1 Tımothy 6:4 - Nǫ̀htsı̨ Nı̨htł'è

⁴ xàhodì xè t'asìı wı̨ı̨zìı nıedì-le hǫt'e. Yatı ghǫ dǫ ełek'ę̀ę̀ agı̨ı̨wǫ-le xè ełets'ǫ̀ nàyagehtıì agohɂı̨ ghaewı t'à wınì nezı̨-le. Eyıt'à dǫ ełeghǫ ts'ohogeedıì agohɂı̨, ełek'èch'a geedaa, yatıjıı t'à ełeghǫ gogedee, eyıts'ǫ hołı̨ı̨ t'à ełeghǫ nànıgedè agohɂı̨.

1 Tımothy 6:4 ပူးပေါင်းရင်းမြစ်များ

Zezì Wecheekeèdeè 15:2

Eyı hagedıı sìı Paul eyıts'ǫ Barnabas gha ehkw'ı agedı-le t'à eyı ghǫ sıì gots'ǫ̀ nàyagı̨ı̨htı. Eyı nàowo ghǫ Zezì wecheekeèdeè eyıts'ǫ k'aodèe gı̨ı̨lı̨ı̨ sìı dagogeehke ha t'à Paul, Barnabas eyıts'ǫ dǫ gıgha ehkw'ı-ahodıı mǫ̀hdaa kǫ̀ta Jerusalem ts'ǫ̀ agogele ha gogį̀į̀hchì.

Zezì Wecheekeèdeè 18:15

Hanìkò naxınàowoò ghǫ aahdı nı̨dè naxı̨ edexè sıìgoahłe. Sı̨ hanıı nàowo wesınìyahtı ha nıìle,” gòhdı.

Zezì Wecheekeèdeè 8:9

Dǫ ı̨łè Sımon wìyeh whaà gots'ǫ Samarıa nèk'e kǫ̀godeè ı̨k'ǫǫ̀ k'alaı̨wo t'à dǫ hazǫǫ̀ eyı nèk'e nàgedèe sìı gogha sììdì hòèhtsı̨. T'asìı aht'e edeewǫ t'à edeghǫ xàdahodì.

Rome 12:16

Ts'èwhı̨į̀ ełexè aahda. Xàhoahdì-le. Dǫ t'asìı gı̨ı̨lı̨-le sìı gıxè aaht'ı̨. Gınahk'e ats'ı̨ı̨t'e dahwhǫ-le.

Rome 13:13

Dzęh dǫ geeda lanì ehkw'ı ts'eeda ha hǫt'e. Ts'edǫ xè ts'ıɂǫ̀-hots'eeɂà welè-le, gozhį̀į̀ t'à hołı̨ı̨ k'alats'edèe welè-le, ełets'ǫ̀ nàyats'ehtı welè-le, eyıts'ǫ ełeghǫ ts'ohots'eedı welè-le.

Rome 14:1

Dǫ wınì nàtso-le sìı wedę aahłe-le, t'asìı wet'àaɂà-le k'èxa wek'e nìdahoahɂà-le.

Rome 2:8

Hanìkò dǫ edeghǫ zǫ nànıgedèe sìı, nàowo ehkw'ıı gıgha wedę xè nàowołı̨ı̨ k'ę̀ę̀ geedaa sìı Nǫ̀htsı̨ gots'ǫ̀ sıì wek'èch'a xè dagı̨ı̨ɂaà agole ha.

1 Corınth 11:16

Dǫ eyı ghǫ ełets'ǫ̀ nàyagehtı ha gı̨ı̨wǫ nı̨dè, goxı̨ gogha eyıts'ǫ Nǫ̀htsı̨ wecheekeè hazǫǫ̀ gıgha nàowo eyıì-le gǫ̀hłı̨ nıìle.

1 Corınth 11:18

T'akwełǫ̀ǫ̀ dıı haehsı̨ ha dehwhǫ: Naxı̨ Nǫ̀htsı̨ wecheekeè yàahłı̨ı̨ sìı łą̀ą nìahdè nı̨dè, ełek'ę̀ę̀ aahwhǫ-le weghǫ eèhkw'o hǫt'e, segha ehkw'ı agedı lanì.

1 Corınth 3:18

Dànì nànıahdè t'à edeghǫyaahɂà sǫ̀ǫ̀. Dǫ dıı nèè gots'ǫ nàowo k'ę̀ę̀ gohsǫ edeewǫ nı̨dè, ezhı̨ne ladıdle, hanì-ı̨dè sıì gǫǫzǫǫ̀ ade ha.

1 Corınth 3:3

Įłaà dıı nèk'e gots'ǫ dǫ lanì nànıahdè. Ełeghǫ ts'oxoahdı eyıts'ǫ ełets'ǫ̀ nàyaahtı nı̨dè, dıı nèk'e gots'ǫ dǫ gıxèahɂı̨ laaht'ı̨. Dǫ Nǫ̀htsı̨ k'ègeezǫ-le sìı gıxèahɂı̨ hǫt'e.

2 Corınth 11:20

Dǫ t'ahoòyį̀ı̨ naxıts'ǫ̀ k'ahogedè, hanì-le-ı̨dè naxıghǫ egeeɂį̀ı̨, naxıt'à edegha sìghà hogehtsı̨, eyıts'ǫ naxınahk'e dǫ nechàa edegeetsı̨, tsį̀naxegeekà kò, hanì naxıts'ǫ̀ eghàlageeda kò naxıgha t'asanìle.

Galatıa 5:15

K'èdaà ełek'èch'a goahde xè ełets'ǫ̀ yıdaaht'e nı̨dè ełedıhoahtsı̨ ha hǫt'e.

Galatıa 5:26

Eyıt'à xàhots'ııdì-le, ełets'ǫ̀ yıdats'ııt'è-le, eyıts'ǫ ełeghǫ ts'ohots'ııdì-le.

Galatıa 6:3

Dǫ t'asìı elı̨-le kò t'asìı aht'e edeewǫ nı̨dè edeghǫyaeɂà hǫt'e.

Phılıppı 1:15

Dǫ mǫ̀hdaa seghǫ ts'ohogeedı t'à Zezì-Krı wegodıì t'à dǫ ts'ǫ̀ gogede t'ıį̀t'e, hanìkò dǫ mǫ̀hdaa sìı gınì nezı̨ı̨ t'à Zezì wegodıì t'à gogede.

Phılıppı 2:14

T'asìı hazǫǫ̀ weghàlaahdaa sìı weghǫ sǫahdı-le eyıts'ǫ ełets'ǫ̀ nàyaahtı-le xè haahɂı̨.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

Colosse 2:18

Dǫ k'èeweèt'ı̨ edegeetsı̨ eyıts'ǫ yak'eet'ı̨į̀ ts'ǫ̀ yagehtıı sìı Nǫ̀htsı̨ t'asìı nezı̨ı̨ naxıghàɂà ch'à anaxegııle sǫ̀ǫ̀. Eyı dǫ hanıı sìı gınazhıı xègoèht'į̀ ghǫ naxıts'ǫ̀ gogede ghageewı, hanìkò Nǫ̀htsı̨ ts'ǫ̀ gınì nàtso-le t'à dǫ nahk'e ts'ı̨ı̨lı̨ gı̨ı̨wǫ xè xàdahogedì.

2 Thessalonıca 2:4

Eyı dǫ wejıı sìı t'asìı hazǫǫ̀ dǫ Nǫ̀htsı̨ gìt'ı̨ı̨ sìı eyıts'ǫ t'asìı hazǫǫ̀ ts'ǫ̀ yagehtıı sìı k'èch'a k'ehoɂa xè gınahk'e ehłı̨ hadı ha. Eyıt'à Nǫ̀htsı̨kǫ̀-gocho goyìı wheda gà Nǫ̀htsı̨ aht'e edèhdı ha.

1 Tımothy 1:4

Ekìı godı hòèlı̨ı̨ t'à eyıts'ǫ gòet'ı̨ gıızì łǫ dek'eèhtł'è hanıı t'à dǫ hoghàgıahtǫ-le, gìı̨dı. Eyı hanıı ts'ıhɂǫ̀ dǫ ełets'ǫ̀ nàyagehtı t'à Nǫ̀htsı̨ wılaà k'ę̀ę̀ dǫ hoghàgeetǫ-le; gogha ehkw'ı-ahodıı zǫ t'à Nǫ̀htsı̨ wılaà ghàlats'eeda hǫt'e.

1 Tımothy 1:7

Moses wenàowoò hoghàgogeehtǫ ha gı̨ı̨wǫ eyıts'ǫ ayìı ghǫ agedıı sìı hotıì ehkw'ı ats'edı gı̨ı̨wǫ, hanìkò ayìı ghǫ gogedee sìı gınıedì-le.

1 Tımothy 3:6

Dǫ dıìhk'ǫ̀ą gots'ǫ wegha ehkw'ı-ahodıì ajàa sìı Nǫ̀htsı̨ wecheekeè gha k'àowo elı̨ ha nıìle, hajà nı̨dè xàhodì ade ha sǫnı, eyıts'ǫ wehłı̨ı̨ xèht'eè wesınìyaetı ha.

2 Tımothy 2:14

Eyı yatı hazǫǫ̀ t'aats'ǫǫ̀ gınadì agı̨ı̨le. Nǫ̀htsı̨ nadąą̀ gıghǫnatı̨ı̨ɂà, yatı wet'àaɂà-le ghǫ ełek'èch'a agııdì-le. Eyı nezı̨ nıìle, dǫ gogeèhkw'ǫǫ sìı wet'à gınì nàtso-le at'į̀ zǫ hǫt'e.

2 Tımothy 2:23

Dǫ ezhı̨ne k'ę̀ę̀ ełets'ǫ̀ nàyagehtıı sìı gıxè anet'ı̨-le. Eyı hagedı t'à dǫ ełets'ǫ̀ gìch'e wek'èı̨zǫ hǫt'e.

2 Tımothy 3:4

ełeghǫyageeɂà ha, gınì nàìtło ha, t'asìı deè edegeetsı̨ ha, Nǫ̀htsı̨ nahk'e sìgoèt'ı̨ı̨ ghageewı ha,

Tıtus 3:9

Hanìkò ezhı̨ne nàowoò t'à ełets'ǫ̀ nàyats'ehtıı sìı eyıts'ǫ gocho gıızì dek'eèhtł'è k'èts'edìı sìı wedę anele. Moses wenàowoò ghǫ nàyaı̨htı-le, hats'edıı sìı wet'àhots'eehwhı nıìle eyıts'ǫ wet'àaɂà nıìle.

James 1:19

Sèot'ı̨ı̨, dıı yatı wedaànıahdè: Dǫ hazǫǫ̀ ekòet'ıì egeèhkw'ǫ welì, hanìkò ekòet'ıì xàyagııhtı-le, eyıts'ǫ ı̨whąą̀ gìch'e welè-le.

2 Peter 2:12

Hanìkò eyı dǫ t'asìı nıgeedì-le ghǫ ekǫ-le gogede t'à Nǫ̀htsı̨ k'èch'a agedı. Tıts'aàdìı wets'àhoejı̨ı̨ lagı̨ı̨t'e eyıts'ǫ tıts'aàdìı k'ę̀ę̀ k'ehogeɂa. Gık'èchıìtła xè ełaàgede zǫ gha gıgǫ̀hłı̨ lagı̨ı̨t'e, eyıts'ǫ tıts'aàdìı lanì gıdıhołè ha.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.

Jude 1:10

Hanìkò eyı dǫ ekǫ-le aget'ı̨ı̨ sìı t'asìı nıgeedì-le kò gık'èch'a gogede. Tıts'aàdìı nànıwo-le lagı̨ı̨t'e dànì edexègeedì ghàà t'asìı nıgeedì, eyı hazǫǫ̀ ts'ıhɂǫ̀ gıdıhołè ha hǫt'e.

Jude 1:16

Eyı dǫ sìı t'aats'ǫǫ̀ sǫagedı xè dǫ k'e nìdahogeeɂàa dǫǫ̀ agı̨ı̨t'e, eyıts'ǫ edınìłı̨ı̨ k'ę̀ę̀ k'ehogeɂa. Edeghǫ xàdahogedì eyıts'ǫ edegha sìghà hogehtsı̨ zǫ gha dǫ ts'ǫ̀ nezı̨į̀ agedı.

John Wenazhıı 3:17

‘Ahxee ats'ı̨ı̨t'e,’ edèahdı, ‘T'asìı łǫ gots'ǫ t'à t'asìı wets'ı̨ı̨wǫ gǫ̀hłı̨-le,’ dahdı, hanìkò naxıxè gots'eèdı, eteaht'ı̨, naxıdaà goìle xè goht'ǫ dę dahkw'e hǫt'e, wek'èahsǫ-le nì?