1 Tımothy 4:12 - Nǫ̀htsı̨ Nı̨htł'è

¹² Cheko anet'e t'à dǫ negı̨ı̨hwhǫ-le kò gıts'ǫnıɂà-le, hanìkò ı̨łaà dǫ nezı̨ı̨ k'ę̀ę̀ ı̨da. Eyıt'à dàı̨dıì goı̨dee, dànì k'ehoı̨ɂaa, dànì dǫ ghǫneę̀tǫǫ, dànì negha ehkw'ı-ahodıı xè degaı k'ę̀ę̀ ı̨da nı̨dè, dǫ nexègeɂı̨ ha dìì-le hǫt'e.

1 Tımothy 4:12 ပူးပေါင်းရင်းမြစ်များ

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

1 Corınth 11:1

Sı̨ Zezì-Krı wek'ę̀ę̀ k'ehoehɂa lanì sek'ę̀ę̀ k'ehoahɂa.

Phılıppı 4:8

Sèot'ı̨ı̨, nǫǫde t'à dıı hanaxèehsı̨ ha dehwhǫ: T'asìı ehkw'ıı ne sìı, wet'à dǫ nezı̨į̀ agı̨ı̨wǫ ha sìı, wet'à ehkw'ıı gòɂǫǫ, t'asìı nezı̨ı̨, t'asìı degaı, wet'à ełeghǫ masì ts'ı̨ı̨wǫǫ, eyıts'ǫ wet'à dǫ ełets'ıìt'ı̨ı̨, eyı hanıı hazǫǫ̀ wedaànıahdè.

1 Thessalonıca 1:6

Edànì ts'eedaa sìı goxèahɂı̨į̀ aahjà, eyıts'ǫ gots'ǫ̀ K'àowo sı wexèahɂı̨į̀ aahjà. Sıì daahɂaà anaxììdlà kò godı nezı̨ı̨ edegha ààhchı, eyıts'ǫ Yedàyeh Nezı̨ı̨ eyı godı nezı̨ı̨ ghǫ sıì naxınà anaxį̀į̀là hǫt'e.

1 Thessalonıca 2:10

Naxı̨ naxıgha ehkw'ı-ahodıı sìı dànì naxıta nàts'ı̨ı̨dè ghàà gok'èahsǫ eyıts'ǫ Nǫ̀htsı̨ sı yek'èezǫ hǫt'e. Degaı k'ę̀ę̀ ts'ı̨ı̨dàa, ehkw'ı k'ehots'ı̨ı̨ɂaa, eyıts'ǫ dǫ wı̨ı̨zìı t'asìı gok'e nìdahogį̀ı̨ɂǫ whìle.

1 Tımothy 1:14

Zezì-Krı wets'ıhɂǫ̀ Nǫ̀htsı̨ deɂǫ̀ǫ̀ sets'ǫ̀ sǫnıwǫ t'à segha ehkw'ı-ahodıì asį̀į̀là eyıts'ǫ dǫ ghǫneehtǫǫ̀ asį̀į̀là.

2 Tımothy 2:15

Nǫ̀htsı̨ wınì k'ę̀ę̀ eghàlaı̨da gha hòtł'ò edı̨į̀hdzà. Dǫ yegha nezı̨į̀ eghàlaı̨dàa sìı edeghǫ į̀į̀zhaelı̨ nıìle, eyıts'ǫ yatı ehkw'ıı sìı nezı̨į̀ dǫ hoghàehtǫ hǫt'e.

2 Tımothy 2:22

Cheko gınàowołı̨ı̨ ch'à edek'ènedì. Ehkw'ı zǫ k'ę̀ę̀ k'ehoı̨ɂa, t'aats'ǫǫ̀ Nǫ̀htsı̨ gha nınì nàtso anehwhǫ, dǫ ghǫneètǫ eyıts'ǫ ts'èwhı̨į̀ k'ehoı̨ɂa. Dǫ hazǫǫ̀ gıdzeè degaı xè Nǫ̀htsı̨ ghǫ gınì nàtsoo agı̨ı̨t'ee sìı hanì geeda hǫt'e.

2 Tımothy 2:7

Jǫ ayìı dànèehsı̨ı̨ sìı hotıì wedaànınewo, gots'ǫ̀ K'àowo eyı nezı̨į̀ wenıı̨dì anııle.

Tıtus 2:15

Dıı hazǫǫ̀ hoghàgı̨ı̨htǫ ha hǫt'e. Nǫ̀htsı̨ wedahxà gınì nàtsoò agı̨ı̨le, eyıts'ǫ hołı̨ı̨ wedę aahda gìı̨dı. Dǫ wı̨ı̨zìı neyatıì wet'àaɂà-le nı̨ı̨hwhǫ sǫ̀ǫ̀.

Tıtus 2:7

T'aats'ǫǫ̀ nezı̨į̀ k'ehoı̨ɂa, hanì-ı̨dè nexègeɂı̨ ha. Nàowo ehkw'ıı k'ę̀ę̀ eyıts'ǫ degaı k'ę̀ę̀ hoghàgı̨ı̨htǫ.

James 3:13

Naxıta dǫ gǫǫzǫ xè t'asìı nıedì edeewǫ nı̨dè ehkw'ı eda t'à wègaat'ı̨į̀ ayııle, eyıts'ǫ gǫǫzǫ t'à k'èeweèt'ı̨ k'ę̀ę̀ dǫ ts'ǫ̀ nezı̨į̀ eghàlaıdà.

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

1 Peter 5:3

Dǫ gıxoahdı ha anaxììdlàa sìı gıts'ǫ̀ k'adahoahdè-le, hanìkò Nǫ̀htsı̨ wesahzǫ̀ą gıgha k'aodèe nezı̨ı̨ aahłı̨, hanì-ı̨dè naxıxègeɂı̨į̀ agede ha hǫt'e.