2 Corınth 7:2 - Nǫ̀htsı̨ Nı̨htł'è

² Naxıdzeè yìı gogha gòɂǫǫ̀ aahłe. Dǫ wı̨ı̨zìı k'èch'a hots'èhtsı̨ whìle, dǫ wı̨ı̨zìı ekǫ-le eghàlaı̨dà ats'ı̨ı̨là whìle, eyıts'ǫ dǫ t'à edegha sìghà k'ehots'ı̨ı̨ɂa whìle.

2 Corınth 7:2 ပူးပေါင်းရင်းမြစ်များ

Matthew 10:14

Dǫ naxıgı̨ı̨wǫ-le xè naxıgeèhkw'ǫ-le nı̨dè, naahdè kwe gıkǫ̀ta gots'ǫ ehtł'è naxıkè-tł'a whìle aahłe (hanì-ı̨dè weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha).

Matthew 10:40

“Dǫ naxıgı̨ı̨wǫǫ sìı sı̨ segı̨ı̨wǫ hǫt'e eyıts'ǫ dǫ segı̨ı̨wǫǫ sìı amìı sı̨ı̨hɂàa sìı gı̨ı̨wǫ hǫt'e.

Luke 10:8

“Kǫ̀ta nìahdèe sìı dǫ edekǫ̀ ts'ǫ̀ anaxegį̀į̀là nı̨dè ayìı naxıghàgeedıı sìı weghǫ shèahzhe.

Zezì Wecheekeèdeè 20:33

Dǫ wı̨ı̨zìı wesǫǫ̀mbaà eyıts'ǫ wegoht'ǫǫ̀ gha aht'ı̨ nıìle.

Rome 16:18

Hanıı dǫ sìı gots'ǫ̀ K'àowo Zezì-Krı gha eghàlageeda nıìle, hanìkò edek'ę̀ę̀ zǫ eghàlageedà aget'ı̨. Nezı̨į̀ gogede xè dǫ ghǫ nezı̨į̀ agedı t'à, nàhotì-le dǫ gha ehkw'ı agedıı sìı goghǫyageeɂà aget'ı̨ hǫt'e.

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

2 Corınth 11:16

K'achı̨ haehsı̨ ha: Dǫ wı̨ı̨zìı gǫǫzǫ-le aht'e sı̨ı̨hwhǫ welè sǫ̀ǫ̀. Hanì nànıahdè nı̨dè dǫ gǫǫzǫ-le gode lanì seàhkw'ǫ, hanì-ı̨dè yaazea xàdahohdì ha dìì-le.

2 Corınth 11:9

Naxıta aeht'è ekò, t'asìı segha whìle kò t'asìı naxeehkè t'à naxıgha hoezhì ahłà whìle. Nǫ̀htsı̨ wets'ǫ dǫ Macedonıa nèk'e gots'ǫ nègı̨ı̨dee sìı ayìı segha whìle sìı seghàgı̨ı̨la hǫt'e. Sets'àahdı t'à naxıgha t'asìı whìle ha dehwhǫ-le, ı̨łaà naxıts'ǫ̀ hanì ehda ha dehwhǫ hǫt'e.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

Phılıppı 2:29

Gots'ǫ̀ K'àowo wedahxà nezı̨į̀ wets'ǫ̀ naahɂa eyıts'ǫ weghǫ sıì naxınà welè. Hanıı dǫ sìı sıì dǫ wèaht'ı̨ ha hǫt'e.

Colosse 4:10

Arıstarchus jǫ sexè dǫ-danìı̨laa-kǫ̀ wheda eyıts'ǫ Mark, Barnabas wèot'ı̨, “Naxıxè sìghà welè,” naxègedı. (Mark wets'ǫ̀ dànì k'ehoahɂa ha sìı eyı ghǫ hòt'a yatı naxıts'ǫ̀ ats'ı̨ı̨là ı̨lè. Naxıts'ǫ̀ nììtła nı̨dè, nezı̨į̀ wets'ǫ̀ naahɂa.)

1 Thessalonıca 2:10

Naxı̨ naxıgha ehkw'ı-ahodıı sìı dànì naxıta nàts'ı̨ı̨dè ghàà gok'èahsǫ eyıts'ǫ Nǫ̀htsı̨ sı yek'èezǫ hǫt'e. Degaı k'ę̀ę̀ ts'ı̨ı̨dàa, ehkw'ı k'ehots'ı̨ı̨ɂaa, eyıts'ǫ dǫ wı̨ı̨zìı t'asìı gok'e nìdahogį̀ı̨ɂǫ whìle.

Phılemon 1:12

Sedzeè t'à segha dìì kò nets'ǫ̀ naweehɂà ha.

Phılemon 1:17

Eyıt'à ełexè gots'ǫ̀ K'àowo gha eghàlawìda awììt'e seneehwhǫ nı̨dè, sı̨ negà goyaehtła lanì negà goyaetłaà awı̨ı̨le nǫǫ̀.

2 John 1:10

Dǫ t'alàa-sìı Zezì wegodıì k'èdì-le xè ekǫ-le hoghànaxeehtǫ nı̨dè naxıkǫ̀ goyaetła aweahłe-le, eyıts'ǫ naxıxè nàwedè-le.