1 Tımothy 2:3 - Nǫ̀htsı̨ Nı̨htł'è

³ Hats'et'ı̨ı̨ sìı nezı̨ hǫt'e eyıts'ǫ Nǫ̀htsı̨ Edaxàgolee elı̨ı̨ sìı yeghǫ sìghà anıwǫ hǫt'e.

1 Tımothy 2:3 ပူးပေါင်းရင်းမြစ်များ

Luke 1:47

eyıts'ǫ Nǫ̀htsı̨ edaxàsį̀ı̨htı̨ı̨ sìı weghǫ sedzeè t'à sınà.

Rome 14:18

Dǫ hanì Zezì gha geedaa sìı Nǫ̀htsı̨ wınì k'ę̀ę̀ aget'ı̨ hǫt'e, eyıts'ǫ dǫ sı gha nezı̨ı̨ aget'ı̨ hǫt'e.

Phılıppı 1:11

Eyıts'ǫ Zezì-Krı wets'ıhɂǫ̀ t'asìı hazǫǫ̀ t'à ehkw'ı k'ehoahɂa, hanì-ı̨dè Nǫ̀htsı̨ weghàsǫhoedı ha hǫt'e.

Phılıppı 4:18

Hòt'a deghàà naxıt'à hoehwhì hǫt'e, eyıts'ǫ deɂǫ̀ǫ̀ seghàahła hǫt'e. Epaphrodıtus wetł'aà sǫǫ̀mba sedanìahła t'à t'asìı seɂǫ̀atłǫ whelaà ajà. T'asìı sets'ǫ̀ aahłàa sìı Nǫ̀htsı̨ wets'ǫ̀ t'asìı łekǫǫ k'ets'eehk'ǫ̀ lanì, eyı sìı Nǫ̀htsı̨ yeghǫ sìghà anıwǫ hǫt'e.

Colosse 1:10

Gots'ǫ̀ K'àowo wınì k'ę̀ę̀ hotıì ehkw'ı aahda ha naxıts'ı̨ı̨hwhǫ t'à, hanì naxıgha yats'ehtı. Hanì-ı̨dè Nǫ̀htsı̨ weghàsǫhoedı ha eyıts'ǫ dànì eghàlaahdaa hazǫǫ̀ yeghǫ sìghà anıwǫ ha. T'asìı nezı̨ı̨ łǫ wegha eghàlaahda ha eyıts'ǫ Nǫ̀htsı̨ denahk'e nezı̨į̀ wek'èahsǫǫ̀ aahde ha.

1 Thessalonıca 4:1

Sèot'ı̨ı̨, nǫǫde t'à ı̨łaà t'asìı ghǫ naxıts'ǫ̀ eehtł'è ha dehwhǫ. Dànì Nǫ̀htsı̨ wınì k'ę̀ę̀ ts'eedaa sìı weghǫ hoghànaxets'eèhtǫ ı̨lè t'à dıì hanì aahda hǫt'e. Gots'ǫ̀ K'àowo Zezì weyatıì dahxà k'èdaà hanì aahda naxìts'edı, naxıghǫnàdats'eetì.

1 Tımothy 1:1

Sı̨ Paul, Nǫ̀htsı̨ Edaxàgolee sìı eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ ts'eeda ha sìı gıdahxà Zezì-Krı wecheekeèdeè aht'e.

1 Tımothy 4:10

Eyıt'à wek'ę̀ę̀ hòtł'ò eghàlats'eeda xè wet'à dats'ı̨ı̨ɂa, Nǫ̀htsı̨ edaa sìı wegha goınì nàtsoò ats'ı̨ı̨là t'à. Nǫ̀htsı̨ sìı dıı nèk'e ts'ǫ dǫ hazǫǫ̀ edaxàlee elı̨ı̨ hǫt'e, eyıts'ǫ dǫ gıgha ehkw'ı-ahodıı sìı denahk'e edaxàgole hǫt'e.

1 Tımothy 5:4

Ekò gıza eyıts'ǫ gıchaà gǫ̀hłı̨ nı̨dè ededı̨ t'akwełǫ̀ǫ̀ edèot'ı̨ ts'àgedı ha hoghàdegııtǫ. Gıgha ehkw'ı-ahodı k'ę̀ę̀ edèot'ı̨ k'ègedì ha hǫt'e. Edèot'ı̨ ts'ǫ̀ hanì geeda nı̨dè ek'èt'à t'asìı goghǫ̀gele lanì ha hǫt'e, eyıts'ǫ Nǫ̀htsı̨ eyı ghǫ sìghà anıwǫ hǫt'e.

2 Tımothy 1:9

Nǫ̀htsı̨ ededı̨ edaxàgoı̨la hǫt'e, wets'ǫ dǫ degaı ts'ı̨ı̨lı̨ ha gokayaı̨htı hǫt'e. T'asìı wı̨ı̨zìı hots'èhtsı̨ t'à agǫ̀ǫ̀là nıìle, hanìkò hanıwǫ t'à eyıts'ǫ wesǫnıwǫ ts'ıhɂǫ̀ agǫ̀ǫ̀là hǫt'e. Dıı nèè hòɂǫ kwe Zezì-Krı wet'ǫ̀ǫ̀ Nǫ̀htsı̨ hòt'a edesǫnıwǫǫ̀ goghàyı̨ı̨ɂǫ ı̨lè.

Hebrew 13:16

Nàowo nezı̨ı̨ ghàlaahda xè ełets'àahdıı sìı t'aats'ǫǫ̀ wenaahdì. Hanì ełets'ǫ̀ eghàlats'eeda nı̨dè Nǫ̀htsı̨ wınà hots'ehtsı̨ hǫt'e.

1 Peter 2:20

Hanìkò ekǫ-le hòahtsı̨ k'èxa naxıkwǫ̀ǫyaà-naxììdlà kò naxıgha t'asanìle nı̨dè dànì naxıgha hoǫzı̨ lì? Hanìkò nezı̨į̀ aahda k'èxa nànaxeekwa xè ts'èwhı̨į̀ daahɂa nı̨dè eyı sìı Nǫ̀htsı̨ wegha nezı̨ hǫt'e.

1 Peter 2:5

Eyı lanì naxı̨ sı kwe edaa laaht'e. Naxı̨ sìı Nǫ̀htsı̨ wekǫ̀ gocho laaht'e eyıts'ǫ yahtıı degaı lanì wegha k'ehoahɂa. Zezì-Krı naxıgha ehkw'ı adı t'à, Nǫ̀htsı̨ wınì k'ę̀ę̀ weghàdeahła.