1 Tımothy 5:8 - Nǫ̀htsı̨ Nı̨htł'è

⁸ Dǫ edèot'ı̨ ts'àgedı-le, xàè edèot'ı̨ gots'àgedı-le nı̨dè ayìı wegha ehkw'ı-ahodıı sìı k'ę̀ę̀ eda nıìle. Dǫ wegha ehkw'ı-ahodı-le nahk'e ekǫ-le hòèhtsı̨ hǫt'e.

1 Tımothy 5:8 ပူးပေါင်းရင်းမြစ်များ

Dànì Kèhoį̀wo 30:30

Nets'ǫ̀ ahjà kwe tıts'aàdìı łǫ-lea nets'ǫ ı̨lè, dıì sìı denahk'e łǫǫ̀ agejà. Edı̨į̀ shègezhe ha gıamı̨ı̨ k'ehtło xè gık'èhdì t'à gots'ǫ̀ K'àowo nexè sìghà hòɂǫǫ̀ ayį̀į̀là hǫt'e. Ekò dıì sekǫ̀ gòɂǫ gha t'asìı hahłe ha dehwhǫ,” yèhdı.

Matthew 18:17

Eyı dǫ naxeèhkw'o ha nıwǫ-le nı̨dè Nǫ̀htsı̨ wecheekeè gıts'ǫ̀ haahdı, hanìkò Nǫ̀htsı̨ wecheekeè kò goèhkw'ǫ ha nıwǫ-le nı̨dè Nǫ̀htsı̨-k'èezǫ-le-dǫǫ̀ hanì-le-ı̨dè sǫǫ̀mba-nàhtsį̀ı̨-dǫǫ̀ lanì wets'ǫ̀ naahɂa.

Matthew 7:11

Naxı̨ hołı̨ı̨-hoahtsı̨ı̨-dǫǫ̀ aaht'e kò, naxıza t'asìı nezı̨ı̨ gıghàahłe k'èahsǫ. Naxıtà yak'e whedaa sìı dǫ geekè nı̨dè naxınahk'e t'asìı nezı̨ı̨ goghàyele ha hǫt'e.

John 15:22

Jǫ ahjà-le xè gıts'ǫ̀ goıhde-le nı̨dè gıhołı̨į̀ gık'e whela ha-le ı̨lè. Hanìkò dıì, seyatıì k'ègeezǫ t'à ‘hołı̨ı̨ hots'èhtsı̨-le,’ gedı ha dìì.

1 Corınth 6:6

Hanìkò ełeghǫ nàyaetıì ałaahɂı̨. Dǫ gıgha ehkw'ı-ahodı-le gınadąą̀ hanì k'ehoahɂa!

2 Corınth 12:14

Nàakeè naxıts'àwhıhtła ı̨lè, dıì k'achı̨ naxıts'àhtła ha, hanìkò t'asìı t'à sets'àahdı ha naxeehwhǫ-le, t'asìı naxıts'ǫ sìı weehwhǫ-le t'à, hanìkò naxı̨ naxeehwhǫ hǫt'e. Chekoa sìı edèot'ı̨ gha t'asìı k'ègedì nıìle wek'èts'eezǫ, gìot'ı̨ sìı edeza gha t'asìı k'ègedì hǫt'e.

2 Corınth 6:15

Zezì-Krı eyıts'ǫ wehłı̨ı̨ sìı ełek'ę̀ę̀ agı̨ı̨wǫ nıìle. Dǫ wegha ehkw'ı-ahodıı eyıts'ǫ dǫ wegha ehkw'ı-ahodı-le sìı ełègı̨ı̨ht'e hǫı̨lı̨ nıìle.

Galatıa 6:10

Eyıt'à gogha hòɂǫ taàt'eè dǫ hazǫǫ̀ gıts'ǫ̀ nezı̨į̀ eghàlats'ııdà, eyıts'ǫ goxè Nǫ̀htsı̨ wecheekeè gı̨ı̨lı̨ı̨ sìı denahk'e gıts'ǫ̀ nezı̨į̀ eghàlats'ııdà.

2 Tımothy 2:12

Dats'ı̨ı̨ɂa kò weghǫ goınì nàtso ats'ı̨ı̨hwhǫ nı̨dè, wexè k'ahots'edè ha hǫt'e. Wek'èts'eezǫ-le ts'edı nı̨dè ededı̨ sı gok'èezǫ-le hadı ha.

2 Tımothy 3:5

Nǫ̀htsı̨ k'ègeezǫ lanì k'ehogeɂa kò, Nǫ̀htsı̨ t'asìı wegha dìì-le sìı k'ę̀ę̀ geeda nıìle. Dǫ hanıı sìı gıxè aaht'ı̨-le.

Tıtus 1:16

Nǫ̀htsı̨ k'èts'eezǫ gedı hanìkò dànì k'ehogeɂa ghàà gık'èezǫ-le hǫt'e. Sıì negezı̨-le, ek'èagı̨ı̨t'e-le, eyıt'à t'asìı nezı̨ı̨ hogehtsı̨ ha dìì.

2 Peter 2:1

Hanìkò ı̨nę̀ę sìı dǫ gıta nakwenàoɂǫǫ hogets'ì gogede gòı̨lè, eyı xèht'eè naxıta dǫ mǫ̀hdaa hogets'ì t'à hoghànaxegeehtǫ ha. Dǫ naàhtǫ Nǫ̀htsı̨ ghǫ ekǫ-le hoghànaxegeehtǫ ha, gots'ǫ̀ K'àowo t'asìı wegha dìì-le ededı̨ nàgoèhdìı sìı k'ahowo nıìle gedı ha. Haget'ı̨ t'à ı̨whąą̀ edegha hoìla hogehtsı̨ hǫt'e.

Jude 1:4

Dǫ mǫ̀hdaa ekǫ-le dǫ hoghàgogeehtǫǫ sìı naxınaàhtǫ naxıta gı̨ı̨de hǫt'e. Hanıı dǫ sìı gısınìyaetı ha whaà gots'ǫ hanì dek'eèhtł'è hǫt'e. Dǫ hanıı Nǫ̀htsı̨ gıgha wedę sìı Nǫ̀htsı̨ wesǫnıwǫ eładı̨į̀ dǫ hoghàgogeehtǫ, hagedı, “Nǫ̀htsı̨ wedzeè sǫnıwǫ t'à hołı̨ı̨ k'ę̀ę̀ eghàlats'eeda kò wegha t'asanìle,” gedı. Hagedı t'à Zezì-Krı ededı̨ zǫ Gots'ǫ̀ K'àowodeè t'asìı wegha dìì-le elı̨ı̨ sìı wedę welè gedı.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.

John Wenazhıı 3:8

Dànì eghàlaahdaa sìı wek'èehsǫ. Aàhkw'ǫ, naxınadąą̀ enìxàı̨tǫ ahłà eyıts'ǫ dǫ wı̨ı̨zìı enìyeechı ha dìì. Nàahtso-le naxık'èehsǫ, hanìkò seyatıì k'èahdì hǫt'e eyıts'ǫ sek'èahsǫ-le dahdı nıìle.