsı̨ wecheekeè hazǫǫ̀ gınì nàtsoò ajà, eyıts'ǫ dzę taàt'eè dǫ łǫ gotagı̨ı̨de.

Phılıppı 3:1

Sèot'ı̨ı̨, hòt'a gots'ǫ̀ K'àowo wets'ıhɂǫ̀ naxınà welè! Įdì dànaxèehsı̨ ı̨lèe sìı wet'à k'achı̨ naxıts'ǫ̀ naehtł'è ha sìı segha t'asanìle, hotıì wek'èahsǫ ha naxıgha wet'àaɂà hǫt'e.

Colosse 1:5

Yak'e t'asìı deè naxıdawhelaa sìı naxıgha ehkw'ı-ahodı t'à dǫ ghǫnıahtǫ. Yatı ehkw'ıı sìı weàhkw'ǫ ı̨lè t'à, eyı t'asìı deè naxıdawhelaa sìı hòt'a wek'èahsǫ hǫt'e. Eyı yatı ehkw'ıı sìı godı nezı̨ı̨

Colosse 2:7

Wexè ı̨łè zǫ laaht'e eyıts'ǫ wet'à naxınì nàtsoò aahłe welè. Ayìı hoghànaxeètǫ k'ę̀ę̀ eghàlaahda, wet'à naxınì nàwetso, eyıts'ǫ t'aats'ǫǫ̀ naxıdzeè t'à masì dahwhǫ.

1 Tımothy 4:6

Gòet'ı̨ hanì hoghàgı̨ı̨htǫ nı̨dè, Zezì-Krı wegha nezı̨į̀ eghàlaı̨da ha hǫt'e. Haąt'ı̨ nı̨dè Zezì-Krı weyatıì ehkw'ıı wet'à negeèhsǫǫ sìı wek'ę̀ę̀ anet'ı̨ hǫt'e, eyıts'ǫ ayìı ehkw'ıı hoghàneètǫǫ xè ayìı wek'èaneet'èe sìı wek'ę̀ę̀ eghàlaı̨da ha hǫt'e.

2 Tımothy 1:6

Eyı ts'ıhɂǫ̀ Nǫ̀htsı̨ edets'ǫ t'asìı nezı̨ı̨ neghàı̨ɂǫǫ sìı deɂǫ̀ǫ̀ wet'à nezı̨į̀ eghàlaı̨da. Sılà nek'e ahłà xè nek'eèyahtı t'à Nǫ̀htsı̨ wets'ǫ t'asìı nezı̨ı̨ nedzeè yìı ajàa sìı wenaądì.

Hebrew 10:32

Ek'èt'à kenaahdì, t'akwełǫ̀ǫ̀ Nǫ̀htsı̨ wegodıì wek'èhoahzà aahjà ekò, naxıxè hoìla kò ı̨łaà naxıgha ehkw'ı-ahodı xè ı̨łaà naxınì nàtsoò aahwhǫ ı̨lè.

Hebrew 13:9

Ts'ıɂǫ̀ aahde ch'à t'asìı eładı̨ı̨ łǫ xàɂaa t'à dǫ hoghànaxegııhtǫ-le. Nǫ̀htsı̨ wesǫnıwǫ t'à godzeè nàtso nı̨dè nezı̨ hǫt'e. Ayìı ts'edèe, ayìı ts'edè-le nàowoò k'èats'ı̨ı̨t'e nahk'e nezı̨ hǫt'e. Hanıı nàowo k'èats'ı̨ı̨t'ee sìı godzeè gha wet'àaɂà nıìle.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.

1 Peter 5:12

Naxıts'ǫ̀ eehtł'è gha sèot'ı̨ Sılas sets'àı̨dì. Ededı̨ sìı t'aats'ǫǫ̀ segha nezı̨į̀ eghàlaeda hǫt'e. Naxınì nàtsoò ahłe ha eyıts'ǫ Nǫ̀htsı̨ wesǫnıwǫ k'ę̀ę̀ aahda ha dehwhǫ t'à t'asìı mǫ̀hdaa ghǫ naxıts'ǫ̀ ııhtł'è hǫt'e. Nǫ̀htsı̨ naxıts'ǫ̀ sǫnıwǫ ts'ıhɂǫ̀ t'aats'ǫǫ̀ naxınì nàtsoò aahwhǫ.

2 Peter 1:13

Įłaà sezhį̀į̀ eda ts'ǫ̀ eyı wenaahdì anaxehłe ha sìı segha ehkw'ı hǫt'e.

2 Peter 1:15

Sewhìle tł'axǫǫ̀ kò eyı hazǫǫ̀ wenaahdì gha t'aats'ǫǫ̀ naxıts'ǫ̀ gohde ha.

2 Peter 3:1

Seàgı̨ą, dıì xè nàakeè naxıts'ǫ̀ eehtł'è hǫt'e. Ayìı dàehsı̨ı̨ sìı t'aats'ǫǫ̀ wenaahdì ha dehwhǫ. Eyı nı̨htł'è nàke naxıts'ǫ̀ ahłàa sìı wet'à ehkw'ı nànıahdè aahde ha naxeehwhǫ.

2 Peter 3:17

Eyıt'à seàgı̨ą, eyı hòt'a wek'èahsǫ t'à, hotıì edexoahdı. Hanì-ı̨dè dǫ Nǫ̀htsı̨ k'èagı̨ı̨t'e-le sìı gıxè naxıdıhołè ha-le, eyıts'ǫ Nǫ̀htsı̨ edaxànaxı̨ı̨la gots'ǫ ek'èt'à anaahde ha-le.

1 John 2:21

Nàowo ehkw'ıı k'èhoahsǫ-le t'à naxıts'ǫ̀ eehtł'è nıìle, hanìkò nàowo ehkw'ıı wek'èahsǫ t'à naxıts'ǫ̀ eehtł'è hǫt'e, eyıts'ǫ hots'ets'ìı sìı nàowo ehkw'ıı gots'ǫ nıìle.

2 John 1:2

Nàowo ehkw'ıı k'ę̀ę̀ ts'eedaa sìı godzeè yìı eda hǫt'e, eyıts'ǫ welǫ whìle ts'ǫ̀ goxè wehòhɂǫ ha hǫt'e.

Jude 1:17

Hanìkò seàgı̨ą, gots'ǫ̀ K'àowo Zezì-Krı wecheekeèdeè dànì nadąą̀ gogı̨ı̨dee sìı wenaahdì.

Jude 1:3

Seàgı̨ą, dànì Nǫ̀htsı̨ edaxàgoı̨laa sìı weghǫ naxıts'ǫ̀ eehtł'è ha sıì haehwhǫ ı̨lè, hanìkò dıì nàowo ehkw'ıı k'èahdì ghǫ naxıts'ǫ̀ eehtł'è ha naxıgha wet'àaɂà hǫt'e. Nàowo ehkw'ıı sìı Nǫ̀htsı̨ wets'ǫ dǫ t'aats'ǫǫ̀ gıxè wheɂǫ gha goghàyı̨ı̨ɂǫ hǫt'e.

Jude 1:5

Nǫ̀htsı̨ edets'ǫ dǫ Egypt nèk'e gots'ǫ xàgoèwa tł'axǫǫ̀ dǫ Nǫ̀htsı̨ gıgha ehkw'ı-ahodı ha gı̨ı̨wǫ-le sìı godıhòèhtsı̨ ı̨lè. Eyı hazǫǫ̀ hòt'a wek'èahsǫ kò, wenaahdì anaxehłe ha dehwhǫ.