1 Tımothy 3:11 - Nǫ̀htsı̨ Nı̨htł'è

¹¹ Eyı xèht'eè gıts'èkeè ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Yatıjıı t'à dǫ ghǫ gogede ha-le, edexogııhdı ha, eyıts'ǫ ehkw'ı nàhogehwho gha gııtà ha hǫt'e.

1 Tımothy 3:11 ပူးပေါင်းရင်းမြစ်များ

Matthew 4:1

Eyı tł'axǫǫ̀ Zezì wehłı̨ı̨ yeèhdzà ha Yedàyeh Nezı̨ı̨ ekìı-ka nèk'e ts'ǫ̀ ayį̀į̀là.

John 6:70

Zezì edecheekeè ts'ǫ̀ hadı, “Naxı̨ hazǫǫ̀ hoònǫ-daats'ǫ̀-nàke aaht'ee sìı naxìhchì t'ıį̀t'e. Hanìkò naxıta ts'ǫ ı̨łè sìı wehłı̨ı̨ hǫt'e,” gòhdı.

Rome 1:29

T'asìı hazǫǫ̀ wejıı zǫ gı̨ı̨wǫǫ̀ agejà. Sıì egedì-le agejà eyıts'ǫ sıì gınìłı̨ı̨. Sıì ts'ohogeedı, ełaàłegede, ełets'ǫ̀ nàyagehtı, ełeghǫyageeɂà, eyıts'ǫ hołı̨ı̨ k'ę̀ę̀ k'ehogeɂa. Ełeghǫ nezı̨į̀ gogede-le,

1 Tımothy 1:12

Gots'ǫ̀ K'àowo Zezì-Krı sedzeè t'à masì weehwhǫ. Sınì nàtsoò asį̀į̀là t'à, ehkw'ı eghàlaedaa dǫǫ̀ aht'e sı̨ı̨hwhǫ t'à, eyıts'ǫ wegha eghàlaehda ha sį̀į̀hchì t'à masì weehwhǫ.

1 Tımothy 3:2

Nǫ̀htsı̨ wecheekeè gha k'àowo elı̨ı̨ sìı weghǫ godı nezı̨-le gǫ̀hłı̨ ha nıìle. Wets'èkeè ı̨łè zǫ gǫ̀hłı̨ xè ehkw'ı eda ha, hotıì edexoehdı ha, nàowołı̨ı̨ ch'à edek'èdì xè dǫ nezı̨į̀ gıts'ǫ̀ naɂa ha, wekǫ̀ dǫ gha enìxànı̨ı̨tǫ ayį̀į̀hwhǫ ha, eyıts'ǫ nezı̨į̀ dǫ hoghàehtǫǫ elı̨ ha hǫt'e.

1 Tımothy 6:2

K'àowo gı̨ı̨lı̨ı̨ eyıts'ǫ gıcheekeè į̀łah gıgha ehkw'ı-ahodı t'à ełèot'ı̨ agı̨ı̨t'e. Gıcheekeè gı̨ı̨lı̨ı̨ sìı dek'aɂį̀ gots'ǫ̀ nageɂa ha-le, hanìkò dǫ got'à hogeehwhıı sìı gıgha ehkw'ı-ahodı xè goghǫnegeètǫ agı̨ı̨t'e t'à denahk'e hòtł'ò gıgha eghàlageeda ha hǫt'e. Gıcheekeè gı̨ı̨lı̨ı̨ sìı eyı nàowo hoghàgı̨ı̨htǫ welì eyıts'ǫ hotıì weghàà aahda gìı̨dı.

2 Tımothy 3:3

ełeghǫnegeètǫ ha-le, ełeghǫ nahogeele ha-le, ełıızì jıı gehtsı̨ ha, nàowołı̨ı̨ ch'à edek'ègedì ha dìì, ełets'ǫ̀ yıdagı̨ı̨t'e ha, t'asìı nezı̨ı̨ sìı dzagı̨ı̨hwhǫ ha,

2 Tımothy 4:5

Hanìkò nı̨ sìı t'asìı hazǫǫ̀ gha nınì ehkw'ı anehwhǫ, negha hoìla kò wexè ts'èwhı̨į̀ ı̨da. Godı nezı̨ı̨ k'eneɂa gha nekayaetı ne t'à, la neghǫ̀t'ǫǫ sìı t'aats'ǫǫ̀ wek'ę̀ę̀ hòtł'ò eghàlaı̨da.

Tıtus 2:3

Eyı lanì ts'èko ǫhdaà sìı nàowo degaı k'ę̀ę̀ geeda gha hoghàgı̨ı̨htǫ. Dǫ gıızì jıı gııhtsı̨-le, jìetì ghageede ha-le, hanìkò t'asìı nezı̨ı̨ sìı hoghàgogııhtǫ.

Tıtus 3:2

Dǫ gıızì jıı gııhtsı̨-le, dǫ hazǫǫ̀ ts'ǫ̀ ts'èwhı̨į̀ gııdà, gıdzeè nezı̨ı̨ t'à dǫ daànıgedè ha eyıts'ǫ dǫ hazǫǫ̀ ts'ǫ̀ k'èeweèt'ı̨ k'ę̀ę̀ geeda ha hǫt'e.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.