2 Corınth 7:5 - Nǫ̀htsı̨ Nı̨htł'è

⁵ Macedonıa nèk'e nèts'ı̨ı̨de ekò, goxè ts'èwhı̨į̀ gòı̨ɂà-le. T'aats'ǫǫ̀ goxè hoìla k'ehokw'o t'à godzeè dejı̨ ı̨lè.

2 Corınth 7:5 ပူးပေါင်းရင်းမြစ်များ

Dànì Kèhoį̀wo 8:9

Hanìkò ı̨łaà dèè k'e tı łǫ t'à k'àba t'asìı k'e nàwo ha wegha gǫ̀hłı̨-le t'à elàcho ts'ǫ̀ naèht'o. Noah yets'ǫ̀ dadıìtso gà elàcho yìı nayaachì.

Zezì Wecheekeèdeè 20:1

Nàdahoowo ghǫnahǫ̀t'e tł'axǫǫ̀ Paul Nǫ̀htsı̨ wecheekeè gokàehɂà. Gınì nàtso ha nezı̨į̀ gots'ǫ̀ goı̨de tł'axǫǫ̀ Macedonıa nèk'e ts'ǫ̀ ajà.

Rome 15:26

Macedonıa nèk'e eyıts'ǫ Achaıa nèk'e ekǫ gòet'ı̨ agı̨ı̨t'ee sìı Nǫ̀htsı̨ wets'ǫ dǫ etegeèt'ı̨ı̨ Jerusalem nàgedèe sìı gogha sǫǫ̀mba ełègį̀ı̨la.

1 Corınth 15:31

Sèot'ı̨ı̨, dzę taàt'eè seweè hołè ha lanì. Ehkw'ı anaxèehsı̨, Zezì-Krı naxıgha ehkw'ı-ahodı t'à naxıghǫ sıì sınà hǫt'e.

1 Corınth 16:5

Macedonıa nèk'e gok'eèhtła tł'axǫǫ̀ nı̨dè naxıts'àhtła ha.

2 Corınth 2:13

Hanìkò sèot'ı̨ Tıtus ekǫ wegòhɂǫ-le t'à sıì weghǫ nanıhwhǫ ı̨lè, eyıt'à ekǫ dǫ masì gèehsı̨ tł'axǫǫ̀ Macedonıa nèk'e ts'ǫ̀et'ıì ahjà.

2 Corınth 2:3

Eyıt'à hanì naxıts'ǫ̀ ııtł'è ı̨lè. Hanì-ı̨dè naxıts'àwhıhtła nı̨dè naxı̨ sınà aseahłe ha ı̨lèe sìı ts'ǫǫ̀dehwhǫǫ̀ aseahłe ha-le ı̨lè. Hazǫǫ̀ sexè naxınà ha dahwhǫ ne hotıì wek'èehsǫ.

2 Corınth 2:9

Naxeehdzà ha dehwhǫ t'à hanì naxıts'ǫ̀ ııhtł'è. Dànì t'asìı hazǫǫ̀ weghàlaahda ha naxèehsı̨ı̨ sìı asį̀į̀ hazǫǫ̀ wek'èaht'e lì dehwhǫ t'à ahłà.

Galatıa 4:11

Naxıta k'ètł'ǫ̀ eghàlaıhdà sǫnı dehwhǫ t'à sıì naxıghǫ nànıhwho hǫt'e.

1 Thessalonıca 3:5

Eyı ts'ıhɂǫ̀ sıì naxıghǫ nànıhwho t'à, Tımothy naxıts'ǫ̀ wııhɂà hǫt'e. Ayìı naxıgha ehkw'ı-ahodıı sìı asį̀į̀ ı̨łaà wet'à nàahtso, wek'èehsǫ ha dehwhǫ t'à awèhłà. Edahxǫ t'asìı t'à wehłı̨ı̨ naxeèhdzà ha sǫnı dehwhǫ t'à, eyıts'ǫ dànì naxıgha hòtł'ò eghàlats'ı̨ı̨dàa sìı ekìı k'ètł'ǫ̀ ade ha sǫnı dehwhǫ t'à sıì naxıghǫ nànıhwho ı̨lè.