1 Tımothy 5:14 - Nǫ̀htsı̨ Nı̨htł'è

¹⁴ Eyıt'à ts'èko gıghoò łǫ-le et'ıì gıdǫǫ̀ ełaı̨dèe sìı honìgııdè kò dehwhǫ hǫt'e. Gıza gǫ̀hłı̨ xè edekǫ̀ k'ègedì kò eyı denahk'e gıgha nezı̨ hǫt'e. Hanì-ı̨dè wehłı̨ı̨ goızì jıı ehtsı̨ ha gıghàhòɂà ha-le.

1 Tımothy 5:14 ပူးပေါင်းရင်းမြစ်များ

Dànì Kèhoį̀wo 18:6

Eyıt'à ekòet'ıì Abraham Sarah gà goyaèhtła, hayèhdı, “Įwhąą̀! Łè nezı̨ı̨ sìı dı̨ènǫ aı̨hda deyı̨į̀htł'ì. Łè tsı̨ı̨htsı gà łèt'è neht'è,” yèhdı.

Dànì Kèhoį̀wo 18:9

“Nets'èkeè Sarah welaedì?” gıìhdı dageehke. “Nı̨hbàa goyìı wheda,” gòhdı.

Rome 14:13

Eyıt'à ełesınìyats'ehtı welè-le. Naxèot'ı̨ naxıt'à hołı̨ı̨ hogehtsı̨ ch'à naxınì nàtsoò aahwhǫ xè edek'èahdì.

2 Corınth 11:12

Hanì eghàlaehdaa sìı ı̨łaà hanì eghàlaehda ha hǫt'e. Hanì-ı̨dè dǫ edeghǫ xàdahogedì eyıts'ǫ goxèht'eè eghàlageeda gedıì k'ehogeɂaa sìı haget'ı̨ gha hòɂǫ-le agehłe ha.

1 Tımothy 2:8

Hazǫǫ̀ ts'ǫ̀ dǫ edılà degaı ı̨dòo agı̨ı̨hwhǫ xè yagehtı ha geehwhǫ. Ełets'ǫ̀ gìch'ee eyıts'ǫ ełets'ǫ̀ nàyagehtıı sìı wedę agııle.

1 Tımothy 4:3

Hots'et'ı̨ı̨ sìı ehkw'ı nıìle gedı ha, eyıts'ǫ weghǫ shèts'ezhee mǫ̀hdaa geɂà-le agogehɂı̨ ha. Nǫ̀htsı̨ weghǫ shèts'ezhee yèhtsı̨ hǫt'e, eyıt'à dǫ gıgha ehkw'ı-ahodıı xè nàowo ehkw'ıı k'ègeezǫǫ sìı gıghǫ shèzhe xè weghǫ masì gı̨ı̨wǫ ha hǫt'e.

1 Tımothy 5:11

Ekò ts'èko ı̨łaà gıghoò łǫ-le et'ıì gıdǫǫ̀ ełaı̨dèe sìı gıts'àahdı gha gıızì dek'enèahtł'è-le. Zezì-Krı ts'ǫ̀ yatı nàtsoo gèhtsı̨ sǫnı kò nǫǫde nı̨dè dǫzhìı gı̨ı̨wǫǫ̀ agede ha eyıts'ǫ honìgedè gı̨ı̨wǫ ha sǫnı.

1 Tımothy 6:1

Dǫ hazǫǫ̀ gıts'ǫ̀ k'aodèe wets'ǫ agı̨ı̨t'ee sìı edets'ǫ̀ k'àowo ts'ǫ̀ nezı̨į̀ nageɂa xè gık'èı̨t'e ha hǫt'e. Hagı̨ı̨t'e nı̨dè Nǫ̀htsı̨ wıızì eyıts'ǫ ayìı dǫ hoghàgıts'eehtǫǫ sìı k'adageedè ha-le.

Tıtus 2:5

Nàowołı̨ı̨ ch'à edek'ègedì ha, hołı̨ı̨ dę geeda ha, edekǫ̀ gha hòtł'ò eghàlageeda ha, dǫ ts'ǫ̀ gıdzeè nezı̨ ha, eyıts'ǫ ededǫǫ̀ k'èagı̨ı̨t'e ha, hoghàgogııhtǫ. Hanì geeda nı̨dè gıts'ıhɂǫ̀ dǫ wı̨ı̨zìı Nǫ̀htsı̨ yatıì k'èch'a gode ha-le.

Tıtus 2:8

Nezı̨į̀ nànıts'ewo k'ę̀ę̀ gots'ede nı̨dè dǫ gok'èch'a adı ha dìì. Haąt'ı̨ nı̨dè dǫ nek'èch'a agı̨ı̨wǫǫ sìı edeghǫ į̀į̀zhagelı̨ ha, goghǫ t'asìı nezı̨-le hagedı ha dìì t'à.

Hebrew 13:4

Hots'et'ı̨ı̨ nàowoò sìı nezı̨į̀ wek'èahdì ha hǫt'e. Dǫzhìı eyıts'ǫ wets'èkeè ełets'ǫ̀ ehkw'ı geeda ha, eyıts'ǫ dǫ eyıì-le xè aget'ı̨ ha-le. Dǫ ełexè hołı̨ı̨ hogehtsı̨ı̨ eyıts'ǫ edezhį̀į̀ t'à hołı̨ı̨ k'alagedèe sìı Nǫ̀htsı̨ gosınìyaehtı ha hǫt'e.