1 Tımothy 5:13 - Nǫ̀htsı̨ Nı̨htł'è

¹³ Zezì ts'ǫ̀ edeyatıì k'egı̨ı̨zhì wedaats'ǫ̀ gots'egeedì agede ha sǫnı, eyıt'à ekìı kǫ̀ta k'egedè agede ha. Gots'egeedì agede wedaats'ǫ̀ yatıts'ıì kǫ̀ta k'egeɂa xè t'asìı gı̨į̀dı-le sìı ghǫ gogedeè agede ha, eyıts'ǫ t'asìı gıghǫ gode ha-le sìı ghǫ gogedeè agede ha.

1 Tımothy 5:13 ပူးပေါင်းရင်းမြစ်များ

Luke 10:7

Eyı kǫ̀ goyìı nàahdè. T'asìı naxıghàgeedıı sìı weghǫ shèahzhe xè aahdǫ; dǫ eghàlaedaa sìı wets'àɂeedì hǫt'e. Įłèhkǫ̀ zǫ naàhde; kǫ̀ta k'edeahte-le.

Zezì Wecheekeèdeè 20:20

Wet'à naxıgha sìghà ha t'à naxıts'ǫ̀ goıhde ı̨lè, weghǫ edèdaehdı-le wek'èahsǫ hǫt'e. Ełets'eèhdìı gonı eyıts'ǫ naxıkǫ̀ goyìı hazǫǫ̀ hoghànaxeèhtǫ ı̨lè.

Zezì Wecheekeèdeè 20:30

Naxıta gots'ǫ kò dǫ mǫ̀hdaa Nǫ̀htsı̨ wecheekeè edek'ę̀ę̀ agogele ha gı̨ı̨wǫ t'à, godı ehkw'ıı sìı ekǫ-le agele ha.

1 Tımothy 5:12

Hagejà nı̨dè Zezì ghàyatıgı̨ı̨ɂǫǫ sìı nàgı̨ı̨zhì t'à gısınìyaetıì adegììdlà hǫt'e.

Tıtus 1:11

Hagedı-le agedle ha hǫt'e. Hagììdlà-le nı̨dè, ełèot'ı̨ ełek'èch'a geedaà agogele ha, ayìı hoghàgogeehtǫǫ sìı hanì hoghàgogeehtǫ ha-le ı̨lè. Haget'ı̨ t'à sǫǫ̀mba łǫ gıts'ǫ̀ ade ha gı̨ı̨wǫ.

James 3:10

Gowà et'ıì t'à Nǫ̀htsı̨ weghàsǫts'eedı eyıts'ǫ wet'à dǫ ts'ǫ̀ nàdahots'eeɂà. Sèot'ı̨ı̨, hanì ha dìì.

1 Peter 4:15

Naxıgha hoìla nı̨dè dǫ ełaahwho k'èxa welè-le, eeɂį̀ı̨-dǫǫ̀ aaht'e k'èxa welè-le, dǫjıı aaht'e k'èxa welè-le, eyıts'ǫ dǫ naxıìdı geeda-le kò gıghǫ goahde k'èxa welè-le.

3 John 1:10

Eyıt'à naxıts'ǫ̀ nèehtła nı̨dè dànì k'ehoɂa xè yatıjıı t'à goghǫ godee sìı ghǫ naxıts'ǫ̀ gohde ha. Hanì k'ehoɂa wegha hòt'a-le t'à, gots'ǫ dǫ ekǫ aget'ı̨ ha goı̨hwhǫ-le. Dǫ hagı̨ı̨wǫǫ sìı haget'ı̨ ha-le gòhdı xè Nǫ̀htsı̨ wecheekeè gıta gots'ǫ nagoèhɂà.