1 Tımothy 6:2 - Nǫ̀htsı̨ Nı̨htł'è

² K'àowo gı̨ı̨lı̨ı̨ eyıts'ǫ gıcheekeè į̀łah gıgha ehkw'ı-ahodı t'à ełèot'ı̨ agı̨ı̨t'e. Gıcheekeè gı̨ı̨lı̨ı̨ sìı dek'aɂį̀ gots'ǫ̀ nageɂa ha-le, hanìkò dǫ got'à hogeehwhıı sìı gıgha ehkw'ı-ahodı xè goghǫnegeètǫ agı̨ı̨t'e t'à denahk'e hòtł'ò gıgha eghàlageeda ha hǫt'e. Gıcheekeè gı̨ı̨lı̨ı̨ sìı eyı nàowo hoghàgı̨ı̨htǫ welì eyıts'ǫ hotıì weghàà aahda gìı̨dı.

1 Tımothy 6:2 ပူးပေါင်းရင်းမြစ်များ

Matthew 23:8

“Hanìkò naxı̨ sìı dǫ ‘K'àowo’ naxègedıì naxegıızı ha-le. K'àowo ı̨łè zǫ naxıts'ǫ hǫt'e, naxı̨ hazǫǫ̀ ełèot'ı̨ aaht'e.

Matthew 25:40

“K'àowocho hagòhdı ha, ‘Ehkw'ı anaxèehsı̨, sechı dek'aɂį̀ elı̨ı̨ sìı wegha ayìı dàahłàa sìı sı̨ segha haahłà hǫt'e,’ gòhdı ha.

Matthew 6:24

“Dǫ wı̨ı̨zìı k'àowo nàke gha eghàlaeda ha dìì. K'àowo ı̨łè ghǫneètǫ ha eyıts'ǫ ı̨łè nèlı̨ ha-le, eyıts'ǫ k'àowo ı̨łè k'èı̨t'e ha eyıts'ǫ ı̨łè wek'èı̨t'e ha-le. Nǫ̀htsı̨ eyıts'ǫ sǫǫ̀mba, į̀łah ełèht'eè gıgha eghàlats'eeda ha dìì hǫt'e.

Zezì Wecheekeèdeè 1:15

Ekìıyeè k'e Peter dǫ gıgha ehkw'ı-ahodıı sìı gots'ǫ̀ gode ha gota nàwo. (Dǫ ı̨łèakw'eènǫ-daats'ǫ̀-naènǫ haàtłǫǫ goyìı geèhkw'e.)

Rome 11:17

Wekw'ıhchı̨į̀ mǫ̀hdaa dahchı̨atǫ̀, eyıts'ǫ naxı̨ ts'ı nezı̨-le wekw'ıhchı̨į̀ laaht'ee sìı ts'ı nezı̨ı̨ wekw'ıhchı̨į̀ ta anaxììdlà laaht'e. Eyıt'à dıì sìı ts'ı nezı̨ı̨ weghochı̨į̀ t'à dahshe lanì hǫt'e.

Rome 8:29

Nǫ̀htsı̨ amìı weza gı̨ı̨lı̨ ha nadąą̀ yek'èezǫǫ sìı Zezì lagede ha nadąą̀ gòį̀hchì ı̨lè. Eyıt'à wechı łǫ gıta gots'ǫ sìı Nǫ̀htsı̨ weza ededı̨ denahk'e wet'àaɂàa elı̨ hǫt'e.

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Ephesus 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Dıı enı̨htł'è kǫ̀ta Ephesus Nǫ̀htsı̨ wets'ǫ dǫ nàgedèe eyıts'ǫ Zezì-Krı ghǫ t'aats'ǫǫ̀ gınì nàtsoo sìı gıts'ǫ̀ eehtł'è hǫt'e.

Ephesus 1:15

Eyıt'à gots'ǫ̀ K'àowo Zezì naxıgha ehkw'ı-ahodıı eyıts'ǫ wets'ǫ dǫ hazǫǫ̀ gıghǫnıahtǫ weghǫ eèhkw'ǫ gots'ǫ,

Ephesus 3:6

Eyı t'asìı enıìyah gots'ǫ̀ deɂı̨į̀ wheɂǫ ı̨lèe sìı dıı hǫt'e: dǫ Israel got'ı̨į̀ agı̨ı̨t'e-le sìı godı nezı̨ı̨ egıìkw'o ts'ıhɂǫ̀ Nǫ̀htsı̨ t'asìı hazǫǫ̀ edeza gogha ts'atà yèhłaa sìı Israel got'ı̨į̀ gıxè goghàyele ha hǫt'e. Eyıt'à hazǫǫ̀ ełexè dǫ ı̨łè zǫ lats'ı̨ı̨t'e, eyıts'ǫ Zezì-Krı wedahxà Nǫ̀htsı̨ t'asìı nezı̨ı̨ goghàɂà ha dıı sìı hazǫǫ̀ ełexè goį̀zhe ha hǫt'e.

Colosse 1:4

Zezì-Krı naxıgha ehkw'ı adı eyıts'ǫ Nǫ̀htsı̨ wets'ǫ dǫ hazǫǫ̀ sıì gıghǫnıahtǫ ghǫ ts'ıìkw'o t'à.

Colosse 4:1

K'aodèe yàahłı̨ı̨ sìı dǫ naxıgha eghàlageedaa sìı gıts'ǫ̀ ehkw'ı eghàlaahda, naxı̨ sı yak'e naxıts'ǫ̀ K'àowo gǫ̀hłı̨ wek'èahsǫ ne t'à.

2 Thessalonıca 1:3

Sèot'ı̨ı̨, denahk'e hòtł'ò naxıgha ehkw'ı-ahodıì aahde xè naxıdzeè t'à deɂǫ̀ǫ̀ ełeghǫnıahtǫ t'à t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ ha hǫt'e.

1 Tımothy 4:11

Eyı yatı dǫ hoghàgı̨ı̨htǫ xè wek'èaht'e gį̀ı̨dı.

1 Tımothy 5:1

Ǫhdah ekǫ-le hòèhtsı̨ nı̨dè yatı nàtsoo t'à wets'ǫ̀ goı̨de-le, hanìkò netà ts'ǫ̀ goı̨de lanì weghǫnàdaı̨tì. Eyıts'ǫ cheko sìı nechı lanì gıts'ǫ̀ k'ehoı̨ɂa.

Tıtus 2:1

Ekò nı̨ sìı nàowo ehkw'ıı k'ę̀ę̀ dǫ hoghàgı̨ı̨htǫ ha hǫt'e.

Tıtus 2:15

Dıı hazǫǫ̀ hoghàgı̨ı̨htǫ ha hǫt'e. Nǫ̀htsı̨ wedahxà gınì nàtsoò agı̨ı̨le, eyıts'ǫ hołı̨ı̨ wedę aahda gìı̨dı. Dǫ wı̨ı̨zìı neyatıì wet'àaɂà-le nı̨ı̨hwhǫ sǫ̀ǫ̀.

Tıtus 3:8

Eyı yatı neghàı̨ɂǫǫ sìı hotıì ehkw'ı hǫt'e. Eyı yatı hazǫǫ̀ t'à gıts'ǫ̀ goı̨de ha dehwhǫ. Hanì-ı̨dè amìı Nǫ̀htsı̨ gıgha ehkw'ı adıı sìı edexogııhdı xè ayìı nezı̨ı̨ sìı zǫ ghàlageeda ha. Eyı yatı hazǫǫ̀ dǫ gık'ę̀ę̀ geeda gha sìı nezı̨ hǫt'e, eyıts'ǫ dǫ hazǫǫ̀ gha wet'àaɂà hǫt'e.

Hebrew 3:1

Eyıt'à sèot'ı̨ degaı, yak'e ts'ǫ̀ naxıkayaetıı sìı Zezì ts'ǫ̀ naxınì nàtsoò aahłe. Ededı̨ Nǫ̀htsı̨ wecheekeèdeè elı̨ı̨ xè gogha yahtıı-wet'àaɂàa-deè elı̨ı̨ sìı gogha ehkw'ı adı hǫt'e.

Hebrew 3:14

T'akwełǫ̀ǫ̀ dànì hotıì gogha ehkw'ı-ahodıı sìı nǫǫde ts'ǫ̀ ts'ıtǫ̀ nı̨dè, Zezì-Krı wexè ı̨łè lats'ı̨ı̨t'e hǫt'e.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

2 Peter 2:10

Dǫ edınìłı̨ı̨ k'ę̀ę̀ geeda xè gıts'ǫ̀ k'aodèe nègelı̨-le sìı hotıì gıxè hagode ha. Hanıı dǫ sìı gıkwì nàtso xè xàhogedì t'à, yat'a ı̨nì nàtsoo k'adageedè gha edègeejı̨-le.

Jude 1:8

Eyı xèht'eè eyı dǫ ekìı-ka godı gehtsı̨ı̨ sìı hołı̨ı̨ t'à xàè edezhį̀į̀ tsį̀gehwhı hǫt'e, k'aodèe k'èagı̨ı̨t'e ha gı̨ı̨wǫ-le, eyıts'ǫ yatıjıı t'à yat'a ı̨nì nàtsoo k'adageedè.