1 Tımothy 6:3 - Nǫ̀htsı̨ Nı̨htł'è

³ Dǫ ekǫ-le hoghàgoehtǫǫ xè gots'ǫ̀ K'àowo Zezì weyatıì ehkw'ıı sìı k'ę̀ę̀ anıwǫ-le, eyıts'ǫ Nǫ̀htsı̨ nàowoò k'èch'a dǫ hoghàehtǫǫ sìı,

1 Tımothy 6:3 ပူးပေါင်းရင်းမြစ်များ

Matthew 22:21

“K'àowodeè Caesar,” gıìhdı. Eyıt'à Zezì gots'ǫ̀ hadı, “Hanì-ı̨dè ayìı k'àowodeè wets'ǫ ne sìı weghàahłe, eyıts'ǫ ayìı Nǫ̀htsı̨ wets'ǫ ne sìı Nǫ̀htsı̨ ghàahłe,” gòhdı.

Matthew 28:20

Eyıts'ǫ yatı hazǫǫ̀ naxıghàıhɂǫǫ sìı gık'į̀ı̨t'e ha hoghàgıahtǫ. Nǫǫde dzęę̀ agode ts'ǫ̀ t'aats'ǫǫ̀ naxıxè aht'e ha hǫt'e,” gòhdı.

Rome 16:17

Sèot'ı̨ı̨, hotıì edexoahdı, dǫ eyıì-le ełek'èch'a anaxegehɂı̨ xè ekǫ-le anaxegehɂı̨ı̨ sìı gıch'à kexoahdı. Hòt'a ayìı hoghànaxeètǫǫ sìı eyı k'èch'a hoghànaxegeehtǫ nı̨dè gıxè aaht'ı̨-le.

1 Thessalonıca 4:8

Eyıt'à dıı yatı naxıghàts'ı̨ı̨ɂǫǫ sìı amìı wegha wedę sìı goxı̨ zǫ gok'èı̨t'e-le nıìle, hanìkò Nǫ̀htsı̨ k'èı̨t'e-le hǫt'e. Hanıı dǫ sìı Nǫ̀htsı̨ edets'ǫ Įnì Degaı goghàı̨ɂǫǫ sìı wegha wedę hǫt'e.

1 Tımothy 1:10

ełexè hołı̨ı̨ hogehtsı̨ı̨ dǫǫ̀, dǫzhìı hołı̨ı̨ k'ę̀ę̀ ełek'alagedèe dǫǫ̀, dǫ gıghǫ nàedìı dǫǫ̀, hogets'ìı-dǫǫ̀, eyıts'ǫ nàyaetıı gonı ehkw'ı xàyagehtı-le dǫǫ̀. Dǫ hazǫǫ̀ Nǫ̀htsı̨ enıìyah t'à wegodıì nezı̨ı̨ k'ę̀ę̀ hoghàgoetǫ k'èch'a eghàlageedaa sìı gıgha adlà hǫt'e. Nǫ̀htsı̨ weghàsǫts'eedıı sìı wegodıì t'à dǫ hoghàgeehtǫ ha setł'aà wheɂǫǫ̀ ayį̀į̀là hǫt'e.

1 Tımothy 1:3

Macedonıa nèk'e nawhıhtła ekò kǫ̀ta Ephesus wheęda nèehsı̨ ı̨lè. Įłaà ekǫ wheęda ha dehwhǫ. Hanì-ı̨dè dǫ mǫ̀hdaa nàowo ekǫ-le t'à dǫ hoghàgogeehtǫǫ sìı haget'ı̨ ha-le gìı̨dı.

1 Tımothy 1:6

Dǫ mǫ̀hdaa eyı nàowo gıtǫ̀-le agejà, godı wet'àaɂà-le ts'ǫ̀ tł'àk'e geède.

2 Tımothy 1:13

Nàowo ehkw'ıı hoghàneehtǫǫ sìı nezı̨į̀ wek'ę̀ę̀ ı̨da. T'aats'ǫǫ̀ Zezì-Krı gha nınì nàtso anehwhǫ xè Zezì wets'ıhɂǫ̀ dǫ ghǫneę̀tǫ.

2 Tımothy 4:3

Įdaà nı̨dè dǫ sìı nàowo ehkw'ıı ka-egeèhkw'ǫ ha-le agode ha. Dàgı̨ı̨wǫǫ sìı zǫ k'ę̀ę̀ hoghàgoetǫ gı̨ı̨wǫ ha. Ayìı geèhkw'ǫ hagı̨ı̨wǫǫ sìı t'à hoghàgeetǫ gha hoghàehtǫǫ-dǫǫ̀ łǫ edegha nègele ha.

Tıtus 1:1

Sı̨ Paul Nǫ̀htsı̨-Gotà wegha eghàlaehda eyıts'ǫ Zezì-Krı wecheekeèdeè aht'e. Nǫ̀htsı̨-Gotà dǫ gòį̀hchìı sìı gıgha ehkw'ı-ahodı agehłe gha eyıts'ǫ nàowo ehkw'ıı wet'à Nǫ̀htsı̨ wek'ę̀ę̀ ts'eeda ha sìı gık'èhoezǫǫ̀ agehłe gha Zezì-Krı dǫ ts'ǫ̀ sı̨ı̨hɂà hǫt'e.

Tıtus 1:9

Dànì hoghàweètǫ k'ę̀ę̀ godı ehkw'ıı sìı hòtł'ò yııtǫ̀ ha hǫt'e. Hanì-ı̨dè, nàowo ehkw'ıı k'èhoezǫ t'à dǫ gınì nàtsoò ayele ha dìì-le eyıts'ǫ dǫ gıgha ehkw'ı-ahodı-le sìı k'èch'a gode ha dìì-le.

Tıtus 3:8

Eyı yatı neghàı̨ɂǫǫ sìı hotıì ehkw'ı hǫt'e. Eyı yatı hazǫǫ̀ t'à gıts'ǫ̀ goı̨de ha dehwhǫ. Hanì-ı̨dè amìı Nǫ̀htsı̨ gıgha ehkw'ı adıı sìı edexogııhdı xè ayìı nezı̨ı̨ sìı zǫ ghàlageeda ha. Eyı yatı hazǫǫ̀ dǫ gık'ę̀ę̀ geeda gha sìı nezı̨ hǫt'e, eyıts'ǫ dǫ hazǫǫ̀ gha wet'àaɂà hǫt'e.