1 Tımothy 4:6 - Nǫ̀htsı̨ Nı̨htł'è

⁶ Gòet'ı̨ hanì hoghàgı̨ı̨htǫ nı̨dè, Zezì-Krı wegha nezı̨į̀ eghàlaı̨da ha hǫt'e. Haąt'ı̨ nı̨dè Zezì-Krı weyatıì ehkw'ıı wet'à negeèhsǫǫ sìı wek'ę̀ę̀ anet'ı̨ hǫt'e, eyıts'ǫ ayìı ehkw'ıı hoghàneètǫǫ xè ayìı wek'èaneet'èe sìı wek'ę̀ę̀ eghàlaı̨da ha hǫt'e.

1 Tımothy 4:6 ပူးပေါင်းရင်းမြစ်များ

Matthew 13:52

Zezì gots'ǫ̀ hadı, “Nǫ̀htsı̨-yatıì-k'èdìı-dǫǫ̀ Nǫ̀htsı̨ Wenàowoò k'ę̀ę̀ hoghàweehtǫ nı̨dè dǫ ahxee lanì hǫt'e. Eyı dǫ whaà gots'ǫ t'asìı nezı̨ı̨ eyıts'ǫ t'asìı nezı̨ı̨ wegòò edets'ǫ xehkǫ̀ gots'ǫ xàyele hǫt'e.”

Luke 1:3

Eyıt'à sı̨ sı eyı godı nezı̨ı̨ dànì wexèhǫǫ̀woo sìı, deghàà wexàehta ı̨lè. Negha deghàà dek'enèehtł'è ha dehwhǫ.

Zezì Wecheekeèdeè 1:15

Ekìıyeè k'e Peter dǫ gıgha ehkw'ı-ahodıı sìı gots'ǫ̀ gode ha gota nàwo. (Dǫ ı̨łèakw'eènǫ-daats'ǫ̀-naènǫ haàtłǫǫ goyìı geèhkw'e.)

Zezì Wecheekeèdeè 20:31

Eyıt'à sıì kexoahdı! Taı xo gots'ǫ̀, dzę, to senatì xè naxıghǫnatıehɂà ghǫ naht'è-le, eyı wenaahdì.

Zezì Wecheekeèdeè 20:35

T'asìı hazǫǫ̀ ghàlaıhdàa sìı hanì hòtł'ò eghàlats'eeda t'à dǫ-teèt'ı̨ı̨ ts'àts'edı ha hǫt'e, eyı wek'èahsǫ anaxèhłà. Gots'ǫ̀ K'àowo Zezì, ededı̨ dàdıı sìı wenats'edì ha hǫt'e: ‘Dǫ ghàts'eedıı sìı t'asìı goghǫ̀t'à nahk'e nezı̨ hǫt'e,’ gòhdı ı̨lè.”

Rome 15:15

K'achı̨ wenaahdì ha dehwhǫ t'à, edèdaehdı-le xè t'asìı mǫ̀hdaa weghǫ naxıts'ǫ̀ ııtł'è hǫt'e. Nǫ̀htsı̨ wesǫnıwǫ ts'ıhɂǫ̀ wecheekeèdeè ehłı̨ ha seghàhòı̨ɂǫ hǫt'e, eyıt'à hanì naxıts'ǫ̀ eehtł'è.

1 Corınth 4:17

Eyıt'à Tımothy naxıts'ǫ̀ weehɂà ha hǫt'e. Seza lanì weghǫneehtǫ, gots'ǫ̀ K'àowo gha wınì nàtso. Dànì Zezì-Krı wegha ehdaa sìı naxıts'ǫ̀ hadı ha. Kǫ̀ta hazǫǫ̀ Nǫ̀htsı̨ wecheekeè dànì hoghàgeehtǫǫ sìı t'aats'ǫǫ̀ hanì ehda hǫt'e.

2 Corınth 11:23

Zezì-Krı wecheekeè agı̨ı̨t'e nì? Sı̨ gınahk'e wecheekeèdeè aht'e. (Sıì ezhı̨ne k'ę̀ę̀ gohde laehsı̨.) Gınahk'e hòtł'ò eghàlaıhdà, gınahk'e dǫ-danìı̨laa-kǫ̀ ıhdà, gınahk'e nàsegı̨ı̨hkwa, eyıts'ǫ gınahk'e gǫı̨tłǫǫ̀ ełaıhwho-t'e.

2 Corınth 3:6

Nakenahòdlı̨ı̨ wegòò k'ę̀ę̀ nezı̨į̀ eghàlats'eeda gha wecheekeè ts'ı̨ı̨lı̨į̀ agǫ̀ǫ̀là. Eyı nàowo gòò sìı nàowo zǫą xèht'eè nıìle, hanìkò Yedàyeh Nezı̨ı̨ wenàowoò hǫt'e. Nàowo zǫą dek'eèhtł'èe sìı ełaàts'edeè agohɂı̨, hanìkò Yedàyeh Nezı̨ı̨ wet'à ts'eeda hǫt'e.

2 Corınth 6:4

Hanìkò t'asìı hazǫǫ̀ ghàlats'eeda weghàà Nǫ̀htsı̨ xàè wecheekeè ats'ı̨ı̨t'ee sìı dǫ gık'èezǫ ha: dànì ts'èwhı̨į̀ dats'ı̨ı̨ɂa t'à, dànì goxè hoìla łǫ t'à, dànì gogha dìì agot'į̀ t'à, dànì goxè hoejı̨ k'ehokw'o t'à;

Ephesus 6:21

Tychıcus, sèot'ı̨ weghǫneehtǫǫ sìı t'aats'ǫǫ̀ gots'ǫ̀ K'àowo gha eghàlaeda hǫt'e. Sexè dàgǫ̀ht'ee sìı hazǫǫ̀ yeghǫ naxıxè godo ha, hanì-ı̨dè dànì sexè hòɂǫǫ eyıts'ǫ ayìı ghàlaehdaa sìı wek'èahsǫ ha.

Phılıppı 2:20

Tımothy wexèht'eè dǫ naxıts'ǫ̀ ahłe ha gǫ̀hłı̨-le, dàaht'ee sìı yek'èezǫ ha nıwǫ eyıts'ǫ naxıxè sìghà welè nıwǫ t'à.

Phılıppı 2:22

Hanìkò Tımothy ededı̨ sìı hòtł'ò eghàlaı̨dà, wek'èahsǫ hǫt'e. Seza lanì eyıts'ǫ sı̨ wetà laht'e, hanì t'à ełexè eghàladıìda, godı nezı̨ı̨ t'à dǫ xè gots'ado.

Phılıppı 3:16

Hanìkò dànì goınì nàtso xè gots'ı̨ı̨zǫǫ̀ ats'ejàa sìı wek'ę̀ę̀ ts'eeda welì.

Colosse 2:19

Zezì gokwì elı̨ı̨ sìı xè aget'ı̨-le agejà t'à aget'ı̨. Goxı̨ wezhį̀į̀ lats'ı̨ı̨t'ee sìı hazǫǫ̀ dǫ ı̨łè zǫ lats'ı̨ı̨t'e, godzats'ìı eyıts'ǫ gokw'èh t'à gozhį̀į̀ hazǫǫ̀ yàłııtǫ̀. Zezì gokwì elı̨ lanì ts'ıhɂǫ̀ goxı̨ wezhį̀į̀ ts'ı̨ı̨lı̨ı̨ sìı Nǫ̀htsı̨ ełexè ts'eezheè agohɂı̨ hǫt'e.

Colosse 3:16

Zezì-Krı weyatıì hazǫǫ̀ naxıdzeè yìı t'aats'ǫǫ̀ wet'à goahsǫ aahda, eyıts'ǫ wet'à hoghàłaahtǫ xè nezı̨į̀ ełek'èahdì. Naxıdzeè t'à Nǫ̀htsı̨ masì weahwhǫ eyıts'ǫ shı̨ xàɂaa t'à wegha aahjı̨.

Colosse 4:7

Seàgı̨ą Tychıcus seghǫ godı hazǫǫ̀ naxıts'ǫ̀ hadı ha. Eyı sechı weghǫneehtǫǫ sìı gots'ǫ̀ K'àowo wecheekeè elı̨ hǫt'e, t'aats'ǫǫ̀ godı nezı̨ı̨ gha eghàlaeda.

1 Thessalonıca 3:2

Gòet'ı̨ Tımothy, Nǫ̀htsı̨ gha eghàlaedaa eyıts'ǫ goxè Zezì-Krı wegodıì nezı̨ı̨ k'eɂaa sìı naxınì nàtsoò ayele ha, eyıts'ǫ denahk'e naxıgha ehkw'ı-ahodı gha naxıts'ǫ̀ wets'ı̨ı̨hɂà hǫt'e.

1 Tımothy 1:10

ełexè hołı̨ı̨ hogehtsı̨ı̨ dǫǫ̀, dǫzhìı hołı̨ı̨ k'ę̀ę̀ ełek'alagedèe dǫǫ̀, dǫ gıghǫ nàedìı dǫǫ̀, hogets'ìı-dǫǫ̀, eyıts'ǫ nàyaetıı gonı ehkw'ı xàyagehtı-le dǫǫ̀. Dǫ hazǫǫ̀ Nǫ̀htsı̨ enıìyah t'à wegodıì nezı̨ı̨ k'ę̀ę̀ hoghàgoetǫ k'èch'a eghàlageedaa sìı gıgha adlà hǫt'e. Nǫ̀htsı̨ weghàsǫts'eedıı sìı wegodıì t'à dǫ hoghàgeehtǫ ha setł'aà wheɂǫǫ̀ ayį̀į̀là hǫt'e.

1 Tımothy 4:16

Eyıt'à dànì ı̨daa eyıts'ǫ ayìı dǫ hoghàı̨htǫǫ sìı t'à hotıì edexonehdı. Nàowo ehkw'ıı t'aats'ǫǫ̀ netǫ̀. Hanì ı̨da nı̨dè edaxàdı̨ı̨tè ha, eyıts'ǫ dǫ negeèhkw'ǫǫ sı edaxàgı̨ı̨le ha.

1 Tımothy 6:3

Dǫ ekǫ-le hoghàgoehtǫǫ xè gots'ǫ̀ K'àowo Zezì weyatıì ehkw'ıı sìı k'ę̀ę̀ anıwǫ-le, eyıts'ǫ Nǫ̀htsı̨ nàowoò k'èch'a dǫ hoghàehtǫǫ sìı,

2 Tımothy 1:6

Eyı ts'ıhɂǫ̀ Nǫ̀htsı̨ edets'ǫ t'asìı nezı̨ı̨ neghàı̨ɂǫǫ sìı deɂǫ̀ǫ̀ wet'à nezı̨į̀ eghàlaı̨da. Sılà nek'e ahłà xè nek'eèyahtı t'à Nǫ̀htsı̨ wets'ǫ t'asìı nezı̨ı̨ nedzeè yìı ajàa sìı wenaądì.

2 Tımothy 3:10

Hanìkò nı̨ sìı ayìı hoghàehtǫǫ, dànì ehdaa, ayìı gha eghàlaehdaa, dànì segha ehkw'ı-ahodıı, dànì ts'èwhı̨į̀ dehwhǫǫ, dànì dǫ gıghǫneehtǫǫ, daıhɂà sǫnı kò sınì nàtso xè ehdaa, hazǫǫ̀ wek'èı̨zǫ hǫt'e.

2 Tımothy 4:3

Įdaà nı̨dè dǫ sìı nàowo ehkw'ıı ka-egeèhkw'ǫ ha-le agode ha. Dàgı̨ı̨wǫǫ sìı zǫ k'ę̀ę̀ hoghàgoetǫ gı̨ı̨wǫ ha. Ayìı geèhkw'ǫ hagı̨ı̨wǫǫ sìı t'à hoghàgeetǫ gha hoghàehtǫǫ-dǫǫ̀ łǫ edegha nègele ha.

Tıtus 2:1

Ekò nı̨ sìı nàowo ehkw'ıı k'ę̀ę̀ dǫ hoghàgı̨ı̨htǫ ha hǫt'e.

1 Peter 2:2

Bebìa k'ǫǫ̀t'a dǫ gı̨ı̨lı̨ı̨ sìı edemǫ wet'ò wedeèdlı̨ı̨ ghageewı lanì Nǫ̀htsı̨ wenàowoò ghaahwhı welì. Hanì-ı̨dè edaxàahdè gha naxınì nàtsoò ade ha,

2 John 1:9

Amìı Zezì nakweè ts'ıɂǫ̀ tı̨mǫeda xè Zezì wegodıì hoghàweètǫǫ sìı yek'èdì-le nı̨dè Nǫ̀htsı̨ yexè at'ı̨ nıìle. Ekò amìı t'aats'ǫǫ̀ Zezì wegodıì k'èdìı sìı Nǫ̀htsı̨-Gotà eyıts'ǫ Weza wexè agı̨ı̨t'e hǫt'e.

Jude 1:5

Nǫ̀htsı̨ edets'ǫ dǫ Egypt nèk'e gots'ǫ xàgoèwa tł'axǫǫ̀ dǫ Nǫ̀htsı̨ gıgha ehkw'ı-ahodı ha gı̨ı̨wǫ-le sìı godıhòèhtsı̨ ı̨lè. Eyı hazǫǫ̀ hòt'a wek'èahsǫ kò, wenaahdì anaxehłe ha dehwhǫ.