1 Tımothy 2:10 - Nǫ̀htsı̨ Nı̨htł'è

¹⁰ Hanìkò ts'èko Nǫ̀htsı̨ gha ts'eeda gedıı sìı yek'ę̀ę̀ geeda ha hǫt'e eyıts'ǫ nezı̨į̀ k'ehogeɂa ha hǫt'e.

1 Tımothy 2:10 ပူးပေါင်းရင်းမြစ်များ

Zezì Wecheekeèdeè 9:36

Kǫ̀ta Joppa gòyeh ekǫ ts'èko ı̨łè nàdè, Tabıtha wìyeh (Greek k'ę̀ę̀ Dorcas wìyeh). Eyı ts'èko Nǫ̀htsı̨ wecheekeè elı̨ hǫt'e. T'aats'ǫǫ̀ dǫ gha eghàlaeda eyıts'ǫ dǫ-teèt'ı̨ı̨ ts'àdı.

Zezì Wecheekeèdeè 9:39

Eyıt'à Peter gok'èè èhtła. Ekǫ nègı̨ı̨de ekò ı̨dòo dahkǫ̀ ts'ǫ̀ dekıìtłaà agı̨į̀là. Ts'èko gıgà dǫzhìı whìle sìı hazǫǫ̀ Peter gà nàgeèhza, getse. Dorcas ı̨łaà eda ekò gogha goht'ǫ whehtsı̨ı̨ sìı Peter ts'ǫ̀ dagıale.

Ephesus 2:10

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

1 Tımothy 2:11

Ts'èko sìı ts'èwhı̨į̀ t'asìı hoghàdııtǫ eyıts'ǫ t'aats'ǫǫ̀ ıìkw'o ha.

1 Tımothy 2:9

Ts'èko sìı ehkw'ı k'ę̀ę̀ nàgehtł'ı̨ ha hǫt'e. Deɂǫ̀ǫ̀ edekwìghà degehtł'ı̨-le kò, t'asìı sǫǫ̀mbaekwo eyıts'ǫ sǫǫ̀mbakweè t'à hòèlı̨ı̨ sìı t'à-aget'ı̨-le kò, eyıts'ǫ goht'ǫ dètìı t'à-aget'ı̨-le kò.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Tıtus 3:8

Eyı yatı neghàı̨ɂǫǫ sìı hotıì ehkw'ı hǫt'e. Eyı yatı hazǫǫ̀ t'à gıts'ǫ̀ goı̨de ha dehwhǫ. Hanì-ı̨dè amìı Nǫ̀htsı̨ gıgha ehkw'ı adıı sìı edexogııhdı xè ayìı nezı̨ı̨ sìı zǫ ghàlageeda ha. Eyı yatı hazǫǫ̀ dǫ gık'ę̀ę̀ geeda gha sìı nezı̨ hǫt'e, eyıts'ǫ dǫ hazǫǫ̀ gha wet'àaɂà hǫt'e.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

2 Peter 3:11

T'asìı hazǫǫ̀ hanì wedıhołè ha t'à dànì aahda ha sìı edeghǫ nànıahdè welì. Nǫ̀htsı̨ wınì k'ę̀ę̀ degaı k'ę̀ę̀ aahda.

John Wenazhıı 2:19

Dànì aahdaa sìı naxık'èehsǫ. Ełeghǫnıahtǫ xè naxıgha ehkw'ı-ahodı hǫt'e. Ełets'àdaahdı eyıts'ǫ hoìla kò naxınì nàtso hǫt'e. Eyıts'ǫ t'akwełǫ̀ǫ̀ secheekeè whahłı̨ nahk'e hanì eghàlaahda hǫt'e.