1 Tımothy 4:14 - Nǫ̀htsı̨ Nı̨htł'è

¹⁴ Ayìı neghǫ̀t'ǫǫ sìı wek'ę̀ę̀ eghàlaı̨da, wedę anele-le. Nǫ̀htsı̨ wets'ǫ dǫ k'aodèe edılà nek'e agį̀į̀là ekò Yedàyeh Nezı̨ı̨ dahxà neghǫ xàyagı̨ı̨htı ı̨lè hǫt'e.

1 Tımothy 4:14 ပူးပေါင်းရင်းမြစ်များ

Zezì Wecheekeèdeè 11:30

Sǫǫ̀mba nàgı̨ı̨htsı̨ı̨ sìı Judea nèk'e Nǫ̀htsı̨ wecheekeè gha k'aodèe gı̨ı̨lı̨ı̨ sìı gots'ǫ̀ agele ha t'à, Barnabas eyıts'ǫ Saul ghàgı̨ı̨wa.

Zezì Wecheekeèdeè 13:3

Eyıt'à Nǫ̀htsı̨ wecheekeè edegıagǫ xè yagı̨ı̨htı tł'axǫǫ̀ edılà Barnabas eyıts'ǫ Saul gok'e agį̀į̀là gà gok'eèyagı̨ı̨htı. Eyı tł'axǫǫ̀ edı̨į̀ ts'ǫ̀ agede ha sìı ts'ǫ̀ gogeèhɂà.

Zezì Wecheekeèdeè 19:6

Paul edılà gok'e ayį̀į̀là t'à Yedàyeh Nezı̨ı̨ gık'e ajà. Yatı ładı̨ı̨ t'à gogedeè agejà eyıts'ǫ Yedàyeh Nezı̨ı̨ dahxà xàyagı̨ı̨htı.

Zezì Wecheekeèdeè 22:5

Yahtıı-wet'àaɂàa-deè eyıts'ǫ k'aodèe gı̨ı̨lı̨ı̨ sìı eyı gık'èezǫ t'à seghǫ gogede ha dìì-le. Kǫ̀ta Damaskus k'aodèe gı̨ı̨lı̨ı̨ ts'ǫ̀ segha gı̨ı̨tł'è ı̨lè. Damaskus ekǫ Zezì wenàowoò k'ę̀ę̀ agı̨ı̨wǫǫ sìı dageechı gà Jerusalem gıxè hoìla ha ekǫ ts'ǫ̀ agehłe ha dehwhǫ ı̨lè.

Zezì Wecheekeèdeè 6:6

Eyı dǫ haàtłǫǫ sìı Zezì wecheekeèdeè gà nègogį̀ı̨wa eyıts'ǫ gokwìt'a dageèhdì gà gok'eèyagı̨ı̨htı.

Zezì Wecheekeèdeè 8:17

Eyıt'à Peter eyıts'ǫ John gokwìt'a dageèhdì gà Yedàyeh Nezı̨ı̨ gık'e ajà.

1 Thessalonıca 5:19

Yedàyeh Nezı̨ı̨ naxıdzeè yìı kǫ̀ dèk'ǫ̀ǫ lanì eghàlaedaa sìı wekǫ̀ naahkwı-le.

1 Tımothy 1:18

Tımothy seza lanet'e, Yedàyeh Nezı̨ı̨ dahxà neghǫ nadąą̀ xàyagı̨ı̨htı ı̨lèe k'ę̀ę̀ yatı neghàehɂà ha. Dıı yatı nets'ǫ̀ eehtł'èe sìı wek'ènedì nı̨dè, nınì nàtso xè nàowo ehkw'ıı gha hòtł'ò eghàlaı̨da ha,

1 Tımothy 4:15

Eyı hazǫǫ̀ hòtł'ò weghàlaı̨da ha hǫt'e, eyıts'ǫ wegha nınì nàtso anehwhǫ, hanì-ı̨dè dànì Nǫ̀htsı̨ yatıì t'à nànetsoò anejàa sìı dǫ hazǫǫ̀ gık'èezǫ ha.

1 Tımothy 5:17

Nǫ̀htsı̨ wecheekeè gha k'aodèe gı̨ı̨lı̨ı̨ sìı nezı̨į̀ edılaà eghàlageedaa k'èxa nezı̨į̀ gıts'ǫ̀ nageɂa welì. Dǫ Nǫ̀htsı̨ yatıì t'à gogedee xè dǫ hoghàgogeehtǫǫ sìı wek'èxa denahk'e hanì nezı̨į̀ gıts'ǫ̀ nageɂa welì.

1 Tımothy 5:19

Dǫ ı̨łè zǫ weyatıì k'e naxıgha k'àowo k'e nìdahoet'à nı̨dè wǫǫ̀hkw'ǫ-le. Dǫ nàke, hanì-le-ı̨dè dǫ taı gıdaà ekǫ-le eghàlaı̨dà gedı nı̨dè zǫ gı̨į̀kw'ǫ ha.

1 Tımothy 5:22

Nǫ̀htsı̨ la eghàlageeda gha dǫ k'eèyatıı sìı ekòet'ıì nılà gık'e anele-le. Hanejà nı̨dè gıhołı̨į̀ k'ę̀ę̀ eghàlaı̨daà anede ha sǫnı. Hołı̨ı̨ nàowoò ch'à edek'ènedì.

1 Tımothy 6:12

Daneeɂa ha sǫnı kò, Zezì negha ehkw'ı-ahodıı sìı t'aats'ǫǫ̀ wek'ę̀ę̀ ı̨da. Dǫ gınadąą̀, “Zezì segha ehkw'ı-ahodı,” nı̨ı̨dıì xàyanehtı ekò, welǫ whìle ts'ǫ̀ ı̨da ha nekayaı̨htı. Eyı yatı nezı̨ı̨ neghǫ̀t'ǫǫ sìı wedı̨ı̨chı-le, hanì-ı̨dè welǫ whìle ts'ǫ̀ ı̨da ha hǫt'e.

2 Tımothy 1:6

Eyı ts'ıhɂǫ̀ Nǫ̀htsı̨ edets'ǫ t'asìı nezı̨ı̨ neghàı̨ɂǫǫ sìı deɂǫ̀ǫ̀ wet'à nezı̨į̀ eghàlaı̨da. Sılà nek'e ahłà xè nek'eèyahtı t'à Nǫ̀htsı̨ wets'ǫ t'asìı nezı̨ı̨ nedzeè yìı ajàa sìı wenaądì.