1 Tımothy 2:1 - Nǫ̀htsı̨ Nı̨htł'è

¹ Eyıt'à t'akwełǫ̀ǫ̀ dǫ hazǫǫ̀ gha hòtł'ò yaahtı: gıgha Nǫ̀htsı̨ weahkè, gıgha nàdaahtì, eyıts'ǫ gıgha masì dahdı.

1 Tımothy 2:1 ပူးပေါင်းရင်းမြစ်များ

Zezì Wecheekeèdeè 17:30

Įnę̀ę dǫ dàget'ı̨ı̨ sìı gık'èezǫ-le t'à Nǫ̀htsı̨ nàgoehkwa-le ı̨lè, hanìkò dıì sìı dǫ hazǫǫ̀ edek'egı̨ı̨lı̨ xè wets'ǫ̀ anats'ede ha goı̨hwhǫ.

Rome 1:8

T'akwełǫ̀ǫ̀ dıı haehsı̨ ha dehwhǫ: dıı nèk'e dǫ hazǫǫ̀ ts'ǫ̀ dǫ naxıgha ehkw'ı-ahodı ghǫ gogede t'à Zezì-Krı wedahxà naxıgha Senǫ̀htsı̨ masì weehwhǫ hǫt'e.

Rome 6:17

Hołı̨ı̨ naxınì ts'ǫ̀ k'àhowo k'ę̀ę̀ zǫ eghàlaahda ı̨lè, hanìkò godı nezı̨ı̨ hoghànaxeètǫ ekò hotıì naxıdzeè t'à wek'èaht'e dahwhǫǫ̀ aahjà, eyı gha Nǫ̀htsı̨ masì wets'ı̨ı̨hwhǫ hǫt'e.

1 Corınth 15:3

Yatı sets'ǫ̀ nìt'ǫǫ sìı yatı t'akwełǫ̀ǫ̀ wek'èahsǫ ha naxıghàehɂǫ hǫt'e. Eyı yatı sìı Zezì-Krı gohołı̨į̀ k'èxa ełaı̨wo hǫt'e, eyı sìı Nǫ̀htsı̨ Nı̨htł'è k'ę̀ę̀ agòjà.

2 Corınth 8:6

Tıtus ededı̨ naxıta dǫ gha sǫǫ̀mba nàhtsį̀ yexèhoį̀hwho ı̨lè t'à, naxıdzeè sǫnıwǫ t'à dǫ ts'àahdıı sìı deghàà nàyehtsį̀ ha wèts'edı hǫt'e.

Ephesus 3:13

Eyıt'à naxıgha daıhɂa kò sets'ıhɂǫ̀ naxıgha gots'eèdı awede-le, eyı wet'à sıì naxıgha enıìyah ha hǫt'e.

Ephesus 5:20

T'aats'ǫǫ̀ Zezì-Krı wıızì t'à Nǫ̀htsı̨-Gotà t'asìı hazǫǫ̀ gha masì weahwhǫ.

Ephesus 6:18

Eyıts'ǫ Yedàyeh Nezı̨ı̨ naxıts'àdı t'à t'asìı hazǫǫ̀ xàɂaa gha yaahtı eyıts'ǫ naxıts'àdı ha weahkè. Eyıt'à hotıì kexoahdı eyıts'ǫ t'aats'ǫǫ̀ Nǫ̀htsı̨ wets'ǫ dǫ hazǫǫ̀ gha yaahtı.

Phılıppı 1:3

Naxınahdì xètłǫ Senǫ̀htsı̨ masì weehwhǫ.

Phılıppı 4:6

T'asìı wı̨ı̨zìı ghǫ nànıahdè-le, hanìkò Nǫ̀htsı̨ ts'ǫ̀ yaahtı, t'asìı hazǫǫ̀ naxıgha whìle sìı weahkè, eyıts'ǫ masì wèahdı.

1 Thessalonıca 3:12

Goxı̨ dànì sıì naxıghǫnets'eètǫ k'ę̀ę̀ gots'ǫ̀ K'àowo deɂǫ̀ǫ̀ ełeghǫnıahtǫ eyıts'ǫ dǫ hazǫǫ̀ deɂǫ̀ǫ̀ gıghǫnıahtǫ anaxııle.

2 Thessalonıca 1:3

Sèot'ı̨ı̨, denahk'e hòtł'ò naxıgha ehkw'ı-ahodıì aahde xè naxıdzeè t'à deɂǫ̀ǫ̀ ełeghǫnıahtǫ t'à t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ ha hǫt'e.

1 Tımothy 2:4

Dǫ hazǫǫ̀ edaxàgeedè ha nıwǫ, eyıts'ǫ nàowo ehkw'ıı k'ègeezǫ xè gınıedì ha nıwǫ.

1 Tımothy 5:5

Ts'èko gıdǫǫ̀ ełaı̨dèe, sıì etegeèt'ı̨ı̨ xè dǫ wı̨ı̨zìı gok'èdì-le sìı hotıì Nǫ̀htsı̨ ghǫ hòtł'ò agı̨ı̨wǫ ha hǫt'e. Nǫ̀htsı̨ gots'àdı gha toò, dzęę̀ ehk'ę̀ę̀ t'aats'ǫǫ̀ Nǫ̀htsı̨ ts'ǫ̀ yagehtı welì.

2 Tımothy 2:24

Gots'ǫ̀ K'àowo wecheekeè sìı dǫ xè nàyaehtı ha nıìle. Dǫ hazǫǫ̀ ts'ǫ̀ wedzeè eteèɂı̨ ha hǫt'e, dǫ hoghàgoehtǫ ha dìì-le, eyıts'ǫ dǫ dzaı̨hwhǫ ha-le.

Tıtus 2:11

Nǫ̀htsı̨ wesǫnıwǫǫ wet'à dǫ hazǫǫ̀ edaxàdè ha sìı dǫ hazǫǫ̀ ts'ǫ̀ wègoèht'į̀ hǫt'e.

Tıtus 3:2

Dǫ gıızì jıı gııhtsı̨-le, dǫ hazǫǫ̀ ts'ǫ̀ ts'èwhı̨į̀ gııdà, gıdzeè nezı̨ı̨ t'à dǫ daànıgedè ha eyıts'ǫ dǫ hazǫǫ̀ ts'ǫ̀ k'èeweèt'ı̨ k'ę̀ę̀ geeda ha hǫt'e.

Hebrew 6:11

Naxı̨ hazǫǫ̀ nǫǫde dzęę̀ ts'ǫ̀ hotıì k'èdaà hanì eghàlaahda naxıts'ı̨ı̨hwhǫ, hanì-ı̨dè ayìı wekanıahɂàa sìı wek'ę̀ę̀ agode ha.

James 5:16

Eyıt'à naxıhołı̨į̀ ghǫ ełets'ǫ̀ hǫdeahdè, eyıts'ǫ ełegha yaahtı, hanì-ı̨dè k'aàt'ıì aahde ha. Dǫ ehkw'ı edaa sìı yahtı nı̨dè weyatıì nàtso hǫt'e, eyıts'ǫ t'asìı gha yahtıı sìı wek'ę̀ę̀ hòɂǫ at'į̀.