1 Tımothy 5:1 - Nǫ̀htsı̨ Nı̨htł'è

¹ Ǫhdah ekǫ-le hòèhtsı̨ nı̨dè yatı nàtsoo t'à wets'ǫ̀ goı̨de-le, hanìkò netà ts'ǫ̀ goı̨de lanì weghǫnàdaı̨tì. Eyıts'ǫ cheko sìı nechı lanì gıts'ǫ̀ k'ehoı̨ɂa.

1 Tımothy 5:1 ပူးပေါင်းရင်းမြစ်များ

Matthew 23:8

“Hanìkò naxı̨ sìı dǫ ‘K'àowo’ naxègedıì naxegıızı ha-le. K'àowo ı̨łè zǫ naxıts'ǫ hǫt'e, naxı̨ hazǫǫ̀ ełèot'ı̨ aaht'e.

Zezì Wecheekeèdeè 14:23

Paul eyıts'ǫ Barnabas kǫ̀ta k'egıadèe sìı Nǫ̀htsı̨ wecheekeè gha k'aodèe gį̀į̀hchì. Yagehtıı xè edegegǫ t'à Nǫ̀htsı̨ ghàgogį̀ı̨la, Nǫ̀htsı̨ ghǫ gınì nàtso t'à.

Zezì Wecheekeèdeè 15:4

Jerusalem nègı̨ı̨de ekò Zezì wecheekeèdeè, Nǫ̀htsı̨ wecheekeè eyıts'ǫ gogha k'aodèe gı̨ı̨lı̨ı̨ sìı gınà xè goxè ełègede. Paul eyıts'ǫ Barnabas dànì Nǫ̀htsı̨ goxè eghàlaı̨dàa sìı hazǫǫ̀ gots'ǫ̀ hagedı.

Zezì Wecheekeèdeè 15:6

Zezì wecheekeèdeè eyıts'ǫ k'aodèe gı̨ı̨lı̨ı̨ sìı eyı ghǫ gogede ha ełègede.

Zezì Wecheekeèdeè 20:17

Kǫ̀ta Mıletus nììtła ekò Ephesus gots'ǫ Nǫ̀htsı̨ wecheekeè gha k'aodèe gı̨ı̨lı̨ı̨ sìı gokàehɂà.

Rome 13:7

Eyıt'à dǫ ts'ǫ̀ naxını̨htł'è gǫ̀hłı̨ nı̨dè naxını̨htł'è naahłe. Dèe-ts'ǫ̀-k'àowo ts'àts'eehdì ts'ǫǫ̀hk'e naxını̨htł'è nı̨dè naxını̨htł'è naahłe. Eyıts'ǫ k'aodèe hazǫǫ̀ gıts'ǫ̀ nezı̨į̀ naahɂa xè gıghàhoahdì ha hòɂǫ nı̨dè, hanì gıts'ǫ̀ naahɂa.

Galatıa 6:1

Sèot'ı̨ı̨, naxı̨ Yedàyeh Nezı̨ı̨ k'ę̀ę̀ aahdaa sìı dǫ hołı̨ı̨ hòèhtsı̨ wek'èahsǫ nı̨dè, eyı dǫ wets'ǫ̀ naxıdzeè nezı̨ı̨ t'à ehkw'ı edaà aweahłe. Hanìkò edexoahdı, naxı̨ sı hołı̨ı̨ nàowoò t'à naxeèdzà ha sǫnı.

1 Tımothy 5:17

Nǫ̀htsı̨ wecheekeè gha k'aodèe gı̨ı̨lı̨ı̨ sìı nezı̨į̀ edılaà eghàlageedaa k'èxa nezı̨į̀ gıts'ǫ̀ nageɂa welì. Dǫ Nǫ̀htsı̨ yatıì t'à gogedee xè dǫ hoghàgogeehtǫǫ sìı wek'èxa denahk'e hanì nezı̨į̀ gıts'ǫ̀ nageɂa welì.

1 Tımothy 5:2

Ts'èko ǫhdaà sìı nemǫ lagı̨ı̨hwhǫ, eyıts'ǫ t'eeko sı nedè lagı̨ı̨hwhǫ; gıts'ǫ̀ nınì-jıı welè-le.

Tıtus 2:2

Naxıta gots'ǫ dǫzhìı ǫhdaà sìı hotıì edexogııhdı ha hoghàgı̨ı̨htǫ. Ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Nàowołı̨ı̨ ch'à edek'ègedì ha, nàowo ehkw'ıı k'ę̀ę̀ gıgha ehkw'ı-ahodı ha hǫt'e, dǫ ghǫnegeètǫ ha eyıts'ǫ t'aats'ǫǫ̀ gınì nàtso ha hǫt'e.

Tıtus 2:6

Eyı xèht'eè cheko sìı nàowołı̨ı̨ ch'à edek'ègedì gha hotıì gıts'ǫ̀ goı̨de.

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

James 5:14

Dǫ eyaelı̨ nı̨dè Nǫ̀htsı̨ wecheekeè gha k'aodèe gı̨ı̨lı̨ı̨ sìı gokayawehtı. Gots'ǫ̀ K'àowo wedahxà degaı-tłeè wek'e agele xè gık'eèyahtı ha hǫt'e.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

2 John 1:1

Sı̨ Zezì wecheekeèdeè aht'ee, Nǫ̀htsı̨ edegha dǫ gòį̀hchìı sìı gıts'ǫ̀ eehtł'è. Nàowo ehkw'ıı k'ę̀ę̀ gıghǫneehtǫ, sı̨ zǫǫ̀-le, hanìkò dǫ hazǫǫ̀ nàowo ehkw'ıı k'èhogeezǫǫ sìı ededı̨ sı goghǫnegeètǫ hǫt'e.

3 John 1:1

Sı̨ Zezì-Krı wecheekeèdeè aht'ee sìı seàgı̨ą Gaıus nàowo ehkw'ıı k'ę̀ę̀ weghǫneehtǫǫ sìı wets'ǫ̀ eehtł'è hǫt'e.

John Wenazhıı 4:4

Eyı daèhchı̨cho wemǫǫ̀ daèhchı̨cho naènǫ-daats'ǫ̀-dı̨ whela. Ǫhdah naènǫ-daats'ǫ̀-dı̨ gık'e dèhkw'e. Goht'ǫ degoo yìı geèhkw'e eyıts'ǫ sǫǫ̀mbaekwo kwìt'ıì gık'e whela.