1 Tımothy 3:4 - Nǫ̀htsı̨ Nı̨htł'è

⁴ Edekǫ̀ nezı̨į̀ gok'èdì ha, weza gık'èı̨t'e xè nezı̨į̀ gıts'ǫ̀ naɂa gha hoghàgoehtǫ ha.

1 Tımothy 3:4 ပူးပေါင်းရင်းမြစ်များ

Dànì Kèhoį̀wo 18:19

Sı̨ wììhchì hǫt'e. Edeza eyıts'ǫ wets'ıhɂǫ̀ǫ-dǫǫ̀ hazǫǫ̀ wetł'axǫǫ̀ geeda ha sìı senàowoò k'ègedì gha hoghàgoehtǫ ha t'à wììhchì hǫt'e. Ayìı ehkw'ıı sìı ghàlageeda ha, hanì-ı̨dè dànì Abraham xè yatı whıhtsı̨ı̨ sìı wek'ę̀ę̀ hòɂǫǫ̀ agohłe ha,” gots'ǫ̀ K'àowo hanıwǫ.

Zezì Wecheekeèdeè 10:2

Ededı̨ eyıts'ǫ wèot'ı̨ hazǫǫ̀ Nǫ̀htsı̨ k'èagı̨ı̨t'e ghǫ hòtł'ò agı̨ı̨wǫ. T'aats'ǫǫ̀ dǫ-teèt'ı̨ı̨ ts'àdı xè Nǫ̀htsı̨ ts'ǫ̀ yahtı.

Ephesus 5:24

Wecheekeè sìı Zezì-Krı k'èagı̨ı̨t'e lanì ts'èko sı t'asìı hazǫǫ̀ t'à ededǫǫ̀ k'èagı̨ı̨t'e ha hǫt'e.

Phılıppı 4:8

Sèot'ı̨ı̨, nǫǫde t'à dıı hanaxèehsı̨ ha dehwhǫ: T'asìı ehkw'ıı ne sìı, wet'à dǫ nezı̨į̀ agı̨ı̨wǫ ha sìı, wet'à ehkw'ıı gòɂǫǫ, t'asìı nezı̨ı̨, t'asìı degaı, wet'à ełeghǫ masì ts'ı̨ı̨wǫǫ, eyıts'ǫ wet'à dǫ ełets'ıìt'ı̨ı̨, eyı hanıı hazǫǫ̀ wedaànıahdè.

1 Tımothy 3:12

K'aodèe ts'àdıı elı̨ı̨ sìı wets'èkeè ı̨łè zǫ gǫ̀hłı̨ ha hǫt'e. Edekǫ̀ eyıts'ǫ edeza nezı̨į̀ gok'èdì ha hǫt'e.

Tıtus 1:6

Dǫ Nǫ̀htsı̨ wecheekeè gha k'àowo elı̨ı̨ sìı t'asìı wejıı wı̨ı̨zìı hohtsı̨ ha nıìle. Ts'èko ı̨łè zǫ wets'ǫ ha, eyıts'ǫ weza sı gıgha ehkw'ı-ahodı ha, sìgoèt'ı̨ı̨ zǫ gı̨ı̨wǫ ha-le eyı xè gık'èı̨t'e ha hǫt'e.

Tıtus 2:2

Naxıta gots'ǫ dǫzhìı ǫhdaà sìı hotıì edexogııhdı ha hoghàgı̨ı̨htǫ. Ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Nàowołı̨ı̨ ch'à edek'ègedì ha, nàowo ehkw'ıı k'ę̀ę̀ gıgha ehkw'ı-ahodı ha hǫt'e, dǫ ghǫnegeètǫ ha eyıts'ǫ t'aats'ǫǫ̀ gınì nàtso ha hǫt'e.

Tıtus 2:7

T'aats'ǫǫ̀ nezı̨į̀ k'ehoı̨ɂa, hanì-ı̨dè nexègeɂı̨ ha. Nàowo ehkw'ıı k'ę̀ę̀ eyıts'ǫ degaı k'ę̀ę̀ hoghàgı̨ı̨htǫ.