2 Corınth 9:2 - Nǫ̀htsı̨ Nı̨htł'è

² Dǫ degaı gıts'àahdı ha hòtł'ò aahwhǫ hǫt'e wek'èehsǫ. Macedonıa nèk'e Nǫ̀htsı̨ cheekeè nàgedèe sìı naxıghǫ gıts'ǫ̀ xàdahohdì ı̨lè. Įdìı xok'e naxı̨ Achaıa nèk'e nàahdèe sìı sǫǫ̀mba t'à dǫ degaı ts'àahdı ha dahwhǫ hǫt'e gèehsı̨ ı̨lè. Naxınà hanì eghàlaahda t'à Macedonıa got'ı̨į̀ ededı̨ sı sǫǫ̀mba ełègį̀ı̨la.

2 Corınth 9:2 ပူးပေါင်းရင်းမြစ်များ

Zezì Wecheekeèdeè 18:12

Achaıa nèk'e Gallıyo k'àowo elı̨ ekò Israel got'ı̨į̀ ełets'àdageedı t'à Paul wesınìyaetıì agı̨į̀là.

Zezì Wecheekeèdeè 24:17

“Łǫ xo tł'axǫǫ̀ Jerusalem ts'ǫ̀ anahjà. Sèot'ı̨ Zezì wenàowoò k'ę̀ę̀ geedaa sìı sǫǫ̀mba gıtł'aehłe ha ekǫ anahjà. Eyı sǫǫ̀mba sìı dǫ-teèt'ı̨ı̨ gını nàdèe sìı gıgha hǫt'e, eyıts'ǫ Nǫ̀htsı̨ wets'ǫ̀ t'asìı k'eehk'ǫ̀ ha jǫ nǫǫ̀whıhtła hǫt'e.

Rome 15:26

Macedonıa nèk'e eyıts'ǫ Achaıa nèk'e ekǫ gòet'ı̨ agı̨ı̨t'ee sìı Nǫ̀htsı̨ wets'ǫ dǫ etegeèt'ı̨ı̨ Jerusalem nàgedèe sìı gogha sǫǫ̀mba ełègį̀ı̨la.

1 Corınth 16:15

Stephanas eyıts'ǫ dǫ wekǫ̀ nàgedèe sìı Achaıa nèk'e gogha t'akwełǫ̀ǫ̀ gots'ǫ̀ K'àowo ghàdegį̀ı̨laa sìı wek'èahsǫ hǫt'e. T'aats'ǫǫ̀ Nǫ̀htsı̨ wets'ǫ dǫ gha eghàlagı̨ı̨dà hǫt'e. Sèot'ı̨ı̨, dǫ hanıı sìı gık'èaht'e, eyıts'ǫ dǫ hazǫǫ̀ Nǫ̀htsı̨ gha hòtł'ò eghàlageedaa sìı gık'èaht'e.

2 Corınth 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Gòet'ı̨ Tımothy wexè kǫ̀ta Corınth Nǫ̀htsı̨ wecheekeè nàgedèe sìı gıts'ǫ̀ eehtł'è, eyıts'ǫ Achaıa nèk'e Nǫ̀htsı̨ wets'ǫ dǫ hazǫǫ̀ nàgedèe sìı gıts'ǫ̀ ts'eetł'è.

2 Corınth 7:14

Wets'ǫ̀ naxıghǫ xàdahohdì ı̨lè, eyıts'ǫ naxıghǫ į̀į̀zhaehłı̨-le asèahłà. T'asìı hazǫǫ̀ naxıts'ǫ̀ hats'edıı sìı ehkw'ı zǫ hǫt'e, eyı xèht'eè Tıtus ts'ǫ̀ naxıghǫ xàdahots'edìı sìı eyı sı ehkw'ı hǫt'e wek'èhoedzǫǫ̀ ajà.

2 Corınth 7:4

Sıì naxıghǫ ehkw'ı aahwhǫ hǫt'e eyıts'ǫ naxıghǫ xàhohdì. Naxıts'ıhɂǫ̀ sınì nàtsoò ajà. Gogha hoìla łǫ kò sıì sınà hǫt'e.

2 Corınth 8:10

Ayìı naxıgha denahk'e nezı̨ı̨ sìı gha yatı naxıghàehɂà ha. Įdìı xok'e naxı̨ t'akwełǫ̀ǫ̀ Nǫ̀htsı̨ wets'ǫ dǫ sǫǫ̀mba t'à gıts'àahdı ı̨lè, eyı zǫ nıìle, naxı̨ t'akwełǫ̀ǫ̀ hanì eghàlaahda ha ghǫ hòtł'ò dahwhǫ ı̨lè.

2 Corınth 8:11

Eyı la dıì weghǫ naaht'è ts'ǫ̀ weghàlaahda. Hanì-ı̨dè naxınì nezı̨ı̨ k'ę̀ę̀ dahwhǫ ı̨lèe sìı wexèht'eè deghàà weghàlaahdà. Eyıt'à ayìı dàtłǫ naxıts'ǫ sìı weghàà dǫ ts'àahdı.

2 Corınth 8:19

Eyı zǫǫ̀-le, sǫǫ̀mba dǫ degaı ts'ǫ̀ ts'ewa gha goxè ade ha Nǫ̀htsı̨ wecheekeè eyı dǫ gį̀į̀hchì hǫt'e. Eyı sǫǫ̀mba gıghàts'ewa ha sìı, wet'à Nǫ̀htsı̨ ghàsǫhoedı eyıts'ǫ sıì gıts'àts'edı ha ts'ı̨ı̨wǫǫ sìı gık'èezǫ gha ats'et'ı̨.

2 Corınth 8:24

Eyıt'à eyı dǫ taı gıghǫnıahtǫǫ sìı gık'èezǫǫ̀ agıahłe, eyıts'ǫ ayìı ghǫ naxıghǫ xàhots'edìı sìı wek'ę̀ę̀ ehkw'ı eghàlaahda. Hanì-ı̨dè Nǫ̀htsı̨ wecheekeè hazǫǫ̀ gık'èezǫ ha.

2 Corınth 8:8

Eyı haahłe ha dehsı̨į̀-aehsı̨-le, hanìkò naxeèhdzà aht'ı̨. Dànì dǫ eyıì-le Nǫ̀htsı̨ wets'ǫ dǫ ghǫnegeètǫǫ sìı asį̀į̀ gıxèht'eè hòtł'ò gıghǫnıahtǫ gha naxeèhdzà aht'ı̨.

1 Thessalonıca 1:7

Eyıt'à Macedonıa nèk'e eyıts'ǫ Achaıa nèk'e dǫ gıgha ehkw'ı-ahodıı nàgedèe sìı hazǫǫ̀ naxıxègeɂı̨į̀ agejà.

Hebrew 10:24

Eyıts'ǫ ełeghǫnets'eètǫ gha eyıts'ǫ ełets'ǫ̀ nezı̨į̀ eghàlats'eeda gha godzeè nàtsoò ats'ııle.