2 Corınth 11:9 - Nǫ̀htsı̨ Nı̨htł'è

⁹ Naxıta aeht'è ekò, t'asìı segha whìle kò t'asìı naxeehkè t'à naxıgha hoezhì ahłà whìle. Nǫ̀htsı̨ wets'ǫ dǫ Macedonıa nèk'e gots'ǫ nègı̨ı̨dee sìı ayìı segha whìle sìı seghàgı̨ı̨la hǫt'e. Sets'àahdı t'à naxıgha t'asìı whìle ha dehwhǫ-le, ı̨łaà naxıts'ǫ̀ hanì ehda ha dehwhǫ hǫt'e.

2 Corınth 11:9 ပူးပေါင်းရင်းမြစ်များ

Zezì Wecheekeèdeè 18:3

Paul, goxèht'eè nı̨hbàa-ehtsı̨ı̨-dǫǫ̀ elı̨ t'à goxè nàı̨dè eyıts'ǫ goxè eghàlaı̨dà.

Zezì Wecheekeèdeè 18:5

Sılas eyıts'ǫ Tımothy Macedonıa nèk'e gots'ǫ eyı nègı̨ı̨de ekò Paul dǫ hoghàehtǫǫ zǫ ts'ǫ̀-èlı̨ adììdlà. Israel got'ı̨į̀ ts'ǫ̀ gode, hadı, “Zezì Chrıst hǫt'e,” gòhdı.

Zezì Wecheekeèdeè 20:33

Dǫ wı̨ı̨zìı wesǫǫ̀mbaà eyıts'ǫ wegoht'ǫǫ̀ gha aht'ı̨ nıìle.

Rome 15:26

Macedonıa nèk'e eyıts'ǫ Achaıa nèk'e ekǫ gòet'ı̨ agı̨ı̨t'ee sìı Nǫ̀htsı̨ wets'ǫ dǫ etegeèt'ı̨ı̨ Jerusalem nàgedèe sìı gogha sǫǫ̀mba ełègį̀ı̨la.

1 Corınth 16:17

Stephanas, Fortunatus eyıts'ǫ Achıyus gots'ǫ̀ nègı̨ı̨de ekò sıì sınà ı̨lè. Naxıghaehwho ı̨lè t'à naxıts'ǫ dǫ sets'ǫ̀ nègı̨ı̨dee sìı sınà agòjà.

2 Corınth 6:4

Hanìkò t'asìı hazǫǫ̀ ghàlats'eeda weghàà Nǫ̀htsı̨ xàè wecheekeè ats'ı̨ı̨t'ee sìı dǫ gık'èezǫ ha: dànì ts'èwhı̨į̀ dats'ı̨ı̨ɂa t'à, dànì goxè hoìla łǫ t'à, dànì gogha dìì agot'į̀ t'à, dànì goxè hoejı̨ k'ehokw'o t'à;

2 Corınth 9:12

Eyı hanì eghàlaahdàa sìı Nǫ̀htsı̨ wets'ǫ dǫ t'asìı gıt'à edaa zǫ gıghàahłe nıìle, hanìkò eyı haahłà t'à dǫ łǫ masì gı̨ı̨wǫ xè deɂǫ̀ǫ̀ Nǫ̀htsı̨ ghàsǫgeedı hǫt'e.

Phılıppı 2:25

Dıì gogha sìı Epaphrodıtus naxıts'ǫ̀ anahłe ha dehwhǫ. Sèot'ı̨ hǫt'e, sexè eghàlaeda eyıts'ǫ sexè godı nezı̨ı̨ ts'àdaedı hǫt'e. Ededı̨ sìı naxıgodıì sets'ǫ̀ nèyı̨ı̨ɂǫ, eyıts'ǫ ayìı segha whìle sìı t'à sets'àdı gha sets'ǫ̀ weahɂà ı̨lè.

1 Thessalonıca 2:6

Naxı̨ eyıts'ǫ dǫ eyıì-le goghǫ nezı̨į̀ gogede ha ts'ı̨ı̨wǫ t'à ats'et'ı̨ nıìle. Zezì-Krı wecheekeèdeè ats'ı̨ı̨t'e t'à naxıgha hoezhì ats'ele ha ı̨lè,

1 Thessalonıca 2:9

Sèot'ı̨ı̨, dànì hòtł'ò eghàlats'ı̨ı̨dà xè gogha hoìla ı̨lèe sìı wenaahdì sǫnı. Nǫ̀htsı̨ wegodıì nezı̨ı̨ t'à naxıts'ǫ̀ gots'ı̨ı̨de ekò, t'asìı t'à gots'àahdı ha-le naxets'ı̨ı̨hwhǫ t'à toò, dzęę̀, ehk'ę̀ę̀ hòtł'ò eghàlats'ı̨ı̨dà ı̨lè.

Hebrew 11:37

Mǫ̀hdaa kwe t'à gogııhshì t'à ełaàgı̨ı̨dè, mǫ̀hdaa tanı ts'ǫ̀ tàgogeet'à, mǫ̀hdaa behcho t'à ełaàgogehde. Mǫ̀hdaa sahzǫ̀ąwò t'à-aget'ı̨ xè k'egedè, etegeèt'ı̨, tsį̀gogį̀ı̨hɂa eyıts'ǫ dagogį̀ı̨hɂa.