2 Corınth 3:2 - Nǫ̀htsı̨ Nı̨htł'è

² Naxı̨ gonı̨htł'è laaht'e, godzeè k'e dek'enaxèehtł'è, dǫ hazǫǫ̀ gık'èezǫ xè gık'eyahtı hǫt'e.

2 Corınth 3:2 ပူးပေါင်းရင်းမြစ်များ

Rome 1:8

T'akwełǫ̀ǫ̀ dıı haehsı̨ ha dehwhǫ: dıı nèk'e dǫ hazǫǫ̀ ts'ǫ̀ dǫ naxıgha ehkw'ı-ahodı ghǫ gogede t'à Zezì-Krı wedahxà naxıgha Senǫ̀htsı̨ masì weehwhǫ hǫt'e.

1 Corınth 3:10

Nǫ̀htsı̨ sets'ǫ̀ wedzeè sǫnıwǫ t'à la seghàı̨ɂǫ: dǫ la k'èezǫǫ lanì eghàlaehda t'à yìetł'aà nìıhtǫ, eyıts'ǫ dǫ eyıì-le yek'e kǫ̀ gòhtsı̨. Hanìkò dǫ gıtaàt'eè dànì kǫ̀ gogehtsı̨ı̨ sìı hotıì gıxoehdı ha hǫt'e.

2 Corınth 11:11

Dànìghǫ sets'àahdı ha naxeehwhǫ-le dahwhǫ sǫnaà? Naxıghǫneehtǫ-le t'à aht'e nıìle. Dànì naxıghǫneehtǫǫ sìı Nǫ̀htsı̨ yek'èezǫ hǫt'e!

2 Corınth 12:15

Eyıt'à t'asìı hazǫǫ̀ sets'ǫ sìı naxıts'ǫ̀ wek'ehoehwhı gha sınà, eyıts'ǫ naxıghàdèehtè gha sınà hǫt'e. Denahk'e naxıghǫneehtǫ nı̨dè dek'aɂį̀ seghǫnıahtǫ ha nì?

2 Corınth 3:1

Eyıt'à edeghǫ xàdahots'edì ats'edı dahwhǫ nì? Dǫ mǫ̀hdaa hoghànaxegeehtǫ ha gı̨ı̨wǫ nı̨dè, dǫ dàhòt'ı̨ı̨ agı̨ı̨t'e ghǫ enı̨htł'è edexè k'egehchı ha dahwhǫ. Goxı̨ sı hanıı nı̨htł'è naxıts'ǫ̀ k'ets'ehchı ha dahwhǫ nì? Hanì-le-ı̨dè hanıı enı̨htł'è goghàahɂà ha dahwhǫ nì?

2 Corınth 7:3

Eyı hanì naxıts'ǫ̀ gohdee sìı naxısınìyaehtıì aehsı̨-le. Godzeè t'à naxıghǫnets'eètǫǫ sìı naxıts'ǫ̀ haehsı̨ ı̨lè, eyıt'à naxıxè ts'eeda eyıts'ǫ naxıxè ełaàts'ede gha ts'eèhkw'e hǫt'e.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

1 Thessalonıca 1:8

Dànì aahda ts'ıhɂǫ̀ gots'ǫ̀ K'àowo wegodıì Macedonıa eyıts'ǫ Achaıa nèk'e ts'ǫ̀ ajà. Ekǫ zǫǫ̀-le, dànì Nǫ̀htsı̨ naxıgha ehkw'ı-ahodıı sìı hazǫǫ̀ nèk'e ts'ǫ̀ wek'èhoedzǫǫ̀ ajà. Eyıt'à naxıghǫ xàyats'ehtı-le kò.