1 Tımothy 5:11 - Nǫ̀htsı̨ Nı̨htł'è

¹¹ Ekò ts'èko ı̨łaà gıghoò łǫ-le et'ıì gıdǫǫ̀ ełaı̨dèe sìı gıts'àahdı gha gıızì dek'enèahtł'è-le. Zezì-Krı ts'ǫ̀ yatı nàtsoo gèhtsı̨ sǫnı kò nǫǫde nı̨dè dǫzhìı gı̨ı̨wǫǫ̀ agede ha eyıts'ǫ honìgedè gı̨ı̨wǫ ha sǫnı.

1 Tımothy 5:11 ပူးပေါင်းရင်းမြစ်များ

1 Tımothy 4:3

Hots'et'ı̨ı̨ sìı ehkw'ı nıìle gedı ha, eyıts'ǫ weghǫ shèts'ezhee mǫ̀hdaa geɂà-le agogehɂı̨ ha. Nǫ̀htsı̨ weghǫ shèts'ezhee yèhtsı̨ hǫt'e, eyıt'à dǫ gıgha ehkw'ı-ahodıı xè nàowo ehkw'ıı k'ègeezǫǫ sìı gıghǫ shèzhe xè weghǫ masì gı̨ı̨wǫ ha hǫt'e.

1 Tımothy 5:12

Hagejà nı̨dè Zezì ghàyatıgı̨ı̨ɂǫǫ sìı nàgı̨ı̨zhì t'à gısınìyaetıì adegììdlà hǫt'e.

1 Tımothy 5:14

Eyıt'à ts'èko gıghoò łǫ-le et'ıì gıdǫǫ̀ ełaı̨dèe sìı honìgııdè kò dehwhǫ hǫt'e. Gıza gǫ̀hłı̨ xè edekǫ̀ k'ègedì kò eyı denahk'e gıgha nezı̨ hǫt'e. Hanì-ı̨dè wehłı̨ı̨ goızì jıı ehtsı̨ ha gıghàhòɂà ha-le.

1 Tımothy 5:9

Ts'èko gıdǫǫ̀ ełaı̨dèe eyıts'ǫ ek'ètaènǫ daats'ǫ̀ gıghoò sìı ededı̨ zǫ gıızì dek'eèhtł'è aahłe. Gıdǫǫ̀ ı̨łè zǫ gòı̨lèe xè ededǫǫ̀ xè ehkw'ı gı̨ı̨dà nı̨dè,

James 5:5

Dıı nèk'e dǫ ahxee k'ę̀ę̀ aahda, eyıts'ǫ t'asìı hazǫǫ̀ edegha zǫ wet'à-aaht'ı̨. Tıts'aàdìı ełaàgıìhwhıı gha łek'à agehɂı̨ lanì gosınìyaetıı dzęę̀ gha dǫ ahxee edèwhahtsı̨.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.

John Wenazhıı 18:3

Dǫ hazǫǫ̀ xàɂaa eyı ts'èkojıı wets'ǫ jìetì gıadǫ xè wenàowojıı k'ę̀ę̀ eghàlagı̨ı̨dà. Dıı nèk'e ts'ǫ k'àowocho gıxè hołı̨ı̨ hogèhtsı̨ eyıts'ǫ dıı nèk'e ts'ǫ k'aàwı yets'ǫ t'asìı wèdaat'ı̨ı̨ t'à ahxe gehłè,” yak'eet'ı̨į̀ hadıì ezeh.

John Wenazhıı 18:7

T'asìı wèdaat'ı̨ı̨ łǫ xàɂaa wets'ǫ t'à ahxe k'ę̀ę̀ nàdè adììdlà. Eyı t'aànì enıìyah xè ahxe k'ę̀ę̀ ı̨ı̨dà xèht'eè daı̨ɂa xè wedzeè nànııtì aweahłe. Edeghǫ xàhodì gode, edets'ǫ̀ hadı, ‘Ts'èko-k'àowo aht'e t'à daèhchı̨cho k'e whıhda. Ts'èko wedǫǫ̀ wegà ełaı̨wo aht'e nıìle eyıts'ǫ sedzeè nànııtì hǫı̨lı̨ ha nıìle,’ edets'ǫ̀ hadı.

John Wenazhıı 18:9

“Dıı nèk'e k'àowocho yexè hołı̨ı̨ hogèhtsı̨ xè wets'ǫ t'asìı wèdaat'ı̨ı̨ łǫ t'à ahxe gehłèe sìı gıghàeda ha hǫt'e. Wek'eek'ǫ̀ ts'ǫ ło gıghàeda t'à gıdzeè nànııtìı xè weghǫ getse ha hǫt'e.