2 John 1:2 - Nǫ̀htsı̨ Nı̨htł'è

² Nàowo ehkw'ıı k'ę̀ę̀ ts'eedaa sìı godzeè yìı eda hǫt'e, eyıts'ǫ welǫ whìle ts'ǫ̀ goxè wehòhɂǫ ha hǫt'e.

2 John 1:2 ပူးပေါင်းရင်းမြစ်များ

John 14:16

Setà naxıgha weehkè ha, setł'axǫǫ̀ naxıts'àdıı elı̨ ha sìı naxıts'ǫ̀ ayele ha, welǫ whìle ts'ǫ̀ naxıts'ǫ̀-èlı̨ ha.

John 15:7

Sexè aahda xè seyatıì k'èahdì nı̨dè Setà ayìı weahkèe sìı naxıghàyeɂà ha.

1 Corınth 9:23

Godı nezı̨ı̨ gha eyı hazǫǫ̀ hahɂı̨ hǫt'e. Hanì-ı̨dè godı nezı̨ı̨ wet'à sexè sìghà agode ha.

2 Corınth 4:5

Goxı̨ edeghǫ gots'edeè-ats'edı-le, Zezì-Krı, t'asìı hazǫǫ̀ ts'ǫ̀ k'àowo elı̨ı̨ sìı weghǫ gots'edeè-ats'edı. Zezì wets'ıhɂǫ̀ naxıgha eghàlats'eeda hǫt'e.

Colosse 3:16

Zezì-Krı weyatıì hazǫǫ̀ naxıdzeè yìı t'aats'ǫǫ̀ wet'à goahsǫ aahda, eyıts'ǫ wet'à hoghàłaahtǫ xè nezı̨į̀ ełek'èahdì. Naxıdzeè t'à Nǫ̀htsı̨ masì weahwhǫ eyıts'ǫ shı̨ xàɂaa t'à wegha aahjı̨.

2 Tımothy 1:5

Dànì nınì ehkw'ıı t'à negha ehkw'ı-ahodıı sìı wenahdì. Netsı̨ Loıs eyıts'ǫ nemǫ Eunıce dànì Nǫ̀htsı̨ gha gınì nàtso ı̨lè lanì, nı̨ sı hanì nınì nàtso hǫt'e wek'èehsǫ.

2 Peter 1:12

Eyı hazǫǫ̀ hòt'a wek'èahsǫ xè nàowo ehkw'ıı ghǫ naxınì nàtso kò t'aats'ǫǫ̀ wenaahdì anaxehłe ha hǫt'e.

1 John 1:8

“Gohołı̨į̀ whìle,” ts'edı nı̨dè edeghǫyats'eeɂà hǫt'e, eyıts'ǫ nàowo ehkw'ıı godzeè yìı wheɂǫ nıìle.

1 John 2:14

Gotà yàahłı̨ı̨ sìı ededı̨ kèhoį̀wo gots'ǫ wehòhɂǫǫ sìı wek'èahsǫ t'à naxıts'ǫ̀ eehtł'è. Cheko yàahłı̨ı̨ sìı nàahtso xè Nǫ̀htsı̨ yatıì naxıdzeè yìı wheɂǫǫ eyıts'ǫ wehłı̨ı̨ weghǫahnǫ t'à naxıts'ǫ̀ eehtł'è.

1 John 2:17

Dıı nèè, eyıts'ǫ wenàowołı̨ı̨ hazǫǫ̀ whìle agode ha, hanìkò dǫ Nǫ̀htsı̨ wınì k'ę̀ę̀ edaa sìı welǫ whìle ts'ǫ̀ eda ha.