2 Corınth 4:9 - Nǫ̀htsı̨ Nı̨htł'è

⁹ dǫ dagogį̀ı̨hɂa hanìkò Nǫ̀htsı̨ ɂǫ̀goehdè whìle, dèè k'e ts'ǫ̀ gogeèhde hanìkò godıhogèhtsı̨ whìle.

2 Corınth 4:9 ပူးပေါင်းရင်းမြစ်များ

John 15:20

Dıı yatı naxıts'ǫ̀ xàyaehtıı sìı wenaahdì, ‘Dǫ wı̨ı̨zìı edets'ǫ k'àowo nahk'e elı̨ nıìle.’ Sı̨ dasegį̀ı̨hɂa nı̨dè naxı̨ sı danaxegį̀ı̨hɂa ha hǫt'e. Seyatıì k'èagı̨ı̨t'e nı̨dè naxı̨ sı naxıyatıì k'èagı̨ı̨t'e ha hǫt'e.

Rome 8:35

Zezì-Krı goghǫneètǫǫ sìı amìı eyı ch'à ı̨łak'aà agole ha? Dǫ wı̨ı̨zìı-le! Gogha hoìla nı̨dè, gogha hoezhì nı̨dè, dats'ı̨ı̨ɂa nı̨dè, bò whìle nı̨dè, gogha goht'ǫ whìle nı̨dè, gogha hoejı̨ nı̨dè, dǫ ełaàgòhde ha gı̨ı̨wǫ nı̨dè, asį̀į̀ eyı hazǫǫ̀ t'à Zezì goghǫneètǫ ch'à agogele ha? Į̀le ne!

2 Corınth 7:6

Hanìkò dǫ gıxè hoìlaa sìı Nǫ̀htsı̨ gıdzeè t'à nàtsoò agohɂį̀ hǫt'e. Tıtus gots'ǫ̀ nììtła t'à Nǫ̀htsı̨ godzeè nàtsoò ayį̀į̀là hǫt'e.

2 Tımothy 3:12

Amìı Zezì-Krı wedahxà Nǫ̀htsı̨ wınì k'ę̀ę̀ ehda ha nıwǫǫ sìı dagı̨ı̨ɂaà agedle ha wek'èts'eezǫ hǫt'e.

Hebrew 13:5

Sǫǫ̀mba ghaahwhı ch'à edek'èahdì, eyıts'ǫ ayìı naxıts'ǫ sìı wet'à naxınà welè. Nǫ̀htsı̨ dıı hadı t'à, “Naxıts'ǫǫ̀ ahde hǫı̨lı̨ ha nıìle, ɂǫ̀naxeehdè hǫı̨lı̨ ha nıìle,” hadı, dek'eèhtł'è.