1 Tımothy 3:16 - Nǫ̀htsı̨ Nı̨htł'è

¹⁶ Nǫ̀htsı̨ Zezì weghǫ ayìı k'èts'eezǫǫ̀ agǫ̀ǫ̀làa sìı sıì enıìyah dìì: Dǫ k'ę̀ę̀ wègoèht'į̀ı̨, Yedàyeh Nezı̨ı̨ ehkw'ı eghàlaı̨dà yeghǫ hadı, yak'eet'ı̨į̀ ts'ǫ̀ wègoèht'į̀ı̨, wegodıì dǫ hazǫǫ̀ xàɂaa ts'ǫ̀ nègı̨ı̨ɂǫǫ, hazǫǫ̀ nèk'e wegodıì dǫ gıgha ehkw'ı-ahodı, eyıts'ǫ enıìyah xè ı̨dòo yak'e ts'ǫ̀ nıwıìtı̨.

1 Tımothy 3:16 ပူးပေါင်းရင်းမြစ်များ

Matthew 1:23

“T'eekogòò hotıì eda-le ade ha, dǫzhìa nìhtè ha eyıts'ǫ Emmanuel wìyeh ha,” hadı ı̨lè. (Emmanuel ts'edıı sìı “Nǫ̀htsı̨ goxè nàwo” ts'edıì-ats'edı.)

Matthew 13:11

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı hanì gıghàhòt'ǫ nıìle.

Matthew 28:2

Hǫtsaa dèè hòtł'ò nàgoèhdǫ. Gots'ǫ̀ K'àowo weyak'eet'ı̨į̀ yak'e gots'ǫ kwe yìı gòɂǫǫ ts'ǫ̀ hodàèhtła, kwe nechàa enìı̨ɂǫǫ sìı yı̨ı̨ɂǫ̀ǫ̀ deyeèyı̨ gà yeka wheda.

Matthew 3:16

Zezì wek'ètaìdzǫ ts'ǫ̀et'ıì tı yìı gots'ǫ nıìtła ekò hǫtsaa yak'e ehts'ǫǫ̀ ajà. Yedàyeh Nezı̨ı̨ k'àba degoo lanı yek'e daàhtła, Zezì yaɂı̨.

Matthew 4:11

Eyı tł'axǫǫ̀ wehłı̨ı̨ yets'ǫǫ̀ nàèhtła. Ekòet'ıì yak'eet'ı̨į̀ Zezì gà nègı̨ı̨de xè yeghǫ shètı̨ gıghàı̨dì.

Mark 1:13

Dı̨ènǫ dzęę̀ ts'ǫ̀ ekǫ èlı̨ ekò wehłı̨ı̨ yeèhdzà. Zezì tıts'aàdìı gonı aı̨t'è, eyıts'ǫ yak'eet'ı̨į̀ Zezì gà nègı̨ı̨de xè yeghǫ shètı̨ gıghàı̨dì.

Mark 16:19

Gots'ǫ̀ K'àowo hanì gots'ǫ̀ goı̨de tł'axǫǫ̀ ı̨dòo yak'e ts'ǫ̀ nıwıìtı̨ eyıts'ǫ Nǫ̀htsı̨ gà nàgòts'ehnèe wheda.

Mark 16:5

Kwe yìı Zezì wekw'ǫǫ̀ whetǫǫ k'è goyageède ekò nàgòts'ehnèe k'e cheko wheda gıaɂı̨. ɂeh degoo nedèe yìı wheda. Ts'èko gıaɂı̨ ekò sıì dahdzıgı̨ı̨dè.

Luke 2:32

Dǫ hazǫǫ̀ Israel got'ı̨į̀ gı̨ı̨lı̨-le sìı gogha dzęh nı̨ı̨dı̨ı̨ elı̨ t'à gıgha xègaat'ı̨ ha eyıts'ǫ wets'ıhɂǫ̀ Israel got'ı̨į̀, nets'ǫ dǫ agı̨ı̨t'ee sìı, gıxè enıìyah hòɂǫ ha,” Sımeyon hadıì xàyaı̨htı.

Luke 20:44

Davıd ‘sets'ǫ̀ K'àowo,’ yèhdı, hanì dek'eèhtł'è nı̨dè dànì yeza elı̨ welì?” Zezì gòhdı.

Luke 22:43

Yak'eet'ı̨į̀ wets'ǫ̀ wègoèht'į̀, wınì nàtsoò ayį̀į̀là.

Luke 24:4

Dànàhòwo ghǫ nànıgedè ekò hǫtsaa dǫ nàke gıgoht'ǫǫ̀ k'e saı̨dı̨ gogà nàłegeewo.

Luke 24:51

Įłaà gok'eèyahtı et'ıì gots'ǫǫ̀ ı̨dòo yak'e ts'ǫ̀ nıwıìtı̨.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 13:3

Zezì, Wetà t'asìı hazǫǫ̀ ts'ǫ̀ k'àowo ayį̀į̀là, yek'èezǫ. Nǫ̀htsı̨ gots'ǫ at'ı̨ eyıts'ǫ Nǫ̀htsı̨ ts'ǫ̀ anade ha edek'èezǫ.

John 15:26

“Setà wedahxà Yedàyeh Nezı̨ı̨ naxıts'ǫ̀ ahłe ha, Setà wets'ǫ at'ı̨ hǫt'e. Eyı naxıts'àdıı elı̨ı̨ sìı nììtła nı̨dè seghǫ ehkw'ı xàyahtı ha hǫt'e.

John 16:28

Setà gots'ǫ dıı nèk'e ts'ǫ̀ ahjà. Hòt'a dıı nèè gots'ǫǫ̀ anahde ha, Setà wets'ǫ̀ anahde ha,” Zezì gòhdı.

John 17:5

Setà, dıı nèè hòèlı̨ kwe nexè seghàsǫhoedı ı̨lè xèht'eè nexè seghàsǫhoedı ası̨ı̨le.

John 20:12

Yak'eet'ı̨į̀ nàke goht'ǫ degoo yìı geèhkw'e goaɂı̨. Edı̨į̀ Zezì wekw'ǫǫ̀ ı̨ı̨tǫ̀ ı̨lèe sìı wetł'axǫǫ̀ geèhkw'e. Yak'eet'ı̨į̀ ı̨łè kwèe-lǫ wheda, eyıts'ǫ ı̨łè kèe-lǫ wheda.

John 6:62

Dǫ-wet'àaɂàa-deè edı̨į̀ gots'ǫ at'ı̨ı̨ sìı naxıdaà ı̨dòo anajà nı̨dè weghǫ dàahwhǫ ha?

Zezì Wecheekeèdeè 1:19

Dǫ hazǫǫ̀ Jerusalem nàdèe sìı gıghǫìkw'o, eyıt'à eyı dèè sìı Akeldama gıìhdı. Gıyatıì k'ę̀ę̀ “Dèè k'e Edoò ajà” gedıì-agedı.)

Zezì Wecheekeèdeè 10:34

Eyıt'à Peter gots'ǫ̀ goı̨de, “Nǫ̀htsı̨ sìı dǫ ı̨łè xàɂaa zǫ gòìhchı nıìle, eyı sìı k'ǫǫ̀t'a wek'èhoèhzà.

Zezì Wecheekeèdeè 14:27

Kǫ̀godeè Antıoch nègı̨ı̨ɂe ekò Nǫ̀htsı̨ wecheekeè hazǫǫ̀ xè ełegıadì. Nǫ̀htsı̨ dànì goxè eghàlaı̨dà eyıts'ǫ dànì Nǫ̀htsı̨ dǫ eyıì-le xàɂaa gınì nàtsoò agǫ̀ǫ̀làa sìı hazǫǫ̀ gots'ǫ̀ hagedı.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

Rome 10:12

Israel got'ı̨į̀ eyıts'ǫ dǫ eyıì-le xàɂaa sìı Nǫ̀htsı̨ eładı̨ gots'ǫ̀ eghàlaeda nıìle. Dǫ hazǫǫ̀ ełèht'eè gots'ǫ̀ K'àowo elı̨ hǫt'e, eyıts'ǫ dǫ hazǫǫ̀ weghǫ gınì nàtsoo sìı deɂǫ̀ǫ̀ gıxè sìghà hòɂǫ agohɂį̀.

Rome 10:18

Eyıt'à Israel got'ı̨į̀ godı nezı̨ı̨ egıìkw'o nì? Hęɂę, godı nezı̨ı̨ egıìkw'o ı̨lè. Eyı ghǫ dıı hanì dek'eèhtł'è, “Dıı nèk'e dǫ hazǫǫ̀ ts'ǫ̀ agejà t'à, eyı godı nezı̨ı̨ t'à dǫ xè gogedo ı̨lè. Nıwàa nèk'e dǫ ts'ǫ̀ godı nezı̨ı̨ nègı̨ı̨ɂǫ ı̨lè,” dek'eèhtł'è.

Rome 16:26

hanìkò dıì sìı Nǫ̀htsı̨ welǫ whìle ts'ǫ̀ wehòhɂǫǫ sìı wedahxà nakwenàoɂǫǫ egı̨ı̨tł'è t'à wek'èhoedzǫǫ̀ adlà hǫt'e. Hanì-ı̨dè dıı nèk'e dǫ hazǫǫ̀ gıgha ehkw'ı-ahodı xè gık'èı̨t'e ha.

Rome 3:4

Į̀le, hanì ha honàedı nıìle! Dǫ hazǫǫ̀ hogets'ì nǫǫ̀ kò Nǫ̀htsı̨ sìı t'aats'ǫǫ̀ ehkw'ı gode hǫt'e. Dıı hanì dek'eèhtł'è, “Goı̨de nı̨dè, ehkw'ı zǫ xàyaı̨htı dǫ hazǫǫ̀ yek'èezǫ ha, eyıts'ǫ t'asìı wesınìyanehtı nı̨dè t'aats'ǫǫ̀ neyatıì k'ę̀ę̀ agot'ı̨ hǫt'e,” dek'eèhtł'è.

Rome 8:3

Moses wenàowoò gots'àdı ha dìì, goınìłı̨ı̨ ts'ıhɂǫ̀ gogha nàtso-le ajà t'à. Hanìkò Nǫ̀htsı̨ gots'àı̨dì hǫt'e. Xàè Edeza goxèht'eè hołı̨ı̨-hohtsı̨ı̨-dǫǫ̀ k'ę̀ę̀ wègaat'ı̨ı̨ sìı gohołı̨į̀ k'èxa ełaàwı ha gots'ǫ̀ ayį̀į̀là. Hanì hołı̨ı̨-hogehtsı̨ı̨-dǫǫ̀ gıhołı̨į̀ yesınìyaı̨htı hǫt'e.

Rome 9:5

Gıcho Abraham, Isaac, eyıts'ǫ Jacob gots'ǫ dǫ gı̨ı̨lı̨ı̨ hǫt'e. Dıı nèk'e sèot'ı̨ gıta gots'ǫ Zezì-Krı wecho gòı̨lè hǫt'e. Zezì ededı̨ t'asìı hazǫǫ̀ gha Nǫ̀htsı̨ elı̨ı̨ sìı welǫ whìle ts'ǫ̀ weghàsǫts'eedı welè! Amen.

1 Corınth 15:47

T'akwełǫ̀ǫ̀ dǫ wehòèlı̨ı̨ sìı dıı nèk'e gots'ǫ ehtł'è t'à hòèlı̨ hǫt'e, hanìkò dǫ nǫǫde ajàa sìı yak'e gots'ǫ hǫt'e.

1 Corınth 2:7

Nǫ̀htsı̨ wenàowoò gǫǫzǫǫ sìı dǫ ts'ǫ̀ weghǫ gots'ede hǫt'e, eyı sìı dǫ ts'ǫ̀ deɂı̨į̀ wheɂǫ ı̨lè. Dıı nèè hòèlı̨ kwe gots'ǫ gogha wheɂǫǫ̀ ayį̀į̀là ı̨lè, eyıts'ǫ wet'à welǫ whìle ts'ǫ̀ enıìyah xè edaxàgozhe ha.

2 Corınth 1:19

Sılas, Tımothy eyıts'ǫ sı̨ Nǫ̀htsı̨ Weza Zezì-Krı weghǫ naxıts'ǫ̀ gots'ı̨ı̨dee sìı weghǫ “Hęɂę” ts'edı, eyıts'ǫ k'achı̨ “Į̀le” ts'edı nıìle, hanìkò Zezì wexè t'aats'ǫǫ̀ “Hęɂę” hǫt'e.

Galatıa 2:8

Peter yecheekeèdeè elı̨ t'à Nǫ̀htsı̨ Israel got'ı̨į̀ gota eghàlaı̨dà hǫt'e. Eyı xèht'eè sı̨ wecheekeèdeè ehłı̨ t'à Nǫ̀htsı̨ Israel got'ı̨į̀ agı̨ı̨t'e-le sìı gota eghàlaeda hǫt'e.

Galatıa 4:4

Hanìkò Nǫ̀htsı̨ wegha deghàà nèhòkw'o ekò Edeza gots'ǫ̀ ayį̀į̀là, ts'èko ts'ǫ dǫ elı̨, eyıts'ǫ Moses wenàowoò tł'a wheda ı̨lè.

Ephesus 1:9

Nǫ̀htsı̨ dànıwǫǫ sìı dǫ gha deɂı̨į̀ wheɂǫ ı̨lèe sìı wek'èts'eezǫǫ̀ agǫ̀ǫ̀là. Nǫ̀htsı̨ hanì yeghàlaeda wegha nezı̨ eyıts'ǫ Zezì-Krı wedahxà hanì yeghàlaeda hǫt'e.

Ephesus 6:19

Sı̨ sı segha yaahtı, dǫ ts'ǫ̀ gohde nı̨dè dàehsı̨ ha sìı gha yatı seghǫ̀t'à ha t'à. Hanì-ı̨dè sınì dehjı̨-le xè godı nezı̨ı̨ weghǫ t'asìı deɂı̨į̀ whelaa sìı dǫ ts'ǫ̀ haehsı̨ ha.

Colosse 1:23

Eyıt'à Nǫ̀htsı̨ gha naxınì nàtsoò aahwhǫ nı̨dè, weghǫ naaht'è-le nı̨dè, eyıts'ǫ godı nezı̨ı̨ sìı naxıgha ehkw'ı-ahodı nı̨dè naxıxè sìghà ha hǫt'e. Eyı godı nezı̨ı̨ sìı naxıts'ǫ̀ hats'edı hǫt'e eyıts'ǫ dıı nèk'e dǫ hazǫǫ̀ eyı t'à hoghàgıts'eèhtǫ hǫt'e. Sı̨ Paul eyı godı nezı̨ı̨ zǫ gha eghàlaehda hǫt'e.

Colosse 1:27

Eyı dǫ degaı gı̨ı̨lı̨ı̨ sìı dıı nèk'e dǫ hazǫǫ̀ Nǫ̀htsı̨ k'ègeezǫ-le gıta gots'ǫ Nǫ̀htsı̨ gòį̀hchì agı̨ı̨t'e. Weyatıì enıìyah xè deɂı̨į̀ wheɂǫǫ sìı gık'èezǫǫ̀ agǫ̀ǫ̀là. Eyı weyatıì sìı Zezì-Krı naxıdzeè yìı nàdè awèts'edı, eyı wet'à welǫ whìle ts'ǫ̀ enıìyah xè aahda ha.

Colosse 1:6

naxıghǫ̀t'ǫ hǫt'e. Dıı nèk'e hazǫǫ̀ ts'ǫ̀ godı nezı̨ı̨ ajàa sìı wet'à t'asìı nezı̨ı̨ łǫ kèhǫǫ̀wo. Ts'ı nezı̨ı̨, wek'e jìecho nezı̨ı̨ dehsheè lagòjà. T'akwełǫ̀ǫ̀ godı nezı̨ı̨ ghǫ aàhkw'o ekò gots'ǫ Nǫ̀htsı̨ wesǫnıwǫ wenıahdì aahjà ı̨lè, eyıts'ǫ godı nezı̨ı̨ wet'à t'asìı łǫ ehkw'ıı naxıta kèhǫǫ̀wo hǫt'e. Eyı dzęę̀ gots'ǫ jìecho nezı̨ı̨ naxıta dehsheè lagòjà.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

2 Thessalonıca 1:10

Zezì jǫ nǫ̀ǫtłaa dzęę̀ k'e nı̨dè wets'ǫ dǫ degaı gıghàsǫedı ha, eyıts'ǫ dǫ gıgha ehkw'ı-ahodıı sìı gıxè enıìyah deè ha hǫt'e. Godı nezı̨ı̨ naxıts'ǫ̀ nèts'ı̨ı̨ɂǫǫ sìı naxıgha ehkw'ı-ahodı t'à naxı̨ sı naxıxè agode ha hǫt'e.

2 Thessalonıca 2:7

Dıì hòt'a deɂı̨į̀ Nǫ̀htsı̨ k'èch'a eghàlaeda hǫt'e, hanìkò amìı dıı nèk'e wègoèt'į̀ ch'à ayį̀į̀hwhǫǫ sìı ı̨ɂǫ̀ǫ̀ awedle gots'ǫ̀ ı̨łaà ı̨dè ayį̀į̀hwhǫ ha hǫt'e.

1 Tımothy 3:9

Nǫ̀htsı̨ wenàowoò ehkw'ıı hoghàgoètǫǫ sìı hotıì gık'èdì welì eyıts'ǫ weghǫ edınì ehkw'ı agı̨ı̨hwhǫ ha hǫt'e.

Hebrew 1:3

Nǫ̀htsı̨ Weza sìı dànì Nǫ̀htsı̨ wexè saı̨dı̨ı̨ sìı yexèht'eè wexè saı̨dı̨ hǫt'e. Nǫ̀htsı̨ dànì wègaat'ı̨ı̨ sìı Weza hotıì yexèht'eè wègaat'ı̨ hǫt'e, weyatıì nàtso t'à t'asìı hazǫǫ̀ edaà ayį̀į̀hwhǫ. Dǫ gha ełaı̨wo t'à gıhołı̨į̀ gıghǫ nahoazha ayį̀į̀là tł'axǫǫ̀, ı̨dòo yak'e Nǫ̀htsı̨ t'asìı wegha dìì-le sìı gà nàgòts'ehnèe wheda.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.

Hebrew 7:7

Dǫ denahk'e elı̨ı̨ sìı dǫ dek'aɂį̀ elı̨ı̨ k'eèyaı̨htı hǫt'e, hotıì wek'èts'eezǫ.

Hebrew 8:1

Ayìı awèts'edıı sìı dıı awèts'edı: Yahtıı-wet'àaɂàa-deè deghàà degaı elı̨ gots'ǫ hǫt'e, eyı sìı yak'e Nǫ̀htsı̨ wexè enıìyah hòɂǫǫ gà nàgòts'ehnèe wheda,

1 Peter 1:12

Edegha eghàlageeda nıìle hanìkò ayìı ghǫ gogı̨ı̨dee sìı naxıgha agedıı gık'èezǫǫ̀ agììdlà hǫt'e. Dıì godı nezı̨ı̨ t'à naxıts'ǫ̀ gogedee sìı yak'e gots'ǫ Yedàyeh Nezı̨ı̨ gıts'ǫ̀ adlàa sìı wedahxà agedı hǫt'e. Ayìı ghǫ gogı̨ı̨dee sìı yak'eet'ı̨į̀ kò gıgòhɂà ha gı̨ı̨wǫ.

1 Peter 1:20

Dèè hòèlı̨ kwe wììchì hǫt'e, hanìkò dıì nǫǫde dzęę̀ gha wègoèht'į̀ adlà.

1 Peter 1:21

Wets'ıhɂǫ̀ Nǫ̀htsı̨-Gotà naxıgha ehkw'ı-ahodı eyıts'ǫ edaxànaxeehtè gha naxınì nàtso. Nǫ̀htsı̨-Gotà ededı̨ sìı Zezì-Krı k'achı̨ naìdà ayį̀į̀là hǫt'e eyıts'ǫ wexè enıìyah hòɂǫǫ̀ ayį̀į̀là.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

1 Peter 3:22

Zezì-Krı yak'e ts'ǫ̀ ajà xè Nǫ̀htsı̨ gà nàgòts'ehnèe wheda, eyıts'ǫ yak'eet'ı̨į̀ hazǫǫ̀ eyıts'ǫ k'aodèe gı̨ı̨lı̨ı̨ hazǫǫ̀ gık'į̀ı̨t'eè agììdlà.

1 John 1:2

Yatı wet'à ts'eedaa elı̨ı̨ sìı wègoèht'į̀ ajà; wets'aɂı̨ t'à weghǫ gots'ede. Eyı yatı wet'à welǫ whìle ts'ǫ̀ ts'eedaa sìı weghǫ naxıts'ǫ̀ gots'ede. Ededı̨ edetà xè wheda ı̨lèe sìı gots'ǫ̀ wègoèht'į̀ ajà.

1 John 3:5

Hanìkò gohołı̨į̀ whìle ayele gha gots'ǫ̀ ajà ı̨lè, eyı wek'èahsǫ hǫt'e. Ededı̨ sìı hołı̨ı̨ wı̨ı̨zìı wek'e wheɂǫ nıìle.

1 John 3:8

Amìı hołı̨ı̨ nàowoò k'ę̀ę̀ edaa sìı wehłı̨ı̨ nàowoò k'ę̀ę̀ eghàlaeda hǫt'e, kèhoį̀wo gots'ǫ wehłı̨ı̨ sìı hołı̨ı̨ hohtsı̨ ne t'à. Nǫ̀htsı̨ Weza sìı wehłı̨ı̨ wılaà yedıhohtsı̨ gha jǫ ajà ı̨lè.

John Wenazhıı 17:5

Wets'abeè k'e wıızì dek'eèhtł'è, eyı wıızì sìı wenıts'eedì ha gogha dezhì. Wek'e dıı hanì dek'eèhtł'è: “Babylon kǫ̀godeè hǫt'e, ts'èkojıı hazǫǫ̀ gha gomǫ elı̨ hǫt'e eyıts'ǫ dıı nèk'e dǫ hazǫǫ̀ yenàowojıı k'ę̀ę̀ geeda,” hanì dek'eèhtł'è.

John Wenazhıı 17:7

Eyıt'à yak'eet'ı̨į̀ sets'ǫ̀ hadı, “Dànìghǫ sıì negha enıìyah dìì? Eyı ts'èko eyıts'ǫ eyı tıts'aàdìı nechàa k'e whedaa sìı ayìı gha agı̨ı̨t'ee sìı nedaehsı̨ ha. Eyıts'ǫ wekwì łǫ̀hdı̨ eyıts'ǫ wedè hoònǫ wek'e whelaa sìı eyı ghǫ nedaehsı̨ ha.

John Wenazhıı 7:9

Eyı tł'axǫǫ̀ senadąą̀ dǫ łǫ t'à łǫ gìgoèht'į̀. Dǫ sıì łǫ t'à dǫ wı̨ı̨zìı goıhtà ha dìì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèk'e hazǫǫ̀ gots'ǫ dǫ agı̨ı̨t'e. Daèhchı̨cho eyıts'ǫ eyı Sahzǫ̀ą nadąą̀ nàgeèhza. ʔeh degoo nedèe yìı geèhkw'e eyıts'ǫ ɂorı dagıale.