2 Corınth 3:4 - Nǫ̀htsı̨ Nı̨htł'è

⁴ Eyı weghǫ sìı Zezì-Krı wets'ıhɂǫ̀ Nǫ̀htsı̨ wenadąą̀ hotıì ehkw'ı-ahodı ts'ı̨ı̨wǫ hǫt'e.

2 Corınth 3:4 ပူးပေါင်းရင်းမြစ်များ

2 Corınth 2:14

Hanìkò Nǫ̀htsı̨ sìı masì wets'ı̨ı̨hwhǫ hǫt'e, ededı̨ t'aats'ǫǫ̀ Zezì-Krı wexè k'egohɂı̨. Zezì-Krı edegha dǫ dèhnǫǫ ats'ı̨ı̨t'e t'à, dǫ hazǫǫ̀ gınadąą̀ enıìyah xè wek'èts'adè hǫt'e. Hazǫǫ̀ nèk'e k'ets'edèe sìı goxı̨ got'à dǫ Zezì-Krı k'ègeezǫǫ̀ agohɂı̨, t'asìı łekǫǫ łedìı lats'ı̨ı̨t'eè agǫ̀ǫ̀là hǫt'e.

Ephesus 3:12

Zezì-Krı wet'ǫ̀ǫ̀ eyıts'ǫ gogha ehkw'ı-ahodı t'à edèdats'eedı-le Nǫ̀htsı̨ ts'ǫ̀ ats'ede ha dìì-le agòjà.

Phılıppı 1:6

Hotıì dıı wek'èehsǫ: Nǫ̀htsı̨ naxıdzeè yìı la nechàa kèhoį̀hwhoo sìı Zezì-Krı nǫ̀ǫtłaa dzęę̀ k'e ts'ǫ̀ yeghàlaeda ha, eyıts'ǫ ekò-ı̨dè deghàà ayele ha hǫt'e.

1 Thessalonıca 1:8

Dànì aahda ts'ıhɂǫ̀ gots'ǫ̀ K'àowo wegodıì Macedonıa eyıts'ǫ Achaıa nèk'e ts'ǫ̀ ajà. Ekǫ zǫǫ̀-le, dànì Nǫ̀htsı̨ naxıgha ehkw'ı-ahodıı sìı hazǫǫ̀ nèk'e ts'ǫ̀ wek'èhoedzǫǫ̀ ajà. Eyıt'à naxıghǫ xàyats'ehtı-le kò.