1 Tımothy 2:4 - Nǫ̀htsı̨ Nı̨htł'è

⁴ Dǫ hazǫǫ̀ edaxàgeedè ha nıwǫ, eyıts'ǫ nàowo ehkw'ıı k'ègeezǫ xè gınıedì ha nıwǫ.

1 Tımothy 2:4 ပူးပေါင်းရင်းမြစ်များ

Matthew 28:19

Eyıt'à hazǫǫ̀ nèk'e ts'ǫ̀ aahde, dǫ hazǫǫ̀ xàɂaa secheekeè aahtsı̨. Nǫ̀htsı̨-Gotà wıızì, Weza wıızì eyıts'ǫ Yedàyeh Nezı̨ı̨ wıızì t'à gık'ètaìdzǫǫ̀ agıahłe.

Mark 16:15

Eyıts'ǫ gots'ǫ̀ hadı, “Dıı nèk'e hazǫǫ̀ ts'ǫ̀ aahde, godı nezı̨ı̨ dǫ hazǫǫ̀ ts'ǫ̀ haahdı.

Luke 1:77

Wets'ǫ dǫ dànì edaxàgeedè ha sìı hoghàgı̨ı̨htǫ ha; gıhołı̨į̀ gıghǫ nahoezhe t'à edaxàgeedè ha.

Luke 14:23

“Eyıt'à k'àowo edecheekeè ts'ǫ̀ hadı, ‘Yeè ekìı-ka tı̨lı nıɂàa gots'ǫ dǫ t'alàa-sìı jǫ goyagııdè agı̨ı̨le, sekǫ̀ dǫ dagoòɂǫ ha dehwhǫ.

Luke 24:47

Chrıst wıızì dahxà dıı nèk'e dǫ hazǫǫ̀ xàɂaa ts'ǫ̀ goahde ha, dǫ edek'egı̨ı̨lı̨ nı̨dè gıhołı̨į̀ gıghǫ nahoezhe ha. Jerusalem ekǫ t'akwełǫ̀ǫ̀ dǫ ts'ǫ̀ goahde ha.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 17:17

Nàowo ehkw'ıı t'à degaı agı̨ı̨le eyıts'ǫ nets'ǫ gı̨ı̨lı̨į̀ agı̨ı̨le; neyatıì sìı nàowo ehkw'ıı hǫt'e.

John 6:37

Setà dǫ hazǫǫ̀ seghàı̨laa sìı sets'ǫ̀ agede ha, amìı sets'ǫ̀ at'ı̨ı̨ sìı naweehɂà hǫı̨lı̨ ha-le.

Rome 11:14

Naxıgha eghàlaehda t'à edahxǫ xàè sèot'ı̨ naxıghǫ ts'ohogeedıì ageehłe ha dehwhǫ, hanì-ı̨dè mǫ̀hdaa edaxàgeedaà ageehłe ha welì.

1 Tımothy 4:10

Eyıt'à wek'ę̀ę̀ hòtł'ò eghàlats'eeda xè wet'à dats'ı̨ı̨ɂa, Nǫ̀htsı̨ edaa sìı wegha goınì nàtsoò ats'ı̨ı̨là t'à. Nǫ̀htsı̨ sìı dıı nèk'e ts'ǫ dǫ hazǫǫ̀ edaxàlee elı̨ı̨ hǫt'e, eyıts'ǫ dǫ gıgha ehkw'ı-ahodıı sìı denahk'e edaxàgole hǫt'e.

2 Tımothy 2:25

Dǫ gık'èch'a agedıı sìı edek'egı̨ı̨lı̨ gha Nǫ̀htsı̨ goghàhòɂà ha t'à ts'èwhı̨į̀ hoghàgoehtǫ ha hǫt'e. Hanì-ı̨dè nàowo ehkw'ıı sìı gık'èezǫǫ̀ agede ha,

2 Tımothy 3:7

T'aats'ǫǫ̀ hołı̨ı̨ nàowoò hoghàdegeetǫ, hanìkò Nǫ̀htsı̨ wenàowoò ehkw'ıı sìı gıgha ehkw'ı-ahodı hǫı̨lı̨-le.

Tıtus 1:1

Sı̨ Paul Nǫ̀htsı̨-Gotà wegha eghàlaehda eyıts'ǫ Zezì-Krı wecheekeèdeè aht'e. Nǫ̀htsı̨-Gotà dǫ gòį̀hchìı sìı gıgha ehkw'ı-ahodı agehłe gha eyıts'ǫ nàowo ehkw'ıı wet'à Nǫ̀htsı̨ wek'ę̀ę̀ ts'eeda ha sìı gık'èhoezǫǫ̀ agehłe gha Zezì-Krı dǫ ts'ǫ̀ sı̨ı̨hɂà hǫt'e.

Tıtus 2:11

Nǫ̀htsı̨ wesǫnıwǫǫ wet'à dǫ hazǫǫ̀ edaxàdè ha sìı dǫ hazǫǫ̀ ts'ǫ̀ wègoèht'į̀ hǫt'e.

Hebrew 10:26

Nàowo ehkw'ıı wek'èts'eezǫǫ̀ agòìdlà kò k'èdaà hołı̨ı̨ hots'ehtsı̨ ha ts'ı̨ı̨wǫ nı̨dè, gohołı̨į̀ k'èxa t'asìı Nǫ̀htsı̨ ghàts'eɂà ha sìı gǫ̀hłı̨-le agode ha,

James 3:14

Hanìkò ełeghǫ ts'oxoahdı xè dǫ wet'àaɂàa edaahtsı̨ nı̨dè goahsǫ nıìle. Edeghǫ xàdahoahdì-le, eyıts'ǫ nàowo ehkw'ıı sìı wedę aahłe-le.

2 Peter 3:9

Gots'ǫ̀ K'àowo edeyatıì goghàı̨ɂǫǫ sìı yek'ę̀ę̀ eghàlaeda ha whį̀at'ı̨ nıìle, hanìkò dǫ mǫ̀hdaa whį̀at'ı̨ gı̨ı̨wǫ. Nǫ̀htsı̨ sìı ts'èwhı̨į̀ naxıdanaèhɂı̨ hǫt'e, dǫ wı̨ı̨zìı wedıhołè ha nıwǫ-le, dǫ hazǫǫ̀ edek'egı̨ı̨lı̨ ha goı̨hwhǫ hǫt'e.

2 John 1:1

Sı̨ Zezì wecheekeèdeè aht'ee, Nǫ̀htsı̨ edegha dǫ gòį̀hchìı sìı gıts'ǫ̀ eehtł'è. Nàowo ehkw'ıı k'ę̀ę̀ gıghǫneehtǫ, sı̨ zǫǫ̀-le, hanìkò dǫ hazǫǫ̀ nàowo ehkw'ıı k'èhogeezǫǫ sìı ededı̨ sı goghǫnegeètǫ hǫt'e.

John Wenazhıı 14:6

Eyı tł'axǫǫ̀ yak'eet'ı̨į̀ k'achı̨ ı̨łè ı̨dòo k'et'a weehɂı̨. Godı nezı̨ı̨ welǫ whìle ts'ǫ̀ wheɂǫǫ dıı nèk'e dǫ hazǫǫ̀ gık'èezǫ ha k'eyeɂa; dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèk'e hazǫǫ̀ gha adlà hǫt'e.