1 Tımothy 3:3 - Nǫ̀htsı̨ Nı̨htł'è

³ Yeèhdee-dǫǫ̀ elı̨ ha-le, wınì nàìtło ha-le, hanìkò dǫ ts'ǫ̀ wedzeè nezı̨ ha, dǫ ts'ǫ̀ nàyaehtı ha-le, eyıts'ǫ sǫǫ̀mba gha edì ha-le.

1 Tımothy 3:3 ပူးပေါင်းရင်းမြစ်များ

Matthew 21:13

Hagòhdı, “Dıı hanì dek'eèhtł'è hǫt'e: ‘Sekǫ̀ yats'ehtıı k'è gha gòɂǫ hǫt'e,’ hanìkò naxı̨ sìı ‘egeeɂį̀ı̨-dǫǫ̀ gha kǫ̀’ gòwhahtsı̨ hǫt'e,” gòhdı.

Zezì Wecheekeèdeè 20:33

Dǫ wı̨ı̨zìı wesǫǫ̀mbaà eyıts'ǫ wegoht'ǫǫ̀ gha aht'ı̨ nıìle.

Rome 16:18

Hanıı dǫ sìı gots'ǫ̀ K'àowo Zezì-Krı gha eghàlageeda nıìle, hanìkò edek'ę̀ę̀ zǫ eghàlageedà aget'ı̨. Nezı̨į̀ gogede xè dǫ ghǫ nezı̨į̀ agedı t'à, nàhotì-le dǫ gha ehkw'ı agedıı sìı goghǫyageeɂà aget'ı̨ hǫt'e.

Ephesus 5:18

Jìetì t'à deàhde-le, eyı sìı wet'à tsį̀daahwhı hǫt'e. Hanìkò Yedàyeh Nezı̨ı̨ hotıì naxıdzeè yìı nàdèe aweahłe.

1 Thessalonıca 5:14

Sèot'ı̨ı̨, dıı naxıghǫnàdats'eetì: Dǫ gots'egeedìı sìı yatı nàtsoo gıghàahɂà. Dǫ edègeejı̨ı̨ sìı gınì nàtsoò aahłe, dǫ nàgetso-le sìı gıts'àahdı, dǫ hazǫǫ̀ xè ts'èwhı̨į̀ k'ehoahɂa.

1 Tımothy 3:8

Eyı lanì k'aodèe ts'àgedıı gı̨ı̨lı̨ı̨ sìı ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Eyı dǫ hanıı sìı gıdzeè ehkw'ı ha hǫt'e, jìetì geedè ha-le, eyıts'ǫ t'asìı ghǫ egedì-le ha-le xè dǫ ghǫyageeɂà ha nıìle.

2 Tımothy 3:2

Dǫ ededı̨ zǫ edeghǫnegeètǫ ha, sǫǫ̀mba ghageewı ha, xàhogedì agede xè xàdahogedì ha, nàdahogeeɂà ha, edèot'ı̨ k'èagı̨ı̨t'e ha-le, masì gı̨ı̨wǫ ha-le, degaı nàowoò dę geeda ha,

Tıtus 1:11

Hagedı-le agedle ha hǫt'e. Hagììdlà-le nı̨dè, ełèot'ı̨ ełek'èch'a geedaà agogele ha, ayìı hoghàgogeehtǫǫ sìı hanì hoghàgogeehtǫ ha-le ı̨lè. Haget'ı̨ t'à sǫǫ̀mba łǫ gıts'ǫ̀ ade ha gı̨ı̨wǫ.

Tıtus 1:7

K'àowo elı̨ı̨ sìı Nǫ̀htsı̨ wılaà weghǫ̀t'ǫ ne t'à, t'asìı wejıı wı̨ı̨zìı hohtsı̨ ha-le. Wekwì nàtso xè xàhodì ha-le, yeèhdee-dǫǫ̀ elı̨ ha-le, wınì nàìtło xè wenàhǫǫht'è ha-le, eyıts'ǫ hots'ì t'à t'asìı ghǫ edì ha-le.

Tıtus 2:3

Eyı lanì ts'èko ǫhdaà sìı nàowo degaı k'ę̀ę̀ geeda gha hoghàgı̨ı̨htǫ. Dǫ gıızì jıı gııhtsı̨-le, jìetì ghageede ha-le, hanìkò t'asìı nezı̨ı̨ sìı hoghàgogııhtǫ.

Tıtus 3:2

Dǫ gıızì jıı gııhtsı̨-le, dǫ hazǫǫ̀ ts'ǫ̀ ts'èwhı̨į̀ gııdà, gıdzeè nezı̨ı̨ t'à dǫ daànıgedè ha eyıts'ǫ dǫ hazǫǫ̀ ts'ǫ̀ k'èeweèt'ı̨ k'ę̀ę̀ geeda ha hǫt'e.

Hebrew 13:5

Sǫǫ̀mba ghaahwhı ch'à edek'èahdì, eyıts'ǫ ayìı naxıts'ǫ sìı wet'à naxınà welè. Nǫ̀htsı̨ dıı hadı t'à, “Naxıts'ǫǫ̀ ahde hǫı̨lı̨ ha nıìle, ɂǫ̀naxeehdè hǫı̨lı̨ ha nıìle,” hadı, dek'eèhtł'è.

James 4:1

Ayìı ts'ıhɂǫ̀ ełets'ǫ̀ ààhch'e xè ełek'èch'a aahdı? Naxıdzeè yìı hołı̨ı̨ nàowoò naxık'alawo t'à ełets'ǫ̀ ààhch'e hǫt'e.

1 Peter 5:2

Nǫ̀htsı̨ wesahzǫ̀ą nezı̨į̀ gık'èahdì. Eyı la naxıghǫ̀t'ǫ ne t'à, k'àowo nezı̨ı̨ aahłı̨. Hanì naxıgha hòɂǫ zǫ t'à gıxoahdı-le, hanìkò Nǫ̀htsı̨ wınì k'ę̀ę̀ naxıdzeè t'à gıxoahdı. Sǫǫ̀mba ghǫ hòtł'ò aahwhǫ-le, hanìkò dǫ ts'àahdı gha ts'atà dahkw'e.

2 Peter 2:3

Eyı dǫ hoghàgogeehtǫǫ sìı t'asìı gha egedì-le t'à ededı̨ godı gèhtsı̨ı̨ sìı t'à naxıxè gogedo. Whaà gots'ǫ nàgeekwa ha gıgha hòɂǫ hǫt'e, hanìkò amìı godıhohtsı̨ ha sìı whetı̨ nıìle.

Jude 1:11

Gıxè hoìla nechà ha! Adǫ̀ weza Caın wenàowołı̨ı̨ k'ę̀ę̀ geède hǫt'e. Įnę̀ę gots'ǫ Balaam ekǫ-le hòèhtsı̨ lanì sǫǫ̀mba gha nàhogehdè, eyıts'ǫ Korah Nǫ̀htsı̨ k'èch'a hòèhtsı̨ lanì gıdıhołè ha hǫt'e.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.