2 Corınth 5:4 - Nǫ̀htsı̨ Nı̨htł'è

⁴ Įłaà dıı nèk'e nı̨hbàa yìı ts'eeda et'ıì godzeè etse xè dats'ı̨ı̨ɂa hǫt'e. Etets'eèt'ı̨ ha ts'ı̨ı̨wǫ-le, hanìkò yak'e gokǫ̀ yìı nàts'edè ha ts'ı̨ı̨wǫ. Gozhį̀į̀ ełaàwıı sìı gozhį̀į̀ welǫ whìle ts'ǫ̀ eda ts'ǫ̀ łatats'eedè ha ts'ı̨ı̨wǫ.

2 Corınth 5:4 ပူးပေါင်းရင်းမြစ်များ

Rome 8:23

T'asìı hòèlı̨ı̨ zǫ hanì dagı̨ı̨ɂa nıìle, goxı̨ sı Yedàyeh Nezı̨ı̨ hòt'a goyìı eghàlaeda ats'ı̨ı̨t'ee sìı godzeè t'à hǫts'eetse hǫt'e. Łǫ̀ǫ̀ Nǫ̀htsı̨ weza ts'ı̨ı̨lı̨ ha gòìhchı ha, eyıts'ǫ gozhį̀į̀ deghàà edaxàzhe ha wekanıts'eèɂà xè wek'enats'eèhɂı̨.

1 Corınth 15:51

Seàhkw'ǫ, yatı dǫ gha deɂı̨į̀ wheɂǫǫ sìı naxıdaehsı̨ ha: Hazǫǫ̀ ełaàts'ıde ha nıìle, hanìkò hazǫǫ̀ eładı̨į̀ ats'ede ha hǫt'e.

2 Corınth 5:2

Hanìkò ı̨łaà dıı nèk'e ts'eeda et'ıì godzeè etse, yak'e gokǫ̀ yìı nàts'edè ha ts'ı̨ı̨wǫ t'à.

2 Corınth 5:3

Gokǫ̀ yìı nàts'edè nı̨dè goht'ǫ yìı ts'eèhkw'e lanì ha, hanì-ı̨dè ı̨ht'edę gògaat'ı̨ ha-le.

2 Peter 1:13

Įłaà sezhį̀į̀ eda ts'ǫ̀ eyı wenaahdì anaxehłe ha sìı segha ehkw'ı hǫt'e.