2 Corınth 7:8 - Nǫ̀htsı̨ Nı̨htł'è

⁸ Naxıts'ǫ̀ ııhtł'èe t'à naxıdzeè etseè ahłà sǫnı kò wek'eehłı̨-le. T'akwełǫ̀ǫ̀ wek'eehłı̨ ı̨lè, naxıts'ǫ̀ eehtł'è t'à naxıdzeè etseè ahłà t'à, hanìkò whaà-lea ts'ǫ̀ zǫ naxıdzeè etse hǫt'e.

2 Corınth 7:8 ပူးပေါင်းရင်းမြစ်များ

John 16:6

Eyı naxıts'ǫ̀ haehsı̨ t'à sıì naxıgha dìì agòjà.

John 21:17

K'achı̨ taı t'à Zezì yets'ǫ̀ hadı, “John weza Sımon, seghǫneę̀tǫ nì?” yèhdı. Peter, Zezì taà-eht'aà hayèhdı t'à wegha dìì agòjà. Peter hayèhdı, “Sets'ǫ̀ K'àowo t'asìı hazǫǫ̀ k'èı̨zǫ ne, neghǫneehtǫ sek'èı̨zǫ hǫt'e,” yèhdı. Zezì yets'ǫ̀ hadı, “Sesahzǫ̀ą gıwàı̨dı.

2 Corınth 7:11

Nǫ̀htsı̨ wınì k'ę̀ę̀ naxıdzeè etse t'à eładı̨į̀ aahjàa sìı wedaànıahdè. Dıì wet'à Nǫ̀htsı̨ gha naxınì nàtsoò ajà, hołı̨ı̨ nàowoò wedę ha dahwhǫǫ̀ aahjà, dǫ hołı̨ı̨ hogehtsı̨ nı̨dè naxık'èch'a hǫt'e, wet'à dajıahdeè laahjà, eyı ts'ıhɂǫ̀ seahɂį̀ ha dahwhǫ, wet'à sedaànıahdè aahjà, t'asìı hazǫǫ̀ ekǫ-le sìı ı̨whąą̀ wesınìyaetı ha dahwhǫ. Eyı hazǫǫ̀ hołı̨ı̨ k'ę̀ę̀ k'ehokw'oo sìı naxı̨ naxıxè agot'ı̨ nıìle naxık'èedzǫǫ̀ aahłà hǫt'e.

2 Corınth 7:12

Naxıts'ǫ̀ ııhtł'è ekò, dǫ ekǫ-le hòèhtsı̨ı̨ hanì-le-ı̨dè dǫ wets'ǫ̀ ekǫ-le eghàlaeda ts'ıhɂǫ̀ naxıts'ǫ̀ ııhtł'è nıìle. Hanìkò Nǫ̀htsı̨ wenadąą̀ dànì naxıdzeè t'à goghǫnıahtǫǫ sìı wek'èahsǫ ha dehwhǫ t'à, naxıts'ǫ̀ ııhtł'è hǫt'e.

2 Corınth 7:6

Hanìkò dǫ gıxè hoìlaa sìı Nǫ̀htsı̨ gıdzeè t'à nàtsoò agohɂį̀ hǫt'e. Tıtus gots'ǫ̀ nììtła t'à Nǫ̀htsı̨ godzeè nàtsoò ayį̀į̀là hǫt'e.

2 Corınth 7:7

Ededı̨ gots'àèhtła zǫ t'à godzeè nàtsoò ajà nıìle, naxı̨ sı wedzeè nàtsoò awèahłà t'à godzeè nàtsoò adlà hǫt'e. Naxıdzeè t'à seahɂį̀ ha dahwhǫ, dànì ts'ǫǫ̀dahwhǫ, eyıts'ǫ dànì sıì seghǫ nànıahdèe sìı ghǫ goxè goado. Eyıt'à sıì denahk'e sınà hǫt'e.

2 Corınth 7:9

Eyıt'à dıì sınà hǫt'e. Naxıdzeè etse t'à sınà nıìle, hanìkò naxıdzeè etse t'à edek'eahłı̨ xè naxınì ładı̨į̀ aahłà t'à sınà hǫt'e. Nǫ̀htsı̨ hanì edek'eahłı̨ naxı̨ı̨hwhǫ hǫt'e, eyıt'à goxı̨ dànaxèts'edıı t'à naxınì tsį̀ts'ı̨ı̨hwho nıìle.

John Wenazhıı 3:19

“T'aa gıghǫneehtǫǫ sìı hołı̨ı̨ hogehtsı̨ nı̨dè nàgeehɂǫ xè nezı̨į̀ geeda gha hoghàgeehtǫ hǫt'e. Eyıt'à ehkw'ı nànıahdè xè edek'eahłı̨.