2 John 1:12 - Nǫ̀htsı̨ Nı̨htł'è

¹² Įłaà t'asìı łǫ ghǫ naxıts'ǫ̀ eehtł'è ha hǫt'e, hanìkò enı̨htł'è eyıts'ǫ enı̨htł'èchı̨į̀ t'à welè-le dehwhǫ. Hanìkò naxıts'àhtła ha dehwhǫ, naxıxè whıhda gà naxıts'ǫ̀ gohde ha dehwhǫ, hanì-ı̨dè ełexè sıì goınà ha hǫt'e.

2 John 1:12 ပူးပေါင်းရင်းမြစ်များ

John 15:11

Eyı naxıts'ǫ̀ haehsı̨ı̨ sìı sets'ıhɂǫ̀ naxınà gha aehsı̨, naxıdzeè t'à sıì naxınà welè.

John 16:12

“Įłaà t'asìı łǫ naxıts'ǫ̀ haehsı̨ ha dehwhǫ, hanìkò dıì eyı gha naxınì nàtso-le.

John 16:24

Dıı haı̨wa gots'ǫ̀ sıızì t'à t'asìı wı̨ı̨zìı Setà weahkè whìle hǫt'e. Eyıt'à t'asìı weahkè nı̨dè naxıghàɂà ha ne, hanì-ı̨dè sıì naxınà agode ha.

John 17:13

“Hòt'a nets'ǫ̀ ahde ha, hanìkò ı̨łaà dıı nèk'e whıhda et'ıì eyı hazǫǫ̀ ghǫ goıhde hǫt'e. Hanì-ı̨dè set'à sıì gınà ha.

John 3:29

Ts'èko honìdzaa sìı wedǫzhıì ghaelı̨ hǫt'e. Dǫ honìdaa weàgı̨ą yekaɂeèhkw'ǫ hǫt'e. Dǫ ts'ǫ̀ gode yeèhkw'ǫ nı̨dè sıì wınà hǫt'e. Eyı xèht'eè dıì hòt'a sınà hǫt'e.

Rome 15:24

Spaın nèk'e ts'ǫ̀ dehtła nı̨dè, naxık'eèhtła ha dehwhǫ. Hanì-ı̨dè whaà-lea ts'ǫ̀ naxıgà-ıhdà tł'axǫǫ̀-ı̨dè Spaın nèk'e ts'ǫ̀ ahde gha sets'àahdı ha dìì-le.

2 Tımothy 1:4

Įdì nenatì wenahdì t'à, neehɂį̀ ha dehwhǫ. Neehɂį̀ nı̨dè sıì sınà ha ne.

Phılemon 1:22

Eyıts'ǫ t'asìı ı̨łè neehkè ha, nekǫ̀ naehte ha segha sıìgoı̨le. Nǫ̀htsı̨ naxıyatıì k'èhoı̨ɂǫ nı̨dè naxıts'ǫ̀ anahde ha sǫnı dehwhǫ.

Hebrew 13:19

Whaà-le-t'ıì naxıts'ǫ̀ anahde gha hotıì segha yaahtı.

Hebrew 13:23

Gòet'ı̨ Tımothy wedaànìı̨tǫ ts'ǫ kǫèhtłaà agį̀į̀là ı̨lèe sìı wek'èahsǫ ha naxeehwhǫ. Įwhąą̀ jǫ nììtła nı̨dè wexè naxıts'àhtła ha.

1 John 1:4

Sıì goınà agoahłe gha, naxıts'ǫ̀ ts'eetł'è hǫt'e.

3 John 1:10

Eyıt'à naxıts'ǫ̀ nèehtła nı̨dè dànì k'ehoɂa xè yatıjıı t'à goghǫ godee sìı ghǫ naxıts'ǫ̀ gohde ha. Hanì k'ehoɂa wegha hòt'a-le t'à, gots'ǫ dǫ ekǫ aget'ı̨ ha goı̨hwhǫ-le. Dǫ hagı̨ı̨wǫǫ sìı haget'ı̨ ha-le gòhdı xè Nǫ̀htsı̨ wecheekeè gıta gots'ǫ nagoèhɂà.